Ịmarakayị 1:13 - IWE ỌNỊNỊ

¹³ Dị Ẹnẹyịmavara ana vị Ochẹtẹẹngụ kà, aza ẹnẹẹ ka ịsọvọ anị o ku du eni eyi, dị ẹyaa jị ọ agụ nị, dị ẹyaa sị ịsụpa ẹnẹ sị ụkata-ụkata dọ ọza ọnịrị ịsụpa ene che ahụ beri ịsụpa ọnị ẹngụ aa zị va mẹ̀ ịsọvọ yị ọnị nị. Éé ro ka ọnị va dọ ẹngụ ịsọvọ ẹnịnị ọnọọ nị?

Ịmarakayị 1:13 Referans Kwoze

Imika 6:3

“Ọ kà ẹwụ nịnị aza amị, sị mị mẹ̀ wụ nịnị kẹ? Sị mị mẹ̀ ene du wu nini eyi? Tụ́ mị ohi nini.

Imatiwu 6:16

“Wàa raa sị awẹ nịnị bẹẹ, asị ụ sị tụra eyi anka ọmọzakụyẹ nịnị anaā và ẹngụụ hi ka aza è re ka ẹnị aa ba awẹ. Ịzẹyịza, mị kà wụ nịnị, ẹ sị ọgụ ẹnịnị dọ da.

Imatiwu 6:5

Wàa mẹ̀ aduwa, asị ụ mẹ̀ anka ọmọzakụyẹ nịnị. Eē sì ka ẹnị ẹẹ̄ jẹẹ ini irehi ahẹkẹ Aniju ọnịrị ini oreree mẹ̀ aduwa ka aza è zụ re ẹnị. Ịzẹyịza, mị kà wụ nịnị nị, ẹ sị ọgụ ẹnịnị dọ da.

Ịmarakayị 2:13

Dị Ịmarakayị rẹ ka, ịsa ọsa ọnị ẹnịnị yaa mẹ yi. Ẹ yaa sị ẹgọ ẹnịnị họ̀rọ ịzị a mẹ̀ ịsọvọ yị Ẹnẹyịmavara. Dị ẹ yaa jị òrèrè booro-booro agụvị ka Ẹnẹyịmavara ẹ yị kụkụ dọ ịsọvọ ẹnẹ ẹ yaa mẹ nị.

Emọsị 8:5

Ẹkẹhị kẹnẹ ọ jị osohu Anisirẹrị nịnị areyi nị. Ịhị eyi a nị dị ẹ ná ịsa ohu ẹnịnị ọ kà tụ́ wa ayị nị. Ẹkụhị eche ụhwẹ ọwọọwa ọnịrị ẹkụhị ụhwọtụ ẹnị ẹ yị nyị ohu vị ana dọ wa oze. Ẹnịnị vị ana da ẹkẹhị hi ịsa dị ẹ sị ẹnya ẹjịjị-ẹjịjị tụ́ ọ aā sịị kụ́ ọza ịrẹsụ nị.

Ezikẹẹrị 44:31

A sị ohirẹsụ irehi Ohomorihi nịnị rị inomi à vị uye ene sú yị ẹngụ ẹnịnị. A sị ẹ́ rị ẹngụ ịsị ẹnẹẹ ọnị uye ọsa wụ.

Ezikẹẹrị 4:14

Ezikẹẹrị ka dị ọnị ka, tee! Ohomorihi Ananyị yị, ọnị ẹ́ yị vịdị du ẹngụ anị ẹngụ da ọ. Ọnị ẹ̀ẹ yị rị ịsa ene sú da; ọnị ẹ̀ẹ yị rị uye ọnị uye ọsa wụ da, dị ọnị ẹ́ẹ yị rẹ rị uye ana sị vụ da.

Ayịsaya 57:6

Wâ sị ịrẹta ana swa hụụ ịzọọ nịnị, dị ụ sị mẹ ori ọnị ụ waa hẹkẹ nịnị nị. Waa sị echee mẹ ịsọvọọ yị wa, dị ụ ka a hi ẹtẹ yị wa. Dị ụ rẹ sị akụ àa vị apaapa va mẹ̀ ịsọvọ yị wa nịnị. Ví u wéé ro ka ayị amị ô hine tụ ịnị avaba ẹsẹnị nị?

