Biblia Todo Logo
Bib sou entènèt

- Piblisite -




Ịmaakị 4:8 - IWE ỌNỊNỊ

8 Ihu ẹnyị ẹ rẹ hụrẹ ne ngụ ịnị ẹtẹ ozoza, dị ẹ chị, dị ẹ hụ, dị ẹ nyị ẹtụtụ nị; ẹnyị ệ nyị ẹtụtụ ohurẹẹwụ-ohurẹẹwụ, ẹnyị ẹbẹẹta-ẹbẹẹta, ẹnyị vị ẹchẹhị-ẹchẹhị.”

Gade chapit la Kopi




Ịmaakị 4:8
21 Referans Kwoze  

“Mị ka ẹmị vị ana yà anka ọchị ịvayịnị avọọ. Ẹwụ nịnị vị avọ. Ọza ana àa zẹẹ ka ẹmịrị ọnị ọ̀ vị ọnya dị ya rẹ vabẹ, ọ vaa nyị ẹtụtụ ẹtẹẹtẹrẹ. Ẹ yị nyị ịsị ụ zụ dà mẹ nịnị, wẹ̀ yị zẹẹ ka ẹmịrị ẹwụ nịnị ọ̀ vị ọnya.


Anka énube ọyịza ọnọọ mẹ̀ ngụ ịdị awụ nịnị, avọọ ọ mẹ̀ raa garaa ngụ avaba ẹhẹẹ zị nị. Aa mẹ ka aza ẹ̀ẹ nyị ebira ọyịza, dị ẹ̀ rẹẹ vịraa tụ́ ịnị anị, anka ọ mẹ̀ rẹ yà yị ẹwụ nịnị. Ô nyima ụ mẹ̀ hụrẹ wụ́ enube ọnọọ, dị ẹwụ nịnị rẹ sị ayamva Ohomorihi yẹ obooro.


Aza ẹnẹnị vị ana rẹ yà anka ihu ene e mi tụ́ ịnị ẹtẹ ozoza. Ệ wụ́ ịrẹyị ọnọọ, dị ẹ dọ ọ, dị ẹyaa nyị ẹtụtụ nị. Ẹnyị ệ nyị ẹtụtụ ohurẹẹwụ, ẹnyị ẹbẹẹta-ẹbẹẹta, ẹnyị ẹchẹhị-ẹchẹhị.”


Ịnị ịrayị ọnọọ, Ayiziiki ô chire ịsa tụ́ ịnị ẹtẹ ọnọọ, dị ọ mẹ ẹtẹẹtẹrẹ. Ịsị o chire ọ varẹma re e sị oze ẹchẹhị. Ẹnẹyịmavara ộ mẹ̀ ka ò zee yọ,


Anibereya nịnị ẹ dọ ịrẹyị Ohomorihi tụ́ ịnị ayị huna Anịtẹsaronika nịnị nị. Ệ sị avaba ayị ẹnịnị dọ ịrẹyị Ohomorihi. Dị ẹyaa zama Iwe Ohomorihi re eyinị-eyinị ka eni è re e, àa vị ịzẹyịza avaba ịrẹyị ọnị Ịpọọrụ kà vị nị.


Ama ihu ẹnyị ẹ rẹ hụrẹ ne ngụ ịnị ẹtẹ ozoza, dị ẹ nyị ẹtụtụ nị; ẹnyị ệ nyị ẹtụtụ ẹchẹhị-ẹchẹhị, ẹnyị ẹbẹẹta-ẹbẹẹta, ẹnyị vị ohurẹẹwụ-ohurẹẹwụ.


Ọ kà ịrẹyị ọnị ọnị ka vị ana sị mẹ anka ịra avọọ, dị ọ rẹ sị mẹẹ anka ịhama ana sị chaka ịrẹta avọọ nị.


dị ụ wa rẹ zụụ mẹ̀ ebira ana vọrọ tụra ọza oni Ohomorihi raà jị ịhị yị. Ijeesu Ikirisiti ọọ̄ mẹ̀ ka ọza ọ̀ vavọọ zụ mẹ̀ ebira nị. Ọnọọ vaa mẹ ka aza ẹ̀ẹ sị ụga ọnịrị ụbanyịị yị Ohomorihi.


Ọza ana àa mẹ̀ ịsa ọnị o sì, vaa yẹ ịsị maa sịị zụ̀ aza aanị, àa vị ịrẹyị Ohomorihii yọ nị, à vị ka ẹ́ẹngụ amị kẹnẹ m maa dàa kà nị.


Ama aza ẹnẹnị vị ana yà anka ihu ene e mi tụ́ ịnị ẹtẹ ozoza. Ẹ mẹ̀ wụ́ ịrẹyị ọnọọ, ệ sị tụ́ ịnị ayị ẹtẹẹtẹrẹ, dị ẹ tangwa sị isuuru aa nyị ẹtụtụ nị.”


Ihu ẹnyị ệ hụrẹ ne ngụ ịnị ẹtẹ ozoza, dị ẹ chị, dị ẹ hụ, dị ẹ nyị ẹtụtụ ẹchẹhị-ẹchẹhị nị.” Ịjị Ijeesu vavọọ sị ịrẹyị ẹnẹẹ kà, di o nowu kà a ka, “Ọza ana àa nyị ụtọ ọyịsị wụ́ ịrẹyị, ọ̀ sị ụtọ pe ẹtẹ!”


Ọza ana dọ ihu ọnọọ tụ́ ịnị ẹtẹ ozoza, ọ vị ọza ana wụ́ ịrẹyị ọnọọ, dị ọ yẹ ịsị ọ vị nị. Dị ọ raa nyị ẹtụtụ nị, ẹnyị ệ nyị ẹtụtụ ẹchẹhị-ẹchẹhị, ẹnyị ẹbẹẹta-ẹbẹẹta, ẹnyị ohurẹẹwụ-ohurẹẹwụ.”


Ẹnẹyịmavara kà yị Ayịsaya ka, “Nowu tụ ẹba ọmẹzụ-ọmẹzụ, ọngwẹ awụ ọ̀ tụ ẹba anka ọpanyị aa sụ ịrẹyị avọọ. Kà a yị aza anị Anisirẹrị ịvị ẹnẹ ẹ yaa mẹ̀.


Dị ẹnyị rẹ hụrẹ ne ngụ ịnị akakana ikeyi nị. Ịjị ikeyi ẹnẹẹ aa hụ, dị ẹ za wa rị nị, dị ịsa ọyịna ẹnẹẹ ẹ yị nyị ẹtụtụ nị.


Dị Ijeesu ka, “Ọza ana àa nyị ụtọ ọyịsị wụ́ ịrẹyị, ọ̀ sị ụtọ pe ẹtẹ!”


Ọnị ọ za avaba irehi ọnọọ jẹẹ nị; Ananyị yị ọ rẹ mẹ ka ọ̀ọ hụ, dị ọ̀ vara irehi Ohomorihi ana vị ọnịnị nị.


Swiv nou:

Piblisite


Piblisite