Ịmarakayị 1:11 - IWE ỌNỊNỊ

¹¹ Ọ kà aza vị ana aa hụrẹ avaba ẹhẹ vẹ, dị ẹyaa sị ụbanyị yị ọnị, dị ẹyaa rị eturare ịra yị ọnị, dị ẹyaa sị ịsa ana vọrọ vaa yị ọnị. Ọ kà aza ẹnẹẹ vavọọ aa mẹ agụvị ka ẹ yẹ ụbanyị anị.

Ịmarakayị 1:11 Referans Kwoze

Ayịsaya 54:5

Agụvị ka Ohomorihi ana mẹ wụ vị ana vaa sị mẹẹ anka ọ vaa yị wu. Ịrẹha anị ọ rị Ẹnẹyịmavara Ochẹtẹẹngụ nị, Ohomorihi Ọnịnị Ísirẹrị vaa dọ wụụ ha. Ọnị ọ vị Ohomorihi avaba ẹhẹ nị.

Ayịsaya 45:6

Ọnị va vavọọ vaa mẹ agụvị dị avaba aza aha tụra aha ẹ yẹ ka ọnị ọ vị Ẹnẹyịmavara, ẹ yị nyị Ohomorihi ọsa.

Ẹtore 5:8

Ịjị ọ raà sị iwe ọnọọ, dị ịsa ẹẹna ẹnẹẹ ana nyị ụhwẹ, beri azọkụ ohurẹẹna ẹnẹẹ tana tụra ẹtẹ ọ́vịdị Ozi atẹmẹ ọnọọ nị. Avaba ẹnịnị ệ sị ịsa a sịị̄ jị ahẹ ene véné igita rị ụvọ, dị ẹ rẹ nyị ịchacha ọgana ana a sị igooru mẹ ene eturare ozoza yà ịnị anị nị. Eturare ọnọọ vị aduwa aza Ohomorihi.

Imatiwu 28:19

Agụvị avọọ, nọ avaba ẹhẹ nịnị, di u we re ka wâ mẹ ka avaba anẹhẹ ẹ̀ vara ezirẹma amị nịnị! Dị ụ waa mẹ ọyịhwenyii yị wa ịnị ịrẹha Ada ọnịrị Ozi ne beri Ụhwẹ Ọnịnị.

Ịzakaraya 8:7

Ọ kà ọnị vaa dọ aza anị ha hụrẹ ẹkụra irenyi-irenyi ene hi eyi ịzị ọyịị̄ hụrẹ vẹ ọnịrị ịzị ọọ̄ zị ngụ ẹtẹ.

Ahẹ Ụgama 50:1

Ẹnẹyịmavara ana vị Ohomorihi Ochẹtẹẹngụ aa kà ịrẹyị, dị ọ hị́ avaba anẹhẹ nị.

Ẹtore 11:15

Anggẹẹrị ọhụhịmba ô hú ọpanyị anị. Dị ọngwẹ ẹbanyị-ẹbanyị aa kà ịrẹyị ẹ́bẹẹba nị, dị ẹ ka, “Ịjọva ẹhẹ ọnọnị, ọ sị vara ịjọva Ohomorihi ọnịrị Óohinọyị anị ọnị ọ nyị ka ọ̀ dọ ọza há. Ọnị ọ vaa vị ohinọyị pooro zịna-zịna nị!”

Ahẹ Ụgama 141:2

Navọ wa dọ aduwa ọnị maa mẹ̀ anka ụ mẹ̀ẹ dọ eturare ana rị ịra mẹ̀ ịsọvọ wụ avọọ. Navọ m mẹ̀ tana ụvọ tụ́ ẹba aa mẹ̀ aduwa, wa dọ anka ụ mèẹ dọ ịsọvọ oruva ana mẹ wụ avọọ.

Ahẹ Ụgama 67:2

Ohomorihi, wàa vavọọ mẹ, aza vaa yẹ ịsa ọnị ụụ̄ mẹ, avaba anẹhẹ vaa yẹ ka ẹwaā dọ ọzaa há nị.

Ẹtore 15:4

Ananyị yị, ẹnẹ ka oni o yi vee hí angwa awụ, dị ọnị ọ̀ ga ịrẹha awụ? Ẹwụ ịnya kẹnẹ ẹ̀ yị nyị ẹngụ anị nị. Avaba anẹhẹ vaa vẹ dị ẹ va và ku ẹtẹ ọvịdị awụ, agụvị ka avaba aza ẹ sị ụkọrọ ịzẹyịza awụ re.

