Ịmaakị 9:3 - IWE ỌNỊNỊ

³ Dị awuru anị kụkụ aa vwẹtẹ sẹnẹ-sẹnẹ nị. Ẹ yị nyị ọza ịnya ịnị ẹhẹ ọnọnị, ana zụ vavọọ mẹ ka ịsa ọ̀ vwẹtẹ.

Ịmaakị 9:3 Referans Kwoze

Imatiwu 28:3

Ọza èe re e, vị aa za anka ịnyanya avọọ nị; dị awuru anị aa vwẹtẹ sẹnẹ-sẹnẹ nị.

Ịdanịyẹrị 7:9

Ịdanịyẹrị ka ọnị mee re ẹtẹ, dị ọnị re ka ê to aga ohinọyị nịnị hi ẹtẹ nị. Dị ọnị re ka ọza ana ya ịzọọ hụrị ụmọrụmọ ka ộ va yaatụ ịnị aga ẹnẹẹ ọnya nị. Ịta ọnị ọza ọnọnị kụ hi ẹngụ vị ọvwọọvụ sẹnẹ-sẹnẹ, dị ẹyịrẹsụ anị â vwẹtẹ anka owu oyiche avọọ nị

Ẹtore 7:14

Dị mị ka: Nda, mẹ yị yẹ, ẹwa yẹ nọ. Dị ọ kà a mị ka: Aza ẹnẹnị ẹ vị aza ana sị ụya ọbanyị há va jịnẹ, dị ẹ nyịna awuru ẹnịnị ịnị anya Ozi Atẹmẹ ọnọọ, dị ẹ kụkụ aa vwẹtẹ sẹnẹ-sẹnẹ nị.

Ẹtore 7:9

Ị́rẹma ẹnẹẹ, dị mị rẹ kana eyi, di mi re ọkọnị aza ọnị ọza ọ̀ yị zụ za ịrịka nị. Ẹnịnị vị ana hụrẹ avaba ẹkụra ịnị ẹhẹ saka-saka ana aa kà ẹkụra irenyi-irenyi vẹ, dị ẹ jẹẹ ọvịdị aga ohinọyị ọnọọ, ọnịrị ọvịdị Ozi Atẹmẹ nị. Ẹnịnị vi ene chire awuru ọvwọọvụ, dị ẹ sị avị ụda rị ụvọ nị.

Odeyi 10:30

Dị Ịkọnẹrịyọsị ka, “Ụmẹ aanị ajịnọgwẹẹna mị sị sị aa mẹ̀ aduwa ini eehi amị nị, ịnị ụmẹ agogo ẹẹta ọọdụ. Di mi vene re ka ọza ịnya ene chire awuru ọvụ sẹnẹ-sẹnẹ jẹẹ ọ́vịdị amị nị.

Ayịsaya 1:18

Ẹnẹyịmavara kà. Ro tụ́ ịnị ịrẹyị ọnọnị booro aanị Ịzẹyịza ebira odivi o si wu nịnị du ha anka ịta ana che kú avọọ, ama mị vaa nyịna wụ dị ụ nị sẹnẹ-sẹnẹ aanị. Mị ka ebira odivi ọ̀ọ daka mẹ ka we du ha anka ịsa ovivi mèe du ịta ha avọọ mị vaa mẹ ka wa nị kẹẹkẹrẹ.

Ahẹ Ụgama 68:14

Ịjị Ohomorihi Ochẹtẹẹngụ za ohinọyị ẹnẹẹ dị ọ gara wa ha vị ọ sị mẹẹ ata ihinẹba ene ee zina hụrẹ ataba Ịzarịmọnị avọọ nị.

Ahẹ Ụgama 51:7

Navọ wa sị avị ana aā hị́ ihisopu dị wa sị nyịna mị dị ma zụ nị̄ hụụnị ebira odivi amị. Mị ka navọ wa nyịna mị dị ma nị nịkị-nịkị hụụnị ebira odivi amị.

Ẹtore 19:18

Ọ kà ẹ̀ va rị uye ohinọyị nịnị ọnịrị ọga ịrẹkụ beri uye ọnụkata ọnịrị uye umaata ọnịrị aza ana tụra wa! Ẹ̀ va rị uye avaba aza nịnị, ẹ̀ẹ vị ọrịhị, ẹ̀ẹ vị ozi, ezweyi ọnịrị azọkụ!

Ịmaakị 9:4

Di e vene re ka Erija ọnịrị Imosiisi ệ vẹ nị. Dị ẹnịrị Ijeesu aa kà ịrẹyị nị.

Iruuku 9:29

Ọ màa mẹ̀ aduwa, di eyirẹsụ anị sị vara, dị awuru anị kụkụ aa vwẹtẹ sẹnẹ-sẹnẹ nị.