Ịmaakị 13:8 - IWE ỌNỊNỊ

⁸ Anẹkụra ẹnyị vaa kwẹẹtẹ tù ọsa, dị ẹkụra ohinọyị ẹnyị rẹ kwẹẹtẹ tù ọsa. Ẹtẹ vee henyi jigi-jigi aha ọrụrụ-ọrụrụ, ụngwẹ vaa kụ̀. Avaba ẹsẹnị aa sịị zụ̀ ka vị ụyọrị sẹsẹ nyima avọọ nị.

Ịmaakị 13:8 Referans Kwoze

Imatiwu 24:8

Avaba ẹsẹnị aa sịị zụ̀ ka vị ụyọrị sẹsẹ nyima avọọ nị.

Ayịsaya 37:3

Ihezekaya kà a kà a yọ ka ịhị ọnọọ ọ vị ẹkụhị ayodu, ụyọrị ọnịrị ụhị yị ẹnị nị. Ọ kà ẹnị sị mẹẹ anka ọnyẹnẹẹ ana ba ịrẹẹ, dị ẹ yị nyị ụkata ma a avọọ nị.

Ahẹ Ụgama 48:6

Ẹgahị mẹ̀ sụ wa ẹngụ, ẹngụ ẹnịnị ộ kata anka ọnẹẹ ana aa ba ịrẹẹ avọọ.

Ẹtore 6:4

Dị umaata ovivi ọnya ọnị rẹ jịnẹ tụ́ ẹhẹ nị. Â sị ụkata yị ọza ana tụra a ka ọ̀ kụ́ ịrẹkụ hi ịnị ẹhẹ, dị aza ẹẹ wụ ẹngụ nị. Â sị ụhwọ ọnyaa yọ.

1 Anịtẹsaronika 5:3

Ịjị aza àa kà a ka ẹ́ yị nyị ịrẹyị vụrụ-vụrụ, dị ịrẹyị vana ngụ tù wa kẹnẹ anka ọnẹẹ ọnị ịrẹẹ aa zị avọọ. Dị ẹnịnị ẹ́ yị zụ há.

Odeyi 11:28

Ọnya ịnị ẹnịnị ana aā hị́ Agabọsị, ộ kwẹẹtẹ, dị Ụhwẹ Ọnịnị sị ụkata yọ, dị ọ kà ịsẹ ka ụngwẹ ọbanyị aa vẹ ịnị avaba ẹhẹ nị. Ụngwẹ ọnọọ ộ vẹ ịnị ụmẹ oni Ịkịrawụdịyọsị sị rị ohinọyị.

Ịzakaraya 14:13

Ịhị ọnọọ Ẹnẹyịmavara vaa va wa zi, dị angwa hi wa, dị ọzọza va ịraazị ka ọnọhụva anị.

Ịhagayị 2:22

Ẹnẹyịmavara kà ọnị vaa dọ ịjọva ọnịrị ụkata hụụnị ụvọ anẹkụra nịnị. Ọnị vaa va ịkẹkẹ ịrẹkụ ẹnịnị ọnịrị aza ana tụra wa anga, dị ọkụrẹkụ ẹnịnị anaā tụra umaata vara eyi tu ẹngụ aa wụ ẹngụ ha beri umaata ẹnịnị.

Ijeremaya 50:43

Ịjị ohinọyị Ịbabịrọnị wụ́ ịrẹyị aza ẹnẹnị, ụvọ anị ee wusu za ẹngụ. Ẹngụkata ọọ sụ̀ ọ ẹngụ, dị ee rimanya anka ọnẹẹ anaa barẹẹ avọọ nị.

Ijeremaya 49:24

Anịdamasịkọsị nịnị ẹ raa tụ ọkụmị, ẹnịnị ẹ sị zwe ayị maa hụrẹ wa ịnẹ. Ẹngụkata ô tù wa, ẹ sị mẹ suku-suku anka ọnyẹnẹẹ anaa barẹẹ avọọ.

Ijeremaya 25:32

Ẹnẹyịmavara Ochẹtẹẹngụ ka ịrẹyị odivi aa kà ẹkụra Ikonya-ikonyara vẹ. Opomi ọbanyị o si nyima aa kụ ụ gụ ịnị ẹhẹ.