1 Itimoti 2:8

Mee sì ka avaba aha anọrụ ẹ̀ẹ mẹ̀ aduwa; ẹ̀ sị ayị ọnịnị sị ụvọ tụ́ ẹba, dị asị a nyị ọyịkụ ọnịrị ahankata ịnị ayị ẹnịnị!

Anihwiripi 4:18

Ẹpahwịrọdịtụsị ộ sị avaba ịsa ọnị ụ sị tụ́ ọ va yị mị. Avaba ịsị mee sì saka-saka, ma sị ọ nyị booro aanị; ọ́ọ hyakụ si huna ọpa oni mee sì. Ẹyịza ẹnẹẹ vị ana sị mẹẹ anka ịsa ana ahụ anị zoza avọọ; vị ọ rẹ yà anka ịsọvọ ene zé Ohomorihi eyi ẹtẹẹtẹrẹ avọọ nị.

Aniroomi 15:16

ka ma vị ozi ahụ Ijeesu Ikirisiti dị maa nọ ịda Anigiriki. Maa naa mẹ̀ ụkọrọ anka ohirẹsụ irehi Ohomorihi avọọ, m màa kà enube ọyịza Ohomorihi. Mị vavọọ aa mẹ, agụvị aza ẹnẹẹ ẹ̀ zụ yà anka ịsa ene zé Ohomorihi eyi. Ụhwẹ Ọnịnị ộ vara a ọnịnịị yọ.

Aniroomi 12:1

Ẹwụ nịnị ẹyịnyara amị, aarịhịnị, maa sị ayamva Ohomorihii dá ịpẹẹ wụ nịnị ẹtẹẹtẹrẹ. Navọ wa sị avaba ẹngụ awụ nịnị yị Ohomorihi anka ịsa ịsọvọ ana yára, dị ọ vị ọnịnịn, di o re zé Ohomorihi eyi! Ọnọọ ọ vị ahẹkẹ Ohomorihi obooro anaa vọrọ ka waa mẹ nịnị nị.

Iruuku 1:10

Ịnị ụmẹ ana aā sịị rị eturare ịraa hi Ohomorihi, dị ọkọnị aza ana vọ ẹnị hi ẹhẹ aa mẹ̀ aduwa nị.

Ịmarakayị 1:14

Ẹnẹyịmavara kà e yi ve zoza yị ọza ana mẹ ọza rị. Ọza ana nyị ịsụpa araka ozoza ana vọrọ ka ọ sị vaa mẹ̀ ịsọvọ, ama dị ahịka ene divi ọ sị va yị ọnị Ananyị yị nị. Ẹnẹyịmavara Ochẹtẹẹngụ ka ohinọyị ọbanyị ọnị avaba anẹhẹ ee hí angwa anị ọnị vị nị.

Ịzẹhwanaya 3:9

Ịhị ọnọọ, Ẹnẹyịmavara kà ọnị vaa vara aza, dị ẹ kụkụ a hẹkẹ ọnị, dị ẹnịnị ẹ yị kụkụ mẹ̀ ori. Dị ẹnịnị kụkụ aa wụ́ chire ọnị Ẹnẹyịmavara.

Ịzẹhwanaya 2:11

Ẹnẹyịmavara vee chire wa angwa ẹtẹẹtẹrẹ. Di o du ori ene hi ịnị ẹtẹ ọnọọ ha. Ịjọnọọ dị anẹkụra ọzọza aa hẹkẹ Ẹnẹyịmavara ịzị ẹ̀ẹ ya.

Imika 5:4

Ẹnẹyịmavara vaa sị ụkataa yị aza ọnị ọ vaa sị vẹ. Ụkata ọnọọ o ve sii sere aza anị. Mị ka ụkata Ẹnẹyịmavara Ohomorihi ana nyị ụbanyị o ve sii sere wa nị. Angwa o yi kuku vee hi aza Ohomorihi agụvị ka avaba anẹhẹ vaa yẹ ka Ohomorihi ộ banyị.

Emọsị 9:12

Ọ kà Anisirẹrị nịnị vaa dọ Anedomi ẹtẹ ọnịrị avaba ẹtẹ Anẹkụra ana vọ ana vị anị. Ọ kà ọnị Ẹnẹyịmavara vaa mẹ̀ ọnị mẹ ka avọọ.

