Ịmarakayị 1:14 - IWE ỌNỊNỊ

¹⁴ Ẹnẹyịmavara kà e yi ve zoza yị ọza ana mẹ ọza rị. Ọza ana nyị ịsụpa araka ozoza ana vọrọ ka ọ sị vaa mẹ̀ ịsọvọ, ama dị ahịka ene divi ọ sị va yị ọnị Ananyị yị nị. Ẹnẹyịmavara Ochẹtẹẹngụ ka ohinọyị ọbanyị ọnị avaba anẹhẹ ee hí angwa anị ọnị vị nị.

Ịmarakayị 1:14 Referans Kwoze

2 Anịkọrịntị 8:12

Wàa sị ayị sị ọọ nịnị, ọpa ịsị ụ waa nyị dị ụ sị mẹ ọgụvọ nịnị nị, Ohomorihi vaa dọ. Ọ yị kà a ka wa na sị ịsị ụ wẹ yị nyị vẹ nịnị.

Ịmarakayị 1:8

Ẹ̀ẹ vị avọọ, áá vọrọ ka ẹẹ sị ịsụpa ene gu eyi ọnịrị ene che ahụ beri ẹnị ụkụ za va mẹ̀ ịsọvọ yị ọnị? Ẹ́ẹ́ zụ sị ẹngụ ịsa ẹnẹẹ na yị Ịgọvọnọ ẹnịnị? Ẹnẹyịmavara Ochẹtẹẹngụ kà, ẹnịnị éé ro ka ayị Ịgọvọnọ ẹnịnị ọnọọ vee hine tụ ẹnị?

Ẹtore 21:8

Ama anangwahi ọnịrị aza ẹnẹ ẹ̀yị vị ọdọwụ, beri aza ana aā mẹ̀ ịsa enyisi, ọnịrị ọwọza nịnị beri ọsẹrẹka nịnị beri ẹnẹbẹ ọnịrị aza anaā hẹkẹ ori, ọnịrị avaba onireche nịnị vaa nyị aha ẹnịnị ini adagu ịra anaa sị ohuru tụ́; ọnọọ ọ vị isu ụpẹ ọhụva nị.”

Iruuku 12:46

dị ọga anị vana vẹ kẹnẹ ẹkụhị ọnya oni ò yi zí ọọ eyi ọnịrị ịnị ụmẹ ọnị ọ̀ yị yẹ. Dị ọga anị za a, dị ọ sẹ̀ ẹ rugu-rugu, dị ọ sị ọgụ ọza ẹnẹ ẹ̀ yị mẹ ịzẹyịza yọ.

Ịmarakayị 1:11

Ọ kà aza vị ana aa hụrẹ avaba ẹhẹ vẹ, dị ẹyaa sị ụbanyị yị ọnị, dị ẹyaa rị eturare ịra yị ọnị, dị ẹyaa sị ịsa ana vọrọ vaa yị ọnị. Ọ kà aza ẹnẹẹ vavọọ aa mẹ agụvị ka ẹ yẹ ụbanyị anị.

Ịzakaraya 14:9

Ụmẹ ọnọọ Ẹnẹyịmavara ọ vaa vị ohinọyị tụ́ ịrẹsụ avaba ẹhẹ nị. Ọzọza vaa hẹkẹ ẹ anka Ohomorihi, dị ẹ vavọọ yẹ ịrẹha anị.

Ijeremaya 10:10

Ama Ẹnẹyịmavara ọ vị Ohomorihi obooro nị. Ọnị ọ vị Ohomorihi ana yara nị. Ọnị ọ vị Ohinọyị pooro zịna-zịna nị. Ẹnẹyịmavara àaa kụ ayị, avaba ẹhẹ vị ene e zizi. Anẹhẹ ẹ yị zụ jẹẹ zị ọ àaa kụ ayị.

Ahẹ Ụgama 76:12

Ohomorihi ộ za ohinọyị ene ee wo otoo zị, dị ọ và wa nẹtẹ nị. Ohinọyị ene hi ẹhẹ vi ene ee hí angwa anị.

Ahẹ Ụgama 47:2

 nyị ka ọza òo hí angwa Ẹnẹyịmavara ana nẹba hu keekere Ọnị ọ vị ohinọyị ọbanyị ana nyị avaba ẹhẹ nị.