Ijeremaya 22:23

Oo zoza ụ mẹ hi ịnị irehi ọyịza-ọyịza ana a sị ọchị isida Ịrẹbanọnị mẹ ọvị nịnị aanị, ama e yi vee kù di waa jị òrèrè, di wee rimanya nịnị anka ọnyẹnẹẹ ana barẹẹ mee rimanya avọọ.

Ijeremaya 13:21

Sị ụ vaa kà nịnị ịjị aza ẹnị ụ rò ka ẹẹ vị ọta awụ nịnị ẹẹ raa nyị ẹbẹẹba awụ nịnị, dị ẹ yaa mẹ ohinọyịị wụ nịnị nị? Ọ vaa zị ụ nịnị anka ọnẹẹ ọnị ịrẹẹ aa zị avọọ.

Ijeremaya 6:24

Dị Anijerusarẹmị nịnị ka, ẹnị ệ vavọọ wụ ọ, dị ẹngụ ẹnịnị wusu nị. Ayịhụrịnẹ ọ sị ẹnị za va hi ẹtẹ, dị ẹnị ee rimanya anka ọnẹẹ ọnị ịrẹẹ aa zị avọọ nị.

Ayịsaya 19:2

Ẹnẹyịmavara kà ọnị vaa mẹ ka Anijipiti ẹ̀ kwẹẹtẹ tù ẹngụ. Ịrẹkụ vaa chị yị ẹyịnyara. Anokokooro ẹnyị vaa kwẹẹtẹ tù ọsa, dị anẹkụra ẹnyị rẹ kwẹẹtẹ tù ọsa. Avọọ ohinọyị nịnị mẹ̀ vaa kwẹẹtẹ tù ẹngụ dị ẹ yaa kụ̀ ịrẹkụ nị.

Ijeremaya 4:31

Ijeremaya ka ọnị ộ wụ̀ aza mee nowu anka ọnẹẹ anaa vaa ma ozi ịpaapa anị, ọnị ịrẹẹ aa zị avọọ. Anijerusarẹmị nịnị ẹ vavọọ ee nowu, ẹ maa vụrịị tụ́ ụhwẹ nị. Ẹẹ tana ụvọ, dị ẹ vaku ẹtẹ ọvịdị ọwọza nịnị nị. Ẹ ka, ẹwụ aa za ẹnị aanị nị. Ẹnị ẹ sị da!

2 Ịtọpa 15:6

Á kụ́ ẹnịnị ga hi keni-keni ánẹkụra ẹnyị maa mẹ̀ ehunaa yị ọsa, dị anẹkụra ọbanyị ẹnyị aa mẹ̀ ehunaa yị ọsa, agụvị ka Ohomorihi aà kụ́ ẹngụkata ọnịrị ayodu tù wa nị.

Ayịsaya 29:6

Ẹnẹyịmavara Ochẹtẹẹngụ vaa mẹ ka apaana ihinẹba ọ̀ há, di ẹtẹ ò henyi jigijigi. Ẹtẹ vaa sụ́ ịrẹyị, di opomi aa tụ́ kukuku, dị ịra aa dà kẹnẹ. Dị ọ vavọọ vẹ dị ọ va dọ wụ tụ́.

Ịmaakị 13:7

Ịjị ụ wàa wụ́ ekuku ịrẹkụ nịnị ọnịrị ụha ịrẹkụ, asị ụ zẹẹ ka ayị awụ nịnị ọ̀ vazi. Ẹ yị zụ nyị ka ọyị vavọọ yà; ama ẹzẹtẹ ẹhẹ ọọ̀ yị vẹ.

Ịmaakị 13:9

Sị eyi pe ẹngụ awụ nịnị! A vaa za wụ nịnị nọ ini ikootu, di e re tụ́ wu nịnị ini irehi ahẹkẹ Aniju nịnị. A rẹ vaa za wụ nịnị naa jẹẹ ọvịdị ohirẹsụ ọnịrị ohinọyị nịnị agụvị amị, agụvị dị ụ wa dọ ivenu amị yị wa nịnị.