Ayịsaya 59:19

Ẹnẹyịmavara kà ọnị vaa va eyi ịraazị ka wa anka ọhaara enyi ọnịrị opomi ọbanyị. Anẹkụra nịnị ene hi eyi ịzị ọyịị̄ zịị vẹ ọnịrị ịzị ọọ̄ zịị ngụ ẹngụ ẹtẹ vee hí angwa anị dị ẹ sị ụbanyị yị ọnị.

Ahẹ Ụgama 113:3

Aza ana ra hi ịzị ọyịị̄ zịị̄ hụrẹ huu na ngụ ịzị ọ zị naa ngụ ẹtẹ ẹ̀ẹ kụ́ Ẹnẹyịmavara avọ.

Imatiwu 8:11

[Ẹma kà a wụ nịnị nị ka aza ọrụrụ-ọrụrụ vaa hụrẹ ịzị ọyịị̄ zịị hụrẹ ọnịrị ịzị ọyịị̄ zịị ngụ ẹtẹẹ vẹ, dị ẹ yaayịtẹ pe Abụrahamị ọnịrị Ayiziiki ne beri Ijekọvụ ịzị Ada ayị ẹbẹẹba yà aa mẹ ịjọva ka ẹnị ẹ̀ rị ịsa.]

2 Anịtẹsaronika 1:12

Ini oze avọọ Ijeesu Ananyị yị va zụụ nyị ụbanyị ịnị ụvọ awụ nịnị nị, dị ẹwụ nịnị rẹ nyị ụbanyị ịnị ụvọ anị. Ayamva Ohomorihi ayị ọnịrị Ijeesu Ikirisiti Ananyị yị vaa vavọọ mẹẹ.

Ịrịka 7:74

Ẹnya igooru oweyi ọnya ana kụ eturare ohihi tụ;

Ahẹ Ụgama 45:17

Mẹ yị vaa zẹẹ ka ịrẹha awụ ò hi ayị pooro Avaba aza vị ana vaa sị ụbanyịị wụ pooro zịna-zịna.

Ahẹ Ụgama 48:10

Ohomorihi, anka ịrẹha awụ mẹ̀ ngụ ịrẹyị na ngụ avaba ẹhẹ avọọ aza mẹ̀ raa sị ụbanyịị wụ nị Ịzẹyịza ụ waa sịị mẹ ohinọyịị tụra aza nị.

Ahẹ Ụgama 111:9

Ộ dọ aza anị tụ́, ịrẹyị ọnị ọ ka ọnị vaa mẹ vị ana jị jẹẹ pooro zịna-zịna, nyị ẹngụ Ohomorihi, dị ọ rẹ nyị ụkata nị.

Ayịsaya 12:4

Ẹkụhị aa vẹ ọnị aza vaa jị ahẹ, dị ẹ ka, “Waā kụ́ Ẹnẹyịmavara avọ. Waā hị́ ọ ka ọ̀ va gụ wụ ụvọ! Kà ẹ yị anẹhẹ ịsị ọ mẹ! Kà a yị wa ọ mẹmẹ nyị ụbanyị!

Ayịsaya 12:5

Jị ahẹ gono Ẹnẹyịmavara agụvị ịsa ẹbanyị-ẹbanyị ọnị ọ raà mẹ̀. Waa kà ịrẹkụkụ anịị yị avaba anẹhẹ.

Ayịsaya 66:18

Ẹnẹyịmavara kà ọnị ọ yẹ ịsa ọnị e yee ro ọnịrị ebira ẹnịnị. Ọnị aa vẹ vaa kụ avaba anẹhẹ gụ. Ịjị ẹ̀ẹ sị gụ, ẹ vaa yẹ ụkata anị za.

Ijeremaya 10:6

Ẹ yị nyị ọza anka ẹwụ Ẹnẹyịmavara o. Waa nyị ụkata ẹtẹẹtẹrẹ, avọọ ịrẹha awụ mẹ banyị dị ọ nyị ụkata ẹtẹẹtẹrẹ nị.

Ijeremaya 10:7

È nee yị vee hí angwa ẹwụ ohinọyị avaba ẹhẹ? Vị a vọrọ ka ee hí angwa awụ nị. Ịnị avaba ọyẹrẹyị ẹhẹ ọnọnị ọnịrị avaba ohinọyị ẹnịnị ẹ yị nyị ọza anka ẹwụ.

