Ịmaakị 8:2 - IWE ỌNỊNỊ

² “Ayị ọkọnị aza ẹnẹnị aa vá mị, agụvị ka hụrẹ ajịnọgwẹẹta ẹ hụrẹ yà ịzẹnị nị, ẹ yị nyị ịsa anaa vọrọ ka ẹ̀ rị.

Ịmaakị 8:2 Referans Kwoze

Imatiwu 9:36

Ama o mè re ọkọnị aza, ayị ẹnịnị ộ vá a, agụvị ka ọ sị ngụ wa ẹngụ, ẹ kụ́ vazi anka atẹmẹ ẹnẹ ẹ̀ yị nyị ọza ana aa tẹsị ẹnịnị avọọ.

Imika 7:19

Mâ yẹ ka ụ vaa vayị ayị, dị ụ mẹ ka asị ịvị huna ayị Ụ vaa kụ́ ịvị ayị na và hị́ adagu, idi u hí ayị anị

Ahẹ Ụgama 145:15

Avaba aza vị ana kụ́ eyi pè wụ, dị waa sị ịsọyịrị ẹnị Aza ana aa mẹ ịzẹyịza vaa jẹẹ pè e.

Ahẹ Ụgama 103:13

Anka ada ozi mẹ̀ẹ vayị ozi anị avọọ, avọọ Ẹnẹyịmavara mẹ̀ẹ vayị ọza ene hí angwa anị nị.

Anihiburu 5:2

Ọnị ụvọta ọnị ọ rẹ zụ nyeeyi ini oze ọrụrụ-ọrụrụ, agụvị avọọ o zụ roo yị aza ẹnẹ ẹ̀ yị yẹ, ọnịrị aza ene ee nyeeyi.

Anihiburu 4:15

Ohirẹsụ ọbanyị irehi Ohomorihi ayị o zụ pe yi roo ini oze ahịmị ayị, agụvị ka oze tụra oze a zị zama a re, anka a mẹ̀ raa zama ẹyịị re nị, ama ọnị ẹ yị mẹ ịvị.

Iruuku 15:20

“Ịzẹyịza, dị ọ kwẹẹtẹ, dị aa ká ada anịị na nị. Ọ màa vẹ ẹ́nẹẹnẹ, dị ada anị re e, dị aa vayị anị nị. Dị ada anị zwe na gẹrị ọ, dị ọ hàrà a ku ayị nị.

Iruuku 7:13

Ịjị Ananyị yị re e, ayị anị ộ vá a. Dị ọ kà a yọ ka, “Asị u rè sụ ùnè!”

Ịmaakị 9:22

Ụpọsa-ụpọsa ọ sịị̄ sị ọọ ne ngụ ịra, ọnịrị ini enyi, ka ọnị ọ̀ wụ ọọ nị. Ama àa nyị ịsị ụ zụ mẹ, vayị ayị, dị ụ wa mẹ ọgụvọ yị!”

Ịmaakị 6:34

Ịjị e si tù ịzọọ, dị Ijeesu jịnẹ hụụnị ẹpa nị. Ịjị o re ọkọnị aza ẹnẹnị, ayị ẹnịnị ộ vá Ijeesu, agụvị ka ẹnịnị vị ana yà anka atẹmẹ ẹnẹ ẹ̀ yị nyị ọza ene ee sere wa avọọ. Ijeesu ô nyima aa sị ịrẹyị ọrụrụ-ọrụrụụ zụ̀ wa.

Ịmaakị 5:19

Ama Ijeesu ô yi, dị ọ kà a yọ ka, “Wa nọ eehi, dị ụ wa na kà a yị aza awụ ịsa ọbanyị ana Ananyị yị sị mẹ yị wụ ọnịrị ọ mẹmẹ nyị ayamva yị wụ!”

Ịmaakị 1:41

Ayị anị ộ vá Ijeesu ẹtẹẹtẹrẹ. Dị ọ tana ụvọ anị, dị ọ sị kanyị ọọ nị, dị ọ ka, “Mê sì de, ụkụ awụ ọ̀ ta!”

Imatiwu 20:34

Ijeesu ộ vayị ẹnịnị, dị ọ sị ụvọ kanyị eyi ẹnịnị nị. Obooboro ọnọọ, di eyee re ẹtẹ nị. Dị ẹnịnị kụkụ saasa a nị.

Imatiwu 14:14

Dị Ijeesu jịnẹ hụụnị ẹpa nị. O mè re ọkọnị aza ẹnẹẹ, ayị ẹnịnị ộ vá a, dị ọ mẹ ọnịkụ ẹnịnị ụkụ nị.

Ahẹ Ụgama 145:8

Ẹnẹyịmavara vị ana aā vayị ọza ẹtẹẹtẹrẹ.

Anihiburu 2:17

Ọnọọ ọ vị ka áa nyị ka ọ̀ yà anka ẹyịnyara anị ini oze tụra oze, dị ọ̀ zụ yà anka ohirẹsụ ọbanyị irehi Ohomorihi ana vaa mẹ ụkọrọọ yị Ohomorihi. A zụ sị ayị tụraa, dị ọ rẹẹ̄ vayị ọza nị, agụvị dị ò zụ sí ụta ịvị aza.

Ịmaakị 6:32

Ẹnịnị ệ ngụ ẹpa, ka ẹnị ẹ̀ nọ aha ọnya aanị ịzị ẹnịnya kẹnẹ vaa yà.

Ịmaakị 8:3

Màa kà a ka ẹnịrị ụngwẹ ẹ̀ẹ nọ eehi, vi èwù aa za wa óze nị, agụvị ka aza ẹnyị vị ana hụrẹ aha onoze vẹ.”

1 Ohinọyị 19:6

Di Erija kana eyi, di o re ka Ịbụrẹẹdị yà ịrẹsụ akịna, di enyi rẹ yà ịnị agoro tụ́ ịzọọ nị. Di Erija kwẹẹtẹ dị ọ rị ịsa, di o hú enyi, dị ọ rẹ varẹma hụtụ nị.