Ịmaakị 2:7 - IWE ỌNỊNỊ

⁷ “Sị ẹ vẹ dị ọ maanị aa kà? Vị aa kụ̀ Ohomorihi ụhụ aanị nọ! Ẹnẹ zụ vagu ọza ịnị ịvị anị, ẹ̀ yị vị Ohomorihi ọnịnya kẹnẹ?”

Ịmaakị 2:7 Referans Kwoze

Ayịsaya 43:25

Ama, ẹma vị Ohomorihi ana vagu ebira edivi ọnị ụ mẹ nịnị nị. Agụvị ọza ọnị mị vị mị maanị mẹ nị. Mi vee hí ayị ebira edivi awụ nịnị.

Iruuku 5:21

Dị ọzwọzọda ọnịrị Anihwarisi ene hi ịzọọ aa kà a ka, “Sị ẹ vẹ dị ọ maanị aa kà? Vị aa kụ̀ Ohomorihi ụhụ aanị nọ! Ẹnẹ zụ vagu ọza ịnị ịvị anị, ẹ̀ yị vị Ohomorihi ọnịnya kẹnẹ?”

Imika 7:18

Ẹwụ Ohomorihi o, ẹ yị nyị ịsa ọnị ọza zụ si juwe awụ. Aza awụ ana vọ ana mẹ akụvị, dị ẹnịnị rị ịvị awụ Ẹngụ aza ẹnịnị, Ohomorihi, ẹwaa vagu wa. Wẹ mā kụ́ ayị pooro, ẹwụ vi ene eē sì ka wa vayị ọza.

Ịdanịyẹrị 9:9

Dị ọnị rẹ kà, dị ẹnị daka yị sị ịvị mẹ hi Ananyị yị ana vị Ohomorihi ẹnịnị aanị, ọnị ọọ̄ vayị aza dị ọ rẹẹ̄ vagu aza nị.

Iruuku 7:49

Dị aza ana vọ ana aa rị ịsa ịzọọ, aa kà a yị ẹngụ ka, “Ho! Ẹnẹ vị ọnọnị, ana raa vagu ọza ịnị ịvị anị bẹẹ?”

Ahẹ Ụgama 130:4

Ama ẹwụ vị ana aa vagu ọza ana àa mẹ̀ ebira odivi, avọọ aza sịị̄ nyị angwahi awụ nị.

Ijoovu 14:4

Ẹnẹ zụ sị ịsa ana nị hụụnị ẹvụvụ? Ẹ yị nyị.

Ịjọọnụ 10:33

Dị Aniju nịnị tụ́ ọọ ohi, dị ẹ ka, “Yẹ yị hụ agụvị ụkọrọ ozoza ọnyọọnyị ne wu ịrẹta. Ama yee sì ka ye ne wu ịrẹta, agụvị ka waa kà ịrẹyị odivii hi Ohomorihi. Ọza rị ẹyị ị́rẹsụ kẹnẹ ụ vị nị, ama wee sì ka wa sị ẹngụ awụ vara Ohomorihi.”

Ịmaakị 14:64

Wáá wụ́, ọ màa kụ̀ Ohomorihi ụhụ nịnị? Si u ro nịnị?” Dị avaba ẹnịnị jị ịvị yị Ijeesu, ka ộ rị ịvị isu nị;

Imatiwu 26:65

Dị ohirẹsụ ọbanyị irehi Ohomorihi ọnọọ kụ́ ayị, dị ọ za awuru anị, dị ọ nàa chaara nị. Dị ọ ka, “Ho! Ọ sị Ohomorihi kụ̀ ụhụ! Si i kuku ee sì onivenu aa mẹ? Waa wụ́, ọ màa kụ̀ Ohomorihi ụhụ nịnị

Imatiwu 9:3

Dị ọzwọzọda ẹnyị aanị aa kà a yị ẹngụ ẹnịnị ka, “Ọnọrụ ọnọnị aa kụ̀ Ohomorihi ụhụ.”

Ịjọọnụ 10:36

Àa vị ẹmịị yọ, Ada amị ọ nyị mị, dị ọ tụ́ mị vẹ ẹhẹ nị. Màa va kà a ka Ozi Ohomorihi mị vị nị, dị ụ ka m maa kà ịrẹyị odivii hi Ohomorihi nịnị nịị?

Ịmaakị 2:6

 nyị ọzwọzọda ẹnyị aanị ana yaayịtẹ ịzọọ. Di eyee ro o ịnị ayị ẹnịnị ka:

Ịmaakị 2:8

Obooboro ọnọọ Ijeesu ọ sị yẹ ịsị eyee ro ịnị ayị ẹnịnị. Agụvị avọọ dị ọ kà a yị wa ka, “Sị ẹ vẹ dị ẹwụ nịnị vavọọ ee ro ẹngụ ịsa ẹnẹnị ịnị ayị awụ nịnị?