Ịmaakị 1:5 - IWE ỌNỊNỊ

⁵ Dị avaba Anijudiya nịnị ẹnịrị Anijerusarẹmị nịnị aa nọ ịzị Ịjọọnụ yà nị. Ẹ màa dọ irenu ịvị ẹnịnị, dị Ịjọọnụ aa mẹ ọyịhwenyii yị wa ini Okuha Ịjọdanị nị.

Ịmaakị 1:5 Referans Kwoze

Odeyi 19:18

Aza ọrụrụ-ọrụrụ ana sị dọ wụ́, ệ vẹ, dị ẹ va dọ irenu, dị ẹyaa sịị zụ̀ ịsa ẹnẹ ẹ vịdị mẹ nị.

Odeyi 2:38

Dị Ipita kà a yị wa ka: “Ro ịnẹ, varẹma hụụnị ebira odivi awụ nịnị, dị à mẹ̀ ọyịhwọzenyi yị ọzịnya-ọzịnya awụ nịnị ịnị ịrẹha Ijeesu Ikirisiti, dị Ohomorihi ọ̀ vagu wu ịnị ịvị awụ nịnị, dị ọ̀ rẹ sị Ụhwẹ Ọnịnị mẹ wụ nịnị ẹyịza.

Ịjọọnụ 3:23

Dị Ịjọọnụ yà ẹkụra ana aā hị́ Enoni, ọgụrị ịzị aā hị́ Isarimi nị. Enyi ộ rụrụ tụ́ ịzọọ, dị aza ve tù Ịjọọnụ ịzọọ, dị ọ mẹ̀