Ịmaakị 2:2 - IWE ỌNỊNỊ

² Dị aza wara gụ tawụ-tawụ ini irehi ọnọọ nị. Irehi vị ene hí yị aza huuu va ngụ enoze. Ẹ yị kụkụ nyị aha vụrụ-vụrụ ịnịnẹ irehi ọnọọ. Dị Ijeesu aa kà ịrẹyị Ohomorihii yị wa nị.

Ịmaakị 2:2 Referans Kwoze

Ịmaakị 2:13

Ẹkụhị ọnya dị Ijeesu rẹ jịnẹ nọ ụtọ irehu, dị ọkọnị aza ká a vẹ, dị aa sị ịsaa zụ̀ wa nị.

Ịmaakị 1:45

Ama dị ọnọrụ ọnọọ na, dị ọ naa kà a yị aza ọrụrụ-ọrụrụ, dị aa kà a zịịzị nị. Agụvị avọọ Ijeesu ọ yị kụkụ nyẹngụ va ngụ ịnị ẹkụra ini eyigede, dị ọ na yà ịzị aza ọ̀ yị yà nị. Aza vị ana aa yịị hara hụrẹ avaba aha nee tù ọọ ịzọọ.

2 Itimoti 4:2

ka, waa kà enube ọyịzaa yị aza! Waa kà a ịnị ụmẹ ana aza èe sì ọnịrị ịnị ụmẹ ana aza è yi sì! Waa tụ́ wa ohuvọ, waa kà wa ọnọ, dụ wa rẹẹ tụ́ wa ọtụtụrụma! Re ka wáa nyị isuuru ẹtẹẹtẹrẹ, ụ màa zụ̀ wa ịsa!

Aniroomi 10:8

Ama si Iwe Ohomorihi kà? Ọ kà, “Ịrẹyị Ohomorihi ọ sị gụrị ẹwụ, ọ hyakụ yà ini irenu awụ bẹẹ ọnịrị ịnị ayị awụ.” Ịrẹyị ọnọọ ọ vị ka ọza ọ̀ sị ayị tụra Ohomorihi nị. Enube ọyịza ọnị yaa kà ọ vị ọnọọ nị.

Odeyi 16:6

Ịpọọrụ nịnị ệ zị oze ẹtẹ Ihwirigiya ọnịrị Ịgaratịya na para hu, agụvị ka Ụhwẹ Ọnịnị ọ yị zẹẹ ka ẹ̀ kà ịrẹyị Ohomorihi ịnị ẹtẹ Esiya.

Odeyi 14:25

Ệ kà enube ọyịza ọnọọ Ípeega, di e chí nọ Atarịya nị.

Odeyi 11:19

Ọdọwụ ẹnyị vị ana gara hi ịnị ụmẹ ụyọrị ana a yà ịnị anị wụ Isitivini. Aza ẹnyị ệ hyakụ na pooro na ngụ Ihwonesiya, aza ẹnyị ệ nọ Ịsayịpịrụsị, dị aza ẹnyị rẹ nọ Antịyọkị nị. Dị ẹ yaa kà enube ọyịza ọnọọ yị Aniju nịnị kẹnẹ nị.

Odeyi 8:25

Ịjị Ipita ọnịrị Ịjọọnụ sị ịrẹyị Ananyị yị kà ịzọọ, dị ẹ varẹma aa nọ Ijerusarẹmị nị. Ẹ màa na óze, dị ẹyaa kà enube ọyịza ịnị ẹkụra eweyi-eweyi ene hi Ịsamarịya nị.

Iruuku 12:1

Ọ́kọnị aza mẹ̀ wara gụ tawụ-tawụ, dị ẹ yaa kụ́ ahụụ hi ẹngụ, dị Ijeesu vịdị kà a yị ezirẹma anị ka, “Sị eyi pe ẹngụ awụ nịnị agụvị òwù Anihwarisi nịnị, oo! Ogevegeve ẹnịnị m maa kà avọọ nị.

Iruuku 8:11

Di Ijeesu ka, “Iruvo ụhịrẹyị ọnọọ yị: Ịsa ọyịna ọnọọ vị ịrẹyị Ohomorihi

Iruuku 8:1

Ịnị ụmẹ ọnya, di Ijeesu aa ngụ ịnị ẹkụra ọbanyị ọnịrị ẹkụra oweyii zị, dị aa kà enube ọyịza ịzị Ohomorihi yà aa mẹ ịjọva nị. Ọnịrị ezirẹma anị ẹwụrẹva ẹ zị nị.

Ịmaakị 1:37

Ịjị e si oo re, dị ẹ kà a yọ ka, “Avaba aza ee sì wu ọ.”

Ịmaakị 1:33

Avaba anẹkụra ẹnẹẹ ệ wara gụ enoze irehi oni Ijeesu yà.

Ịmaakị 1:14

Ịrẹma anaa sị Ịjọọnụ za tụ́ ịnị ẹngwa, dị Ijeesu va ngụ Igariri, dị aa kà enube ọyịza Ohomorihi nị,

Imatiwu 5:2

Di o nyima, dị aa zụ̀ wa ịsa nị, dị ọ ka:

Ahẹ Ụgama 40:9

Aza ẹ̀ẹ ta wara gụ dị maa kà a ụ mẹmẹ dọ yị há Ẹnẹyịmavara, wâ yẹ ka mẹ mā sị irenu amị kú oku.

Iruuku 5:17

Ẹkụhị ọnya, dị Ijeesu raa zụ̀ aza ịsa nị. Â nyị Anihwarisi nịnị ọnịrị ọzwọzọda nịnị ana yaayịtẹ ịzọọ. Ẹnịnị vị ana hụrẹ avaba ẹkụra Igariri vẹ, ọnịrị Ijudiya beri Ijerusarẹmị. Ụkata Ohomorihi yà rị ọọ ana aa sịị mẹ aza ụkụ.

Ịmaakị 6:34

Ịjị e si tù ịzọọ, dị Ijeesu jịnẹ hụụnị ẹpa nị. Ịjị o re ọkọnị aza ẹnẹnị, ayị ẹnịnị ộ vá Ijeesu, agụvị ka ẹnịnị vị ana yà anka atẹmẹ ẹnẹ ẹ̀ yị nyị ọza ene ee sere wa avọọ. Ijeesu ô nyima aa sị ịrẹyị ọrụrụ-ọrụrụụ zụ̀ wa.

Ịmaakị 2:1

Ộ da kù chee Ijeesu ộ vavẹ va ngụ Ikapanawumi. Anẹkụra ẹnẹẹ ẹ sị ọọ wụ́ gẹtẹ ka ọ yà ini eehi.