Ayịsaya 1:12

Wàa ka waa vaa hẹkẹ mị nịnị, ẹnị ẹ kà ka wa maanịị du irehi amị ẹngụ nịnị?

1 Ịsamụwẹrị 2:29

Sị ẹ vavẹ dị ụ maanị aa sị eyi ịyẹyẹẹ re ịsọvọ ọnị ọnị kà a ka aza ẹ̀ẹ sị vẹ di ahịka ezi ewu ụ sị ụbanyị yị hu ọnị Ohomorihi nị, dị ụ navọ ka ezi ewu ẹ̀ẹ kụ́ ene zoza hu ịnị ịsa ana Anisirẹrị sị va yị ọnị dị waa chakaa rị nịnị?

Iwe Ọhụhị Imosiisi ana aa hị́ Ọyịvatụrọda 15:21

Ama àa nyị ịsụpa ene che ahụ, a vị dị o gu eyi nị, a vị dị a nyị ịsa ọsa ana mẹ̀ ẹ nị, asị ẹ sị ẹngụ ịsụpa ẹnẹẹ mẹ̀ ịsọvọ yị Ẹnẹyịmavara Ohomorihi

Ireevi 22:8

Ohirẹsụ irehi Ohomorihi ẹ́ yị vaa nyayịnẹẹ rị uye ịsụpa ene sú yị ẹngụ anị, a vị ka uye ọnị uye ịnị avị ọsa wụ. Ọ̀ọ rị ọ vị́ ee sị du ẹngụ anị ẹngụ nị. Ọnị ọ vị Ẹnẹyịmavara nị.

Ireevi 6:4

Ọza ana àa mẹ̀ ọnya ịnị ẹngụ ịvị ẹnẹnị, vee sí ịsa tụra ịsa ọnị ọ zị oze irikichi nyị avọọ varẹma.

2 Ịsamụwẹrị 24:24

Di ohinọyị tụ́ Arawuna ohi dị ọ ka, “Eyiye, jẹẹ ma hị̀ ọ hụụnị ụvọ awụ. Ụ wàa mẹ̀ kị ka waa ná a kẹnẹ. Mẹ yị zụ sị ịsa ọọhẹ na mẹ̀ ịsọvọ yị Ẹnẹyịmavara ana vị Ohomorihi amị.” Ịzẹyịza, dị Idevidi hị́ ẹtẹ ọnọọ ọnịrị imaaru ịnị ẹkẹhị ẹnịnị ana aā hị́ ịsẹkẹrị nị. Dị ahịka ịsẹkẹrị akahị o si nị.

Ayịsaya 61:8

Ẹnẹyịmavara kà a, oni o sì ịrẹyị ịzẹyịza, dị ọnị nyị ịhyẹrẹ àko ọnịrị ebira odivi. Ọnị vaa sị ịzẹyịza si aza anị ụta ụya ọnị ẹ rị Ọnị vee wo oto ẹnẹ ẹ yị nyị ẹhwị yị wa

Ihoseya 13:9

Ẹnẹyịmavara kà ọnị vee vu Anisirẹrị nịnị ẹtẹ. Ẹnẹ zụ gụ wa ụvọ?

Ịmarakayị 1:10

Dị ọ kà, ayị anị eyi hine tu ịsọvọ ẹnịnị. Aa yẹ a hyakụ kụkụ gu oze hi irehi anị ọnọọ. Dị asị ẹnịnị kụkụ hu ịra tụ ịzọọ agụvị ka ayị anị e yi hine tụ ịnị ịsọvọ kẹnẹ-kẹnẹ ọnị ẹyaa mẹ avọọ.

Ịmarakayị 2:12

Ịmarakayị ô mẹ̀ aduwa ka Ẹnẹyịmavara o vu wa ẹtẹ hụụnị ịnị akakana Anisirẹrị nịnị, dị asị ẹngụ aza ẹnẹẹ kụkụ nyị ụvọ tụ ịnị ịsa ana sị va yị Ẹnẹyịmavara ana vị Ochẹtẹẹngụ.