Ịmaakị 8:11 - IWE ỌNỊNỊ

¹¹ Anihwarisi ẹnyị ệ ká Ijeesu vẹ, di eyee pee nyị ahankata nị. Eyee sì ka ẹnị ẹ̀ sị ịrẹyị zama a re. Dị ẹ ka Ijeesu ọ̀ sị ụkọrọ ohyozirenu hụụnị ihinẹba zụ̀ ẹnị nị.

Ịmaakị 8:11 Referans Kwoze

1 Anịkọrịntị 10:9

Asị ị rẹ na zama Ananyị yị re, anka aza ẹnyị ịnị ẹnịnị mẹ̀ rẹ mẹ! Dị Ohomorihi tụ́ ẹwụ na jị wa ịrẹrụ, di e sú va ha nị.

Imatiwu 12:38

Ịjọnọọ dị ọzwọzọda ẹnyị ọnịrị Anihwarisi nịnị ka, “Ọga, yee sì ka wa sị apọtẹrẹwa zụ̀ yị.”

Ịmarakayị 3:15

Ye re kà a ọza ana aa sị ẹngụ anị tụ ẹba vị ọnị ọ rọ ẹngụ Aza ọhịmị vị ọnị o zee yi. Ẹ yaa sị ebira odivi zama Ẹnẹyịmavara re, dị ẹ sị rị.

Iwe Ọhụhị Imosiisi ana aa hị́ Ọyịvatụrọda 6:16

Asị ụ zama Ẹnẹyịmavara re anka ụ mẹ mẹ Umasa.

Ịjọọnụ 4:48

Dị Ijeesu kà a yọ ka, “Ẹ̀ yị vị u re apọtẹrẹwa ọnịrị ụkọrọ ohyozirenu nịnị, wẹ mā dọ wụ́ nịnị.”

Iruuku 11:16

Dị aza ẹnyị eni ee sì ka ẹnị ẹ̀ zama a re nị. Dị ẹ ka Ijeesu ọ̀ sị apọtẹrẹwa hụụnị ihinẹba zụ̀ ẹnị nị.

Ọyịkụra 17:7

Di Imosiisi kụkụ aa hị́ ịzọọ Imasa ọnịrị Imeriba nị. Iruvo ọ vị ka ịzọọ Anisirẹrị yà zyaazị dị ẹ rẹ zama Ẹnẹyịmavara re nị, “Dị ẹ ka Ẹnẹyịmavara wáá vana yị yà ịnị akakana ẹnịnị à vị ọ yị yà ịzọọ?”

Odeyi 5:9

Dị Ipita kà a yọ ka, “Sị ẹ vẹ dị ẹwụrị ọva awụ mẹ ariro ka wa zama Ụhwẹ Ọnịnị re nịnị? Re! Aza ene ne ne oku ọva awụ, aa vaa ngụ ịzẹnị booro aanị, ẹnị raa vaa sị ẹwụ bẹẹ.”

Ịjọọnụ 7:48

Áá nyị ọdọvịdị nịnị, àa vị Anihwarisi nịnị oni u re ka ộ dọ ọ wụ́ da?

Ịjọọnụ 6:30

Dị ẹnịnị tụ́ ohi, dị ẹ ka, “Sị ẹ vị apọtẹrẹwa ọnị ụ nyẹngụ sị zụ̀ yị, di ye re e, dị ya rẹ dọ wụ wụ́? Sị ụ vaa mẹ?

Iruuku 10:25

Ẹkụhị ọnya, ọzwọzọda ọnya ộ kwẹẹtẹ, di ee sì ka ọnị ọ̀ zama Ijeesu re nị. Dị ọ ka, “Ọga, si a vọrọ ka ma mẹ, dị ma zụ yàra pooro zịna-zịna ị́dị Ohomorihi?”

Ịmaakị 12:15

Yáá tụ́ ọọ, à vị asị ị rẹ̀ tụ́ ọọ?” Ama Ijeesu ộ yẹ ka ọbọ ẹyaa mẹ nị. Dị ọ kà a yị wa ka, “Sị ẹ vẹ dị ụ waa zama mịị re nịnị? Sị ẹkẹhị enyusẹ ọnyaa mị di a re di me re e!”

Ịmaakị 2:16

Ọzwọzọda nịnị ana rẹ vị Anihwarisi ê re, Íjeesu mèe beri aza edivi ẹnịrị ọdẹkẹhirehi nịnị rị ịsa. Dị ẹ kà a yị ezirẹma anị ka, “Sị ẹ vẹ di ee beri ọdẹkẹhirehi ọnịrị aza edivi nịnị ị rị ịsa?”

Imatiwu 22:23

Ịhị ọnọọ gẹdẹ-gẹdẹ Anisadusi ẹnyị ệ ká Ijeesu vẹ. Ẹnịnị ẹẹ̄ kà a ka oku ẹ yị vaa haa hụụnị isu nị.

Imatiwu 22:18

Ama Ijeesu ộ yẹ ebira odivi ẹnịnị, dị ọ kà a yị wa ka, “Sị ẹ vẹ dị ụ waa zama mịị re nịnị, ẹwụ nịnị ọmọzakụyẹ?

Imatiwu 22:15

Anihwarisi nịnị ệ hụụ ịzọọ, dị ẹ na gẹ eyi ka ẹ́nị mẹmẹ va mẹ ka Ijeesu ọ̀ kà ịrẹyị dị ẹnị ẹ̀ za a nị.

Imatiwu 21:23

Ijeesu ọ rẹ vavẹ ini irehi Ohomorihi. Ọ màa zụ̀ aza ịsa, dị ohirẹsụ ẹbanyị irehi Ohomorihi beri ọdọvịdị nịnị ve tù ọọ nị. Dị ẹ họ̀ ọ ka, “Ọda ịsị ụ maanị aa sịị mẹ? Ẹnẹ sị ọda ọnọnịị wụ ka wa maanịị mẹ?”

Imatiwu 19:3

Anihwarisi ẹnyị ệ ká Ijeesu vẹ ka ẹnị ẹ̀ va zama a re. Dị ẹ kà a yọ ka, “Ọ́ọ́ vọrọ ka ọza ọ̀ hụ agụvị ịsị òo re kẹnẹ yi ose anị tịtẹ?”

Ọyịkụra 17:2

Di e nyima di eyee pè Imosiisi zyaazị nị. Dị ẹ ka Imosiisi ọ̀ sị enyi yị ẹnị dị ẹnị è hú nị. Dị Imosiisi ka, “Sị ẹ vẹ dị waa zyaazị hi mi nịnị? Wáá yẹ ka Ẹnẹyịmavara ụ waa zama a re nịnị aanị nị?”

Ịjọọnụ 8:6

Ịrẹyị ọnọnị vị ene eyee sii be Ijeesu, agụvị di è zụ re ịrẹyị ẹnẹ ẹnị vaa sị za a. Ama di Ijeesu nyima nẹtẹ, dị aa sị igegee chẹrẹ ịsa tụ́ ini eteesu nị.

Ịmaakị 9:16

Dị ọ họ̀ wa use ka, “Sị ụ waa nyị ahankata anị nịnị?”