Ịmaakị 2:12 - IWE ỌNỊNỊ

¹² Obooboro ọnọọ, dị ọ kwẹẹtẹ, dị ọ sị odooro anị, dị aa na éyi avaba ẹnịnị nị. Ô hí avaba aza ẹnẹẹ irenu ẹtẹẹtẹrẹ, dị ẹyaa sị ụgaa yị Ohomorihi nị. Dị ẹ ka, “Yẹẹ̀ yị maanị re da.”

Ịmaakị 2:12 Referans Kwoze

Imatiwu 9:33

Dị Ijeesu dụ ụhwẹ echu ọnọọ jịnẹ, di ogurenu ọnọọ aa kà ịrẹyị nị. O si hí ọkọnị aza ẹnẹẹ irenu, dị ẹ ka, “Yẹẹ̀ yị maanị re da ịnị ẹtẹ Isirẹrị.”

Imatiwu 9:8

Ịjị ọkọnị aza ẹnẹẹ re e, ô hí wa irenu, dị ẹyaa sị ụgaa yị Ohomorihi ana maanị sị ụkata yị aza nị.

Iruuku 7:16

Angwa ô hí avaba ẹnịnị, dị ẹyaa ga Ohomorihi nị, dị ẹ ka, “Ọnịsẹ ọbanyị ọ sị kwẹẹtẹ ịnị akakana ayị o, Ohomorihi ọ zị vẹ ka ọnị ọ̀ va gụ aza anị ụvọ”.

Odeyi 4:21

Dị anikootu kà wa ọnọ hu avọọ ẹtẹẹtẹrẹ, dị ẹ hụrẹ wa ụvọ nị. E yi re oze sị ụya rị wa, agụvị ka avaba aza vị ana aa sị ụgaa yị Ohomorihi agụvị ịsa ana mẹ.

Ịjọọnụ 9:32

A mẹ̀ hụrẹ mẹ ẹhẹ, ọza ọọ̀ yị wụ́ da ka â nyị ọza ana há eyi ọza ana a ma ogweyi.

Ịjọọnụ 7:31

Ama aza ọrụrụ-ọrụrụ ịnị ọkọnị aza ẹnẹẹ ệ sị ayị tụra a, dị ẹ ka, “Áá nyị Ikirisiti ana kụkụ vaa vẹ, ana ahịka ọ kụkụ vaa mẹ̀ ụkọrọ apọtẹrẹwa ene huna ana ọza ọnọnị aa mẹ aanị?”

Iruuku 17:15

Ọ́za ịnyara ẹnịnị mè re ka ẹngụ anị ọ́ọ ta, dị ọ vavẹ, dị ọ sị ọngwẹ anị tụ́ ẹba, dị aa sị ụgaa yị Ohomorihi nị.

Iruuku 13:13

Dị ọ sị ụvọ tụra a nị. Obooboro ọnọọ dị ọnẹẹ ọnọọ vọrọ jẹẹ, dị aa sị ụgaa yị Ohomorihi nị.

Iruuku 5:26

Ô hí avaba ẹnịnị irenu ẹtẹẹtẹrẹ, dị ẹyaa ga Ohomorihi nị; dị angwa ee hí wa nị, dị ẹ ka, “Ya sị ịmọrịmọ re ajịnị.”

Ịmaakị 1:27

O si hí avaba aza ẹnẹẹ irenu ẹtẹẹtẹrẹ; agụvị avọọ dị ẹyaa họ̀ ẹngụ use ka, “Ẹngụ ịrẹyị sẹ vị ọnọnị aanị? Ịrẹyị ọwọọwa wáá rẹẹ yị? Ọnọrụ ọnọnị ộ sị ụkata mẹ ọda tụra ụhwẹ echu nịnị ịrẹsụ, ệ wụ́ chire e.”

Imatiwu 15:31

Ô hí aza ẹnẹẹ irenu, e mè re ka ogurenu aa kà ịrẹyị, dị ẹngụ oswẹngụ ta, dị oswahụ nịnị aa zị ụsẹ, dị ogweyi nịnị ree re ẹtẹ nị. Dị ẹyaa ga Ohomorihi Anisirẹrị nịnị nị.

Imatiwu 12:23

O si hí avaba ọkọnị aza ẹnẹẹ irenu, dị ẹ ka, “Ẹwáá ka ozi Idevidi ọnọọ yị?”

Ịmaakị 2:11

“Ẹma kà a yị wụ nị: Kwẹẹtẹ, sị odooro awụ, dị ụ waa nọ eehi awụ!”