Ịmaakị 12:1 - IWE ỌNỊNỊ

¹ Dị Ijeesu nyima aa sị ụhịrẹyịị kà ịrẹyịị yị wa nị; dị ọ ka, “Â nyị ọza ịnya aanị ana dà ụbazị, dị ọ hị́ ọchị ana aā hị́ ịvayịnị tụ́ ịnị anị nị. Dị ọ rẹ họ̀ kara a nị. Ộ jị ụkọ ịzị a vaa yàa kwọrọ ẹtụtụ ọchị ẹnẹẹ, dị ọ re hi ụta oserẹtẹ tụ́ ọọ nị. Ộ sị ụbazị ọnọọ rere aza ẹnyị aanị ka ọnị ọ̀ọ dọ wa ọtụrọsarẹsụ anị. Di o si hu aa hụrẹ eehi nị.

Ịmaakị 12:1 Referans Kwoze

Ịmaakị 13:34

Vị ọ sị mẹẹ anka ọza ana aa hụrẹ eehi, dị ọ sị irehi anị chire ezi ahụ anị ụvọ, dị ọ ka è sị eyi pee nị. Dị ọ sị ụkọrọ yị ọzọza, dị ọ rẹ ka oserẹtẹ òo sere ẹtẹ nị.

Ịmaakị 4:2

Dị ọ sị ụhịrẹyị, dị aa sịị sị ịsa ọrụrụ-ọrụrụụ zụ̀ wa nị. Ọ màa zụ̀ wa ịsa, dị ọ kà a yị wa ka:

Imatiwu 25:14

“Oze ana Ada ayị ẹbẹẹba aa zịị mẹ ịjọva vị ana sị mẹẹ anka ọza ịnya aanị ana aa hụrẹ eehi. Ộ hị́ ezi ahụ anị, dị ọ kụ́ ogu chire wa ụvọ nị.

Odeyi 7:38

Ọnị ọnịrị Anisirẹrị nịnị yà ịnị ụnọmị, áda ayị nịnị mẹ̀ va gụ ịzọọ nị. Anggẹẹrị ọnọọ ộ kà ịrẹyịị yọ ị́rẹsụ ataba Ịsịnayị, dị ọ tụ́ ọọ hi ada ayị nịnị nị. Imosiisi ộ sị enube Ohomorihi ana aa mẹ ka ọza ọ̀ yàra pooro zịna-zịna va yị.

Iruuku 19:12

Agụvị avọọ, dị Ijeesu kà a yị wa ka, “Â nyị ọzọbanyị ọnya aanị, ana hụrẹ eehi nọ ẹkụra onoze ọnya ka ọnị ọ̀ na rị ohinọyị ịzọọ, dị ọnị ọ̀ vavẹ.

Iruuku 15:13

Ịjị ọ na aa mẹ ẹkụhị chee, dị ana vị ozweyi kụ́ ogu anị gụ, di o si hu aa hụrẹ eehi nọ ẹkụra onoze nị. Ịjị o tù ịzọọ, dị ọ sị ebira kẹnẹ-kẹnẹ, di o si du avaba ogu anị ha saka-saka nị.

Iruuku 8:10

Di Ijeesu ka, “Ohomorihi ọ raà mẹ ka wa yẹ nịnị ịrẹyị ịjọva Ohomorihi oni iruvo anị nyịnẹ nịnị. Ama aza ana vọ vị ana aa wụ́ ọọ ini oze ụhịrẹyị, agụvị ẹ̀ẹ daka re ẹtẹ pooro, asị ẹ yẹ ịsị eyee re. Ẹ̀ẹ sị ụtọ pe ẹtẹ pooro, di asị ẹ wụ́.”

Imatiwu 21:28

“Si u ro ịnị ịrẹyị ọnọnị nịnị? Ọnọrụ ọnya yà ịzọọ, ộ nyị ezi anọrụ ẹẹva. O ne tù ọnịpaapa, dị ọ kà a yọ ka: ‘Nọ ịnị ụbazị amị, dị ụ wa na mẹ̀ ụkọrọ ịzọọ ajịnị!’

Ezikẹẹrị 20:49

Ama, dị ọnị ka tee! Ẹnẹyịmavara Ananyị ụkata hu, aarịhịnị, asị ọ kà a ka ọnị ọ̀ na ka ẹngụ ịrẹyị ọnọnị de, ka aza vana vịdị aa kà a ka vị ọnịị sị avaba ịrẹyịị che ụhị nị.

Ijeremaya 2:21

Maa nyị ụ nịnị jẹẹ anka ọza ana sị uhu ịvayịnị ene hu kere-kere dị o chire tu irenyi avọọ. Ama wee re ịsị ụ kụkụ vị nịnị booro aanị? Vị ụ kụkụ sị mẹ nịnị anka ịvayịnị ana vụ, dị ẹ̀ yị nyị ịsị ọ kụkụ rụra mẹ avọọ nị.

Ayịsaya 7:23

Ịnị ụmẹ ọnọọ ịzị ọchị ana aā hị́ ịvayịnị akahị vịdị hi, dị ẹkẹhị tụ̀ ẹkẹhị enyusẹ-enyusẹ ẹnya ịrẹsụ ẹvarẹwụ, ikeyi-ikeyi kẹnẹ e kuku vee hi ịzọọ nị.

Iruuku 22:9

Dị ẹ họ̀ ọ ka, “Ịzị u sì ka ye ne tenyi ọọ tịtẹ?”

Imatiwu 13:3

Dị ọ sị ụhịrẹyị, dị aa sịị kà ịrẹyị ọrụrụ-ọrụrụ zụ̀ wa nị. Dị ọ ka, “Re, â nyị ọza ịnya aanị ene ne mi ịsa ọyịna.

Imatiwu 21:33

“Re wụ́ ụhịrẹyị ọsa nịnị! Â nyị adarehi ọnya aanị ana dà ụbazị, dị ọ họ̀ kara a nị. Dị ọ jị ụkọ ịzị a vaa yàa kwọrọ ẹtụtụ ọchị ene hi ịnị anị nị. Di o re hi ụta oserẹtẹ tụ́ ọọ nị. Di o si rere aza ẹnyị ka ọnị ọ̀ọ dọ wa ọtụrọsarẹsụ anị nị. Di o si hu aa hụrẹ eehi nị.

Imatiwu 21:34

Ịjị ụmẹ ẹtụtụ ee vee tù, dị ọ tụ́ ezi ahụ anị nọ ịda aza ẹnẹ ana a dà ẹtẹ yị, ka ẹ̀ na dọ ẹtụtụ anị vẹ nị.

Ịmaakị 3:23

Dị Ijeesu va hị́ wa nị, dị aa sị ụhịrẹyịị kà ịrẹyịị yị wa nị. Dị ọ ka, “Échu mẹmẹ zụ dụ echu jịnẹ?”

Ịmaakị 11:33

Agụvị avọọ dị ẹ kà a yị Ijeesu ka, “Yẹ yị yẹ.” Dị Ijeesu ọnị rẹ kà a yị wa ka, “Ẹ̀hẹẹ, ẹmị ẹ yị rẹ vaa kà a wụ nịnị ọda ọnị mị maanị aa sịị mẹ.”