Ẹtore 15:4

Ananyị yị, ẹnẹ ka oni o yi vee hí angwa awụ, dị ọnị ọ̀ ga ịrẹha awụ? Ẹwụ ịnya kẹnẹ ẹ̀ yị nyị ẹngụ anị nị. Avaba anẹhẹ vaa vẹ dị ẹ va và ku ẹtẹ ọvịdị awụ, agụvị ka avaba aza ẹ sị ụkọrọ ịzẹyịza awụ re.

Anihiburu 12:29

Ohomorihi ayị vị ana sị mẹẹ anka ịra anaā rị avaba ịsa ịra avọọ.

1 Itimoti 6:15

Ịjị ụmẹ anị òo si tù, Ohomorihi vaa sị ọọ zụ̀. Ohomorihi ọ nyị avaba ụbanyị, dị ọ rẹ nyị avaba ụkata nị. Ọnị ọ vị Ohinọyị avaba ohinọyị nịnị nị; ọnị ọ rẹ vị Ọga avaba ọga nịnị nị.

Ịdanịyẹrị 9:4

Ịdanịyẹrị ka ọnị ộ mẹ̀ aduwa, dị ọnị dọ irenu ịvị ẹnịnị yị Ẹnẹyịmavara ana vị Ohomorihi anị nị. Dị ọnị kà, Ohomorihi Ananyị yị, ọnị ộ banyị dị ọ rẹ nyị avaba ụbanyị nị. Ọnị ọ rẹ yị ma sị ahụ jịnẹ ịrẹyị ọnị ọnịrị ọza ka tịtẹ nị, ọza ene sì ịrẹyị anị dị aā mẹ̀ ịsa ọnị ọ mẹ ọda anị yọ vị ọnị o sị ịrẹyị anị pooro.

Ịdanịyẹrị 4:37

Dị ọnị kụkụ aa sị ụga ọnịrị ụbanyịị yị ohinọyị ana nyị ẹbẹẹba nị. Agụvị ka ịzẹyịza ọnịrị ịsa ana vọrọ ọọ̄ mẹ̀ nị. Ọza ẹ̀ yịị yaraa sị ẹngụ anịị tụ ẹba Ohomorihi ọ zụ và a nẹtẹ.

Ijeremaya 48:10

Ọza ọnị ẹ̀ yị kụ ẹngụ hi ụkọrọ Ẹnẹyịmavara mẹ, o du ọọ ku. Ọza enee yi ka ọnị tọ̀ ọza ụnava dị ọnị ọ̀ wụ̀ aza, o du waa ku huuu.

Ayịsaya 57:15

Ẹma vị Ohomorihi ọnịnị ana nẹba nị. Ẹma yàra pooro zịna nị. Aha ana nẹba dị ọ vị ọnịnị mị ra nị. Ama mị rẹẹ raa pe aza ana ka ẹngụ ẹnịnị chi, di e ro ịnẹ varẹma. Ọ vaa mẹ ka ma mẹ ka ayị ẹnịnị ọ̀ vana nẹtẹ, dị ẹ rẹ nyị ọyịtureyi.

Iwe Ọhụhị Imosiisi ana aa hị́ Ọyịvatụrọda 28:58

Wẹ̀ẹ yị sị ịzẹyịza saasa avaba ọda ọnọnị ana chẹrẹ tụ ini iwe ọnọnị aanị, di u wẹ̀ yị sị ụbanyị yị ịrẹha Ẹnẹyịmavara Ohomorihi awụ nịnị nị, Ịrẹha anị ộ nyị ụbanyị ẹtẹẹtẹrẹ.

Oyinyima 27:12

Ọ kà ada anị ọ nyẹngụ na sị ụvọ zama ọnị re, dị ọ sị mẹẹ ka vi oni ee si ka oni ò vene e nị. Ịjọnọọọ di ahịka ozirenu ọnị na dọ nị, dị ọnị ọ yị va dọ aduwa.

Ịmaakị 14:8

Ịsị ọ zụ mẹ, ọ mẹ avọọ nị. Ộ va sị eturare sisi mi ẹngụ tịtẹ, di è ve ne mi.

Imatiwu 24:51

Dị ọga anị za a, dị ọ sẹ̀ ẹ rugu-rugu, dị ọ sị ọgụ ọmọzakụyẹ yọ. Ịzọọ di ee nowu, dị aa rị anyị.”