Ịdanịyẹrị 2:45

Ohinọyị ọnọọ ọ vị ịrẹta ọnị ẹ̀ yị vị ọza o ne ana a sị va chaka ịsa ene vene ọza ana sị enyusẹ irenyi-irenyi mẹ aanị nị. Dị Ịdanịyẹrị ka ohinọyị ọ̀ taarụ! Ohomorihi ana nyị ụbanyị ọ ra sị zụ ọ ịsa ana va mẹ ụhwọọ. Ọ kà, ụra ọnọnị ọnịrị iruvo anị ọnị ọnị kà zụ ọ aanị vị ịzẹyịza o.

1 Ịtọpa 16:25

Ẹnẹyịmavara ộ banyị, ọnị a vọrọ ka àa kụ́ avọ nị, ọnị a vọrọ ka aza ẹ̀ẹ sị ụbanyịị yị huna avaba ori nị.

Ahẹ Ụgama 48:11

Aza ana ra hi ịnị ataba ẹ̀ẹ jẹ dị aza ana ra hi ẹkụra Ijuda ẹnị ẹ̀ rẹẹ jẹ agụvị ka ịzẹyịza ụ sịị̄ mẹ̀ ọkarẹyị nị.

Ahẹ Ụgama 65:9

We yi hi ayị ẹtẹ aza awụ, dị waa zụ̀ orihii tụ́ ọ nị Wâ mẹ ka ẹtẹ ọnọọ ò zoza dị ọ̀ọ mẹ̀ ịsa ẹtẹẹtẹrẹ. Ohomorihi, wâ mẹ ka enyi è hi ini okuha awụ agụvị aza è zụ re enyi kụ́ ịsa tụ́ ịnị aarẹ.

Ahẹ Ụgama 86:9

Ẹnẹyịmavara avaba anẹhẹ ọnị ụ tụ́ vẹ ẹhẹ vaa vẹ dị e kú ẹtẹ kụ́ wụ, Ẹnịnị vaa sị ụbanyịị yị wụ.

Ahẹ Ụgama 96:8

Waa sị ụbanyị ana vọrọ tụra Ẹnẹyịmavara yọ nịnị. Sị ịsa va mẹ̀ ẹ ẹyịza ini ohweje anị nịnị.

Ahẹ Ụgama 138:5

Ẹnịnị vaa sị ịsa ọnị ụ mẹẹ jị ahẹ, dị ẹ rẹ yaa jị ahẹ ka wâ nyị ụbanyị.

Ayịsaya 19:21

Ẹnẹyịmavara vaa mẹ ka Anijipiti ẹ̀ yẹ ọnị. Anijipiti vaa yẹ Ẹnẹyịmavara ịnị ịhị ọnọọ, dị ẹ rẹ yaa hẹkẹ ẹ. Ẹnịnị vaa kụ́ ịsa dị ẹ̀ sị va mẹ̀ ịsọvọ yị Ẹnẹyịmavara kà ẹnị vaa mẹ, avọọ ẹ mẹ̀ vaa mẹ̀ ẹ nị.

Ayịsaya 30:27

Aza ene hi aha ẹnẹẹnẹ ê re ụkata ọnịrị ụbanyị Ẹnẹyịmavara. Ayị anị vị ana aa dá ọva hụrụ-hụrụ. Vi ọ sị mẹẹ ịra ana aa dà areyi tútútú avọ nị. Wèe re irenu anị kẹnẹ, wâ yẹ ka ayị aa kụ́ ọ. Ịrẹyị ọnị ọ hyakụ aa kà vị ịrịịra.

Ijeremaya 4:2

Dị Ijeremaya ka wàa sị ịrẹha anị hị́ eku nịnị tụ ịrẹsụ ịzẹyịza ọnịrị ịsa ana vọrọ nịnị, ọ vaa mẹ ka ò zé yị ẹkụra awụ nịnị, dị avaba aza kụkụ aa sị ọ mẹ ụbanyị.

Ịmarakayị 3:3

Ọ vaa vẹ vaa mẹ̀ ọkarẹyị yị wa anka ọza ana a sị ịra rị enyusẹ isiriva a vị igooru agụvị o hụrẹ eyi. Avọọ ọnụtụ Ẹnẹyịmavara mẹ va mẹ Anireevi nịnị agụvị ẹẹ sị ịsa ịsọvọ ana vọrọ vaa yọ nị.