Ịmaakị 1:8 - IWE ỌNỊNỊ

⁸ Ẹmị aa sị enyi mẹ ọyịhwenyii yị wụ nịnị, ama ọnị vị ana vaa sị Ụhwẹ Ọnịnị mẹ̀ ọyịhwọzenyi yị wụ nịnị.”

Ịmaakị 1:8 Referans Kwoze

Odeyi 1:5

Ịyẹẹyẹ, enyi obooro Ị́jọọnụụ̄ sịị mẹ ọyịhwenyii yị aza nị. Ama yị ẹwụ nịnị, ọ̀ọ na aa mẹ ẹkụhị chee, Ohomorihi vaa sị Ụhwẹ Ọnịnị hụụ wụ nịnị enyi.”

1 Anịkọrịntị 12:13

Yàa vị Aniju, yẹ̀ yị vị Aniju, yàa vị ọrịhị, yàa vị ozi; avaba ayị ọ sị vị ẹngụ ọnya, a mẹ̀ sị Ụhwẹ Ohomorihi mẹ̀ ọyịhwọzenyi yị. Ụhwẹ Ohomorihi ọnọọ ọnyọọnya ọ yà ịnị ayị avaba ayị nị.

Ijowẹrị 2:28

Ịnị ụmẹ ọdịrẹma, Ẹnẹyịmavara kà ọnị vaa sị Ụhwẹ anị yị avaba aza: dị ezi anọrụ ọnịrị ezi anẹẹ awụ nịnị aa ka ịsẹ; dị azọkụ awụ nịnị aa ra ụra, dị ezwọọmụha awụ nịnị ee re ẹtẹ.

Odeyi 10:45

Ô hí ọdọwụ Aniju nịnị ana saasa Ipita vẹ irenu ka Ohomorihi ộ sị Ụhwẹ Ọnịnị mẹ Anigiriki ẹyịza bẹẹ.

Odeyi 2:4

Dị Ụhwẹ Ọnịnị dọ ayị avaba ẹnịnị ene hi ịzọọ, dị ẹ kụkụ aa sị ẹkụra ọsaa kà ịrẹyị, anka Ụ́hwẹ Ọnịnị mẹ̀ sị ụkata yị wa nị.

Odeyi 2:17

Ọ kà Ohomorihi kà a ka, “Ịnị ụmẹ ọdịrẹma, ọnị vaa tụ́ Ụhwẹ Ọnịnị anịị ká avaba anẹhẹẹ vẹ. Ezi anọrụ ọnịrị ezi anẹẹ awụ nịnị vaa kà ịsẹ, ezwọọmụha awụ nịnị vee re ẹtẹ, azọkụ awụ nịnị vaa ra ụra.

Imatiwu 3:11

Ịzẹyịza, ẹmị aa sị enyi hụ́ wụ nịnị enyi ana sị zụ ka we reè ro ịnẹ varẹma nịnị. Ama áa nyị ọza anaa vẹ ịrẹma amị. Ọza ọnọọ ọ nyị ụkata huna amị nị. Mẹ yị hyakụ yà ọza ana á vọrọ ka ọ̀ kụ́ adava anị. Ọza ọnọọ vị ana vaa sị Ụhwẹ Ọnịnị beri ịraa hụ́ wụ nịnị enyi.

Ayịsaya 44:3

Ịzị enyi yaa kụ̀, mị vaa sị enyi wụ nịnị, dị mị mẹ ka okuha oo sì ịnị ẹtẹ ana wụ. Mị vaa mẹ ize yi ezi ewu nịnị.

Ayịsaya 32:15

Avọọ ọ mẹ̀ vaa yà pooro di Ohomorihi ọ̀ tụ́ ụhwẹ anị hụrẹ ẹbẹẹba vẹ dị ọ̀ va mẹ ka ẹtẹ ana vịdị tịtẹ paapara ọ̀ vara ẹtẹ ozoza. Ọ hyakụ vee zozaa huna ẹtẹ ene ozoza ẹtẹẹtẹrẹ dị ọọ̄ mẹ̀ ịsa.

Ụhịrẹyị 1:23

Sị ụtọ pe ohuvọ ọnị maa tụ wụ nịnị. Maa sị ịrẹyọyẹ pá wụ, dị wa yẹ ịrẹyị.

Ịmaakị 1:7

Ọ màa kà ịrẹyị Ohomorihi, dị ọ ka, “Â nyị ọza ịnya aanị ana vaa vẹ ị́rẹma amị. Ọza ọnọọ ọ nyị ụkata hu mi ẹtẹẹtẹrẹ nị. Mẹ yị hyakụ yà ọza ana vọrọ ka ò nyima dị ọ̀ ngwa adava hụụnị ahụ anị.

Ịmaakị 1:9

Ẹkụhị ọnya Ijeesu ộ hụrẹ ẹkụra Ịnazarẹtị ịnị ẹtẹ Igariri vẹ. Ịjọọnụ ộ mẹ̀ ọyịhwọzenyi yọ ini Okuha Ịjọdanị.

Iruuku 3:16

Agụvị avọọ dị Ịjọọnụ kà a yị avaba ẹnịnị ka, “Ịzẹyịza, ẹmị aa sị enyi mẹ̀ ọyịhwọzenyi yị wụ nịnị, ama â nyị ọza ịnya ana vaa vẹ ị́rẹma amị, ọza ọnọọ ọ nyị ụkata hu mi ẹtẹẹtẹrẹ nị. Mẹ yị hyakụ yà ọza ana a vọrọ ka ò nyima, dị ọ̀ ngwa adava hụụnị ahụ anị. Ọnị vị ana vaa sị Ụhwẹ Ọnịnị beri ịra hụ́ nịnị enyi

Ịjọọnụ 1:26

Dị Ịjọọnụ tụ́ wa ohi, dị ọ ka, “Ẹmị aa sị enyi mẹ ọyịhwenyii yị wụ nịnị; ama â nyị ọza ana yà ịnị akakana awụ nịnị, ọnị ụ wẹ̀ yị yẹ nịnị.

Ịjọọnụ 1:33

Mẹ yị vịdị yẹ ẹ, ama Ohomorihi ana tụ́ mị ka maa sị enyi mẹ ọyịhwenyii yị aza, ộ vịdị kà a mị ka, ‘Ọza oni u wèe re ka Ụhwẹ Ọnịnị ô chí vẹ, dị ọ va yà ịrẹsụ anị nị, ọza ọnọọ gẹdẹ-gẹdẹ ọ vaa sị Ụhwẹ Ọnịnị hụ̀ aza mẹ enyi nị.’