Imatiwu 5:35

Asị ụ rẹ sị ẹtẹ hyeku, agụvị ka ịzị Ohomorihiī kụ́ ahụụ hi yọ nị! Asị ụ rẹ sị Ijerusarẹmị hyeku, agụvị ka ẹkụra Ohinọyị ọbanyị ọnọọ yọ nị!

Ịmarakayị 3:9

Agụvị avọọ, ê reè chi hí wa agụvị ka avaba ẹnịnị aa mẹ̀ ọnị rị.

Ahẹ Ụgama 95:3

Ẹnẹyịmavara ọ vị Ohomorihi ene hu keekere nị, Ọnị ọ vị ohinọyị ene huna avaba ori nị.

Ahẹ Ụgama 68:35

Avaba aza vi ene ee hí angwa Ohomorihi ọ́ mẹ̀ hụụnị eehi anị aa vẹ. Ohomorihi Anisirẹrị aa sị ụkataa yị aza anị nị. Waā kụ́ Ohomorihi avọ nịnị!

Ahẹ Ụgama 48:2

Ataba ọnọọ ộ nẹba ẹtẹẹtẹrẹ, avọọ o mè re zoza nị Ọnị aa mẹ ka avaba anẹhẹ ẹ̀ẹ jẹ nị. Ataba ọnọọ vị ana yà ẹbẹẹba huu ịnị ẹkụra oni Ohomorihi ana vị ohinọyị ene hu keekere yà.

2 Ịsamụwẹrị 24:24

Di ohinọyị tụ́ Arawuna ohi dị ọ ka, “Eyiye, jẹẹ ma hị̀ ọ hụụnị ụvọ awụ. Ụ wàa mẹ̀ kị ka waa ná a kẹnẹ. Mẹ yị zụ sị ịsa ọọhẹ na mẹ̀ ịsọvọ yị Ẹnẹyịmavara ana vị Ohomorihi amị.” Ịzẹyịza, dị Idevidi hị́ ẹtẹ ọnọọ ọnịrị imaaru ịnị ẹkẹhị ẹnịnị ana aā hị́ ịsẹkẹrị nị. Dị ahịka ịsẹkẹrị akahị o si nị.

Ijeremaya 46:18

Ẹnẹyịmavara Ochẹtẹẹngụ ka, ọnị ọ vị ohinọyị nị. Ọ kà ọza ana kụ ịrẹkụ ee vee tu wu nịnị vị ana vaa nyị ụkataa hu wu nịnị anka ataba Ịtaabọ mẹ nẹba huni ataba ana vọ. É vee huna wụ nịnị anka ataba Ịkamẹrị mẹ dà jịnẹ oku avọọ nị.

Ijeremaya 48:15

Ohinọyị ana aā hị́ Ẹnẹyịmavara Ochẹtẹẹngụ ka, ẹtẹ Imowabi ọnịrị avaba ẹkụra ene hi ịnị anị vị enee vee vú ẹtẹ. Ezwọọmụha ọyịza-ọyịza ene hi ịzọọ vị ana vaa wụ̀ ha.

Ịzẹhwanaya 2:11

Ẹnẹyịmavara vee chire wa angwa ẹtẹẹtẹrẹ. Di o du ori ene hi ịnị ẹtẹ ọnọọ ha. Ịjọnọọ dị anẹkụra ọzọza aa hẹkẹ Ẹnẹyịmavara ịzị ẹ̀ẹ ya.

Ịmarakayị 2:1

Ẹnẹyịmavara Ochẹtẹẹngụ ộ hị́ ohirẹsụ irehi Ohomorihi nịnị, dị ọ mẹ ọda yị wa nị.

Ahẹ Ụgama 47:3

Ọ raà mẹ ka ya nyị ẹbẹẹba anẹkụra ana vọ mị ka ẹyị ọ mẹ ka ò huna avaba anẹkụra nị.

Ahẹ Ụgama 47:8

Ohomorihi ọ raà rị ohinọyị tụ́ ịrẹsụ avaba anẹhẹ Ọ yaayịtẹ aha ohinọyị anị.

Ahẹ Ụgama 102:16

Ẹnẹyịmavara o reè tenyi dà, ọ vaa sị zụ̀ ka ọnị ộ nyị ụbanyị.