Ịmaakị 4:12 - IWE ỌNỊNỊ

¹² agụvị ẹ̀ẹ daka re ẹtẹ pooro, asị ẹ yẹ ịsị eyee re. Ẹ̀ẹ sị ụtọ pe ẹtẹ pooro, di asị ẹ yẹ ịsị ẹyaa wụ́, agụvị asị e ro ịnẹ varẹma, dị Ohomorihi ọ̀ va na vagu wa ịnị ịvị ẹnịnị.”

Ịmaakị 4:12 Referans Kwoze

Ayịsaya 44:18

Ẹngụ aza ẹnẹẹ vị ọnụra. Ẹnịnị ẹ yị yẹ ịsị ẹyaa mẹ. Ẹnịnị ệ sị eyi ẹnịnị kú oku, agụvị asị ẹnị zụ re ẹtẹ. Ệ sị ịsa kú ayị ẹnịnị agụvị asị ẹnịnị yẹ ịsa a vọrọ ka ẹ yẹ.

Ijeremaya 5:21

Ẹwụ nịnị ọnụra ẹnẹẹ yị yẹ ịrẹyị aanị ẹ̀ wụ o, waa nyị eyi nịnị ama we yi si re ẹtẹ nịnị, waa nyị ụtọ nịnị ama wẹ yị sị wụ́ ịrẹyị nịnị.

Iwe Ọhụhị Imosiisi ana aa hị́ Ọyịvatụrọda 29:4

Booro ve tu ajịnị, Ẹnẹyịmavara ẹ yị zẹ ka eyi ẹnịnị o hweyi tu ọ.

Iruuku 8:10

Di Ijeesu ka, “Ohomorihi ọ raà mẹ ka wa yẹ nịnị ịrẹyị ịjọva Ohomorihi oni iruvo anị nyịnẹ nịnị. Ama aza ana vọ vị ana aa wụ́ ọọ ini oze ụhịrẹyị, agụvị ẹ̀ẹ daka re ẹtẹ pooro, asị ẹ yẹ ịsị eyee re. Ẹ̀ẹ sị ụtọ pe ẹtẹ pooro, di asị ẹ wụ́.”

2 Itimoti 2:25

Ọ̀ọ sị ayohunẹnẹẹ pe aza ana aa kụ̀ụ hịrẹẹ juwe, ịsavọọ Ohomorihi ọ̀ na mẹ ka è re oze ro ịnẹ varẹma, dị ẹ̀ va yẹ ịzẹyịza.

Anihiburu 6:6

Ẹngụ aza ẹnẹẹ ẹ̀ ẹ na hụrị oze Ohomorihi, ẹnịnị vị anaa sị ụvọ ẹnịnị tenyi Ozi Ohomorihii kanyịị za apavahị. Dị ẹ rẹẹ yaa mẹ ụhịị nyị ọ eyi avaba aza.

Ezikẹẹrị 12:2

Ozi-ọza, ịnị akakana aza anaā kụụ hịrẹ ọza ọnị rá anị nị ọ̀. Ẹnịnị ẹẹ nyị eyi, ama é yi si re ẹtẹ, ẹnịnị ẹẹ nyị ụtọ ama ẹ́ yị sị wụ́ ịrẹyị, agụvị ka ẹnịnị vị anaā kụụ hịrẹ ọza.

Odeyi 3:19

Agụvị avọọ ro ịnẹ varẹma, dị ụ wa và ká Ohomorihi vẹ nịnị, agụvị ò du ịvị awụ nịnị kwooze!

Ayịsaya 43:8

Ohomorihi ka, kụ́ aza ana nyị eyi dị ẹnịnị è yi re ẹtẹ aanị vẹ; aza ana nyị ụtọ dị ẹnịnị ẹ̀ yị wụ́ ịrẹyị aanị.

Ijeremaya 36:3

Ẹnẹyịmavara kà, ẹyịyara, ịjị avaba Anijuda ẹẹ wụ avaba ụya ọnị ọnị ka ọnị vaa sịị rị wa, ọzọza vaa vàa hụụnị ẹhẹ odivi ẹnịnị. Ịjọnọọ ọnị rẹ vaa vagu avaba ebira odivi ẹnịnị ọnịrị ịvị ẹnẹ ẹ rị yị wa.

Ịmaakị 8:18

Wâ nyị eyi nịnị, we yi si re ẹtẹ nịnịị? Wa rẹ nyị ụtọ nịnị, wa mā wụ́ ịrẹyịị? Aanịka wẹ yị tamayị,