Ịmaakị 4:41 - IWE ỌNỊNỊ

⁴¹ Angwa ô hí wa ẹtẹẹtẹrẹ, dị ẹyaa kà a yị ẹngụ ka: Ẹngụ ọza ịsị ẹ vị ọnọnị ana ahị ọnịrị irehu raa wụ́ụ chire bẹẹ aanị?

Ịmaakị 4:41 Referans Kwoze

Iruuku 8:25

Di Ijeesu kà a yị wa ka, “Ịzị ẹdọwụ awụ nịnị yà?” O si hí wa irenu, angwa ee hí wa, dị ẹ yaa kà a yị ẹngụ ka, “Ẹngụ ọza ịsị ẹ vị ọnọnị kẹ? Aa mẹ ọdaa yị ahị ọnịrị irehu bẹẹ, ẹ yaa wụ́ụ chire e.”

Ijoovu 38:11

Dị ộ ka yị oku ịzị ẹ vị ẹhị ọnị ọ zụ tu jẹẹ nị. Ẹhụ ẹhị ọnọọ ẹganggu zị tu jẹẹ nị.

Imatiwu 8:27

O si hí aza ẹnẹẹ irenu, dị ẹ ka, “Ẹngụ ọza ịsị ẹ vị ọnọnị ana ahị ọnịrị irehu raa wụ́ chiree bẹẹ?”

Ahẹ Ụgama 89:7

Ịzị aza Ohomorihi ẹ̀ẹ kụ́ gụ hị́, ẹnịnị vị ene ee hí angwa Ohomorihi. Ịnị avaba aza ana kara Ohomorihi, Ohomorihi ọnị ịnya aza eehí angwa anịị hu nị.

1 Ịsamụwẹrị 12:24

Ama ẹwụ nịnị ò re ka wa nyị angwahi Ẹnẹyịmavara nịnị; dị waa sị avaba ayị awụ nịnị hẹkẹ ẹ. Tamayị ịsa ẹbanyị-ẹbanyị ọnị ọ mẹ̀ yị wụ nịnị.

Ẹtore 15:4

Ananyị yị, ẹnẹ ka oni o yi vee hí angwa awụ, dị ọnị ọ̀ ga ịrẹha awụ? Ẹwụ ịnya kẹnẹ ẹ̀ yị nyị ẹngụ anị nị. Avaba anẹhẹ vaa vẹ dị ẹ va và ku ẹtẹ ọvịdị awụ, agụvị ka avaba aza ẹ sị ụkọrọ ịzẹyịza awụ re.

Ịmaakị 5:33

Ọnẹẹ ọnọọ ộ yẹ ịsị ẹ mẹ ịnị ẹngụ anị, dị ọ vẹ eyi angwahi-angwahi beri ẹgahị, dị ọ và ku ẹtẹ ọ́vịdị Ijeesu nị. Dị ọ kà avaba ịrẹyị anịị yọ, ọ mẹ̀ yị yà ịzẹyịza nị.

Anihiburu 12:28

Agụvị avọọ, à vẹ vị yaa kụ́ Ohomorihi avọ, agụvị ka ọ raà sị aha ịjọvaa yị, ana ahịka o yi zụ henyi. À vẹ ya zẹẹ ka Ohomorihi ọ̀ vayị ayị, dị ya zụ hẹkẹ ẹ ini oze ana ahịka óo zé e eyi; dị ya zụụ sị ụbanyịị yọ, dị ya rẹ zụ nyị angwahi anị!

Iruuku 4:36

O si hí avaba aza ẹnẹẹ irenu ẹtẹẹtẹrẹ, agụvị avọọ dị ẹ yaa kà a yị ẹngụ ka, “Ẹngụ ịrẹyị sẹ vị ọnọnị aanị? Aa sị ụkataa mẹ ọdaa tụra ụhwẹ echu nịnị ịrẹsụ, dị ẹ yaa jịnẹẹ tụ́ ẹhẹ nị!”

Imatiwu 14:32

Dị ẹnị ẹyịva ngụ ịnị ẹpa, dị ahị sị jẹẹ nị.

Ịmarakayị 2:5

Ọ kà vị́ ọnị hị́ eku yị wa ka ọnị vaa mẹ ka ẹhẹ ẹnịnị o zee yị wa, dị ọ rọ wa ẹngụ. Ọnị vaa mẹ ka ẹ sị ụbanyị yị ọnị, dị ẹ kụkụ hí angwa anị.

Ịmaakị 7:37

Ô hí wa irenu ẹtẹẹtẹrẹ, dị ẹ ka, “Ịsa tụra ịsa ọnị ọ̀ọ mẹ vị eneē zoza ẹtẹẹtẹrẹ. Ộ mẹ ka ogutọ ọ̀ọ wụ́ ịrẹyị, ọ rẹ mẹ ka ogurenu ọ̀ọ kà ịrẹyị.”

Ịmaakị 4:40

Di Ijeesu kà a yị wa ka: Sị ẹ vẹ di eyee hí angwa nị? Ọ kà ẹnịnị ẹ ẹ̀ yị va sị ayị tụra ọnịị?

Ịmaakị 5:1

Ijeesu ọnịrị ezirẹma anị ẹ va sị ngụ akẹnẹ irehu, ịnị ẹkụra Anigerasa.