Ịmaakị 3:8 - IWE ỌNỊNỊ

⁸ Aza ẹ rẹ hụrẹ Ijerusarẹmị ọnịrị Idumiya vẹ, ẹ rẹ hụrẹ akẹnẹ Okuha Ịjọdanị vẹ, dị ẹ rẹ hụrẹ ọgụrị ẹkụra Ịtaya ọnịrị Ịsịdọnị vẹ bẹẹ nị. Avaba aza ẹnẹnị ệ ká Ijeesu vẹ, agụvị ka ệ vịdị wụ́ ịsa ọnọọ mẹ.

Ịmaakị 3:8 Referans Kwoze

Ezikẹẹrị 35:15

Avaba anẹhẹ vaa jẹ anka ẹwụ nịnị mẹ raa jẹ ẹngụkata odivi me tù aza anị, Anisirẹrị nịnị. Ataba-ataba ene hi ẹtẹ Ịsẹyị ọnịrị avaba ẹtẹ Edomi vaa tu osusu. Ịjọnọọ avaba aza vaa yẹ́ ka ọnị ọ vị Ẹnẹyịmavara nị.

Imatiwu 11:21

“Wa sị dà nịnị, ẹwụ nịnị Anikorasini. Wa rẹ sị dà nịnị, ẹwụ nịnị Anịbẹtịsayịda. Àa yaanị maanị mẹ̀ ụkọrọ ohyozirenu ịnị ẹkụra Ịtaya ọnịrị Ịsịdọnị, ẹ yaanị sị ịnẹ ro varẹma hụrẹ ụmọrụmọ, dị ẹ sị ịta arụwẹ kú ẹngụ, dị e kú ẹngụ ẹnịnị atịtọ.

Ezikẹẹrị 36:5

Ẹnẹyịmavara Anahwọ ọ raà sị ọyịkụ-ọyịkụ kà ịrẹyị yị anẹkụra-ẹkụra ana kara Isirẹrị. Anedomi nịnị ayị hyakụ aa kụ ọnịị tùu hu nị. Ẹnịnị ẹ raà sị ẹtẹ anị mẹ ẹẹnịnị, dị ẹ sị ịzị aa kụ ịsụpa naa rị ka ẹnị ẹkụkụ nyị nị. Ẹnịnị vị anaa jẹ dị ẹ́ sị eyi wụ ọnị.

Ayịsaya 34:5

Ẹnẹyịmavara ọ sị ụhwọ anị ne rị ụvọ tụ́ ẹbẹẹba. Ọnị ọ vaa sị wụ̀ Anedomii vaa ha nị. Ộ vịdị raà mẹ̀ ọkarẹyị ẹnịnị ka à wụ̀ wa và ha.

Ịmaakị 7:24

Ịjị Ijeesu hụụ ịzọọ, dị aa nọ ọgụrị ẹkụra Ịtaya nị. Ộ ngụ ini eehi ọnya aanị, o yi sì ka à yẹ ka ọnị yà ịzọọ; ama ọ yị zụ tẹ.

Ahẹ Ụgama 87:4

Ọ kà ọnị vaa chẹrẹ ẹ ka Ịrahabị ọnịrị Ịbabịrọnị yị ịnị anẹkụra ana yẹ ọnị. Anihwirisiti ne beri Anitaya ọnịrị Anikusi ka ẹnị ẹ̀ rẹ yẹ ọnị bẹẹ.

Ahẹ Ụgama 45:12

Anẹkụra Ịtaya vaa kụ́ ịsa vaa mẹ wụ ẹyịza opisa nịnị vaa kụ́ ịsa vaa mẹ wụ ẹyịza ka ịsavọọ we re ẹnị kẹnẹ.

Ịmaakị 7:31

Dị Ijeesu hụrẹ ọgụrị Ịtaya, dị ọ zị oze Ịsịdọnị nọ ẹkụra ana aā hị́ Idekapori, dị ọ na ngụ ụtọ irehu Igariri nị.

Ijosuwa 15:1

Ẹtẹ ana a ga tu Ijuda, abara-abara vị ana na ngụ ụvẹtẹ ẹtẹ Edomi huu ne tù ụnọmị Izini eyi ụvẹtẹ kere-kere.

Ijosuwa 15:21

Ẹkụra ana vị Anijuda nịnị vị ene hi ẹnẹẹnẹ eyi ụvẹtẹ. Ẹnị ana gụrị ẹhwị ẹtẹ Edomi ẹ vị Ikabizeeri, Ederi, ọnịrị Ijaguri,

Imatiwu 4:25

Dị ọkọnị aza wara hụrẹ ẹkụra ẹnẹnị vẹ, dị ẹ yaa dụ ọọ ịrẹma nị: Igariri ọnịrị Idekapori beri Ijerusarẹmị ne beri Ijudiya ọnịrị akẹnẹ Ijodani.

Iruuku 6:17

Ịjị Ijeesu ọnịrị ezirẹma anị zi chí vẹ, dị ọ Jẹẹ inozi nị. Dị aza ịrẹma anị ọrụrụ-ọrụrụ ẹnịrị ọkọnị aza ana hụrẹ Ijudiya ọnịrị Ijerusarẹmị ne beri ẹkụra Ịtaya ọnịrị Ịsịdọnị ene hi ụtọ oku va gụ kara a nị. Di eyee sì ka ẹnị ẹ̀ wụ́ ịrẹyị anị, dị ẹ̀ rẹ mẹ ẹnị ụkụ nị.