Ịmarakayị 1:2 - IWE ỌNỊNỊ

² Ẹnẹyịmavara kà ọnị vị eneē sì ịrẹyị Anisirẹrị nịnị. Dị ẹnịnị họ̀ ọ use ka, “Ọ́ mẹmẹ sì ịrẹyị ẹnịnị kẹ?” Dị Ẹnẹyịmavara va ohi wa ka, “Ẹ́ẹ́ yẹ ka Ijekọvụ ana vị ohiku ẹnịnị vị ọyịnyara Iisọ?” Ama dị ọnị sì ịrẹyị Ijekọvụ nị,

Ịmarakayị 1:2 Referans Kwoze

Ijeremaya 31:3

Ẹnẹyịmavara kà ọnị ộ hụrẹ aha ẹnẹẹnẹ ve tu wa, dị ọnị ka, ẹwụ nịnị Anisirẹrị, vị ọnịị sì ịrẹyị awụ nịnị pooro kẹnẹ nị ọ. Avọọ ọnị maanị aa yịị sị zụ wụ nịnị ka ọnị oo sì ịrẹyị awụ nịnị pooro nị.

Iwe Ọhụhị Imosiisi ana aa hị́ Ọyịvatụrọda 10:15

Ọ nyayịnẹ sì ịrẹyị ohiku ẹnịnị, dị ọ nyị wa dị ọ navọ avaba Anẹkụra nịnị ana vọ nị. Avọọ ọ mẹ yị nyị wa pooro ve tu ajịnị nị.

Iwe Ọhụhị Imosiisi ana aa hị́ Ọyịvatụrọda 4:37

Agụvị ka o sì ịrẹyị ohiku ẹnịnị, ọ sị nyị ezi ẹnịnị, dị ọ sị ụkata anị kụ wa jịnẹ hụrẹ Ijipiti nị.

Ịmarakayị 2:17

Ẹnẹyịmavara kà, ịsị ẹnịnị aa ka ô du ọnị eyi. Ama dị ẹyaa họ̀ ọ use ka, sị ẹnị ka ene du ọ eyi? Dị ọ ka ẹnịnị aa kà a ka, Ẹnẹyịmavara o sì ịrẹyị aza ana mẹ̀ ebira odivi, Dị ẹnịnị re họ̀ o use ka, ịzị Ohomorihi anaā mẹ̀ ọkarẹyị ya?

Ijeremaya 2:31

Ẹnẹyịmavara kà ẹwụ nịnị Anisirẹrị ọ̀ wụ́ ịrẹyị anị: Vị ọnị wa sị vara ụnọmị yị wụ nịnị nị? Vị ọnị wa sị vara ẹtẹ ọnị ịrahụ ruma-ruma za yị wụ nịnị nị? Sị ẹ vẹ di ụ va ka ịsị e zee wu nịnị eyi kẹnẹ ụ kụkụ aa mẹ nịnị nị? Dị ụ ka wẹ yị ma vana và ka ọnị vẹ nịnị?

Ijeremaya 2:5

Ẹnẹyịmavara kà: Sị ẹ vị akụvị anị ọnị ohiku awụ nịnị re ẹnẹ ẹnịnị sị re ọnị zwe? Ẹnịnị ẹ naa hẹkẹ ịsa kẹnẹ-kẹnẹ, dị ẹnị ụvọta ẹnị rẹ kụkụ vị aza kẹnẹ-kẹnẹ nị.

Ayịsaya 43:4

Agụvị ka wâ nyị irihi ini eyi amị nịnị, mâ sị ụbanyị wụ nịnị, dị mị sì ịrẹyị awụ nịnị nị. Mâ hụrẹ aza ụvọ ụvị dị ụ wa ha nịnị. Mâ sị anẹkụra nịnị vara wụ nịnị, ụvị dị ụ wa yàra nịnị.

Oyinyima 48:4

Dị ọ ka ọnị vaa mẹ ka ọnị ọ̀ ma ozi rụrụ ẹtẹẹtẹrẹ. Ọ kà ezi anị ẹ vaa vi ohiku anẹkụra ọrụrụ-ọrụrụ nị. Ọ kà dị ọ rẹ ka ọnị vaa sị ẹtẹ ọnọọ yị ezi anị ịrẹma-ịrẹma dị ahịka ẹnị ẹ kụkụ nyị pooro zịna-zịna nị.

Oyinyima 27:33

Di ẹngụ Ayiziiki aa banyị pápàpà, dị ọ ka, “Ẹnẹ vịdị wụ̀ uye va yị mị ọnị mị rị avaba anị dị ụ vavẹ? Wáá yẹ ka ma raà mẹ̀ aduwa yị ọza ọnọọ! Aduwa ọnọọ vị ana aa sẹẹ tụra a ịrẹsụ.”

Oyinyima 25:23

Ọ mẹ na họ̀ ọ, Di Ẹnẹyịmavara tụ́ o ohi dị ọ ka: Anẹkụra ẹẹva e hi ịnị ịrẹka anị nị. Anẹkụra ẹẹva ọ vaa ma nị, ama vị ẹ vaa gàa hi nị. Ọnya ọ vaa nyị ụkata hu ọsa nị. Ana vị ọzọkụ ọ vaa hẹkẹ ana vi ozweyi nị.

Iruuku 10:29

Ama ọzwọzọda ọnọọ ee sì ka ọnị ọ̀ jị ịhị yị ẹngụ anị; dị ọ họ̀ Ijeesu ka, “Ẹnẹ vị ọnọhụva amị kẹ?”

Ịjọọnụ 15:12

“Ọda ọnị mị mẹ wụ nịnị, yị; Ka we sì ịrẹyị ẹngụ nịnị anka ẹ́mị mè re sí ịrẹyị awụ nịnị.

Iwe Ọhụhị Imosiisi ana aa hị́ Ọyịvatụrọda 23:5

Ama Ẹnẹyịmavara Ohomorihi awụ nịnị ẹ yị dọ ịrẹyị Ịbaraamị. Ohomorihi awụ nịnị ộ vara ozirenu ọnị Ịbaraamị tụ́ hi wu nịnị tụ ịnị ọyịza yị wụ nịnị, agụvị ka ô sì ịrẹyị awụ nịnị.

Iwe Ọhụhị Imosiisi ana aa hị́ Ọyịvatụrọda 33:3

Ẹnẹyịmavara ò sì ịrẹyị aza anị, dị è sere aza ana vị anị. Agụvị avọọ ẹnị aa ku ẹtẹ kụ ọ, dị ẹnị sị ụvọ za avaba ọda anị nị.

Ayịsaya 63:1

Ẹnẹ ọnị ọnọnị vị ana hụrị Ibozira ịnị ẹtẹ Edomi aa vẹ aanị kẹ? Ẹnẹ kụ́ ẹnya ovivi chomi-chomi hí ẹngụ, di e hu ahụ ọkọọka ịnị ụbanyị ụkata anị vẹ aanị? Ẹnẹyịmavara ana hụ ọ dọ ọza ha aa vẹ vaa nọ̀ ka ọnị ọ raà nyị ehuna.

Emọsị 1:11

Ẹnẹyịmavara kà ọnị aa pa ịva yị Anedomi nịnị agụvị ebira odivi odivi ọnị ệ mẹ̀. Ẹnịnị ẹ sị ụ̀hwọ̀ wụ̀ Anisirẹrị ẹnị ẹnịrị vị anda. Ọyịha odivi ẹnịnị, ẹ yị zẹ ka ẹ vayị ọza vụrụ-vụrụ. Ẹnịnị ẹ yị mẹ̀ ẹ sị rị.

Oyinyima 25:25

Ịpaapa mẹ jịnẹ vẹ, dị ọ vi ovivi, dị ẹngụ anị vị ẹyị-ẹyị anka ịta ẹyị-ẹyị avọọ nị, agụvị avọọ di aa hị́ ọ Iisọ nị. Iruvo Edomi ô vene ịrẹyị ẹnị ẹẹ̄ hị́ ovivi ịnị ẹkụra Anihiburu.

Oyinyima 25:26

Dị ọhụva anị ọnị rẹ jịnẹ vẹ nị, dị ahịka vị ọ sị ụvọ za Iisọ ibezi ahụ nị, agụvị avọọ di aa hị́ ọnọọ Ijekọvụ nị. Ayiziiki vị ịrayị ẹbẹẹta di Irebeka vavọọ ma ezi ẹnẹẹ. Ijekọvụ ini Ihiburu, ô vene ịrẹyị ẹnị ẹẹ̄ hị́ ibezi ahụ (Oyn 27.36).

1 Ohinọyị 10:9

Ò zee yi Ẹnẹyịmavara ana vị Ohomorihi awụ ana maanị sì wu. Ọ sị wụ ka wa vị ohinọyị Anisirẹrị, agụvị ka ô sì ịrẹyị Anisirẹrị pooro zịna-zịna. Ộ sị wụ rị ohinọyị ka waa mẹ̀ ọkarẹyị, dị wa rẹẹ mẹ̀ ịsa ana vọrọ.”

2 Ohinọyị 3:8

Ọ kà, ye re oze ẹnẹ ẹnị vaa zịị kụ́ ịrẹkụ ụ na? Dị Ijorami ka, oze ịnị ụnọmị Edomi ẹnị vaa zị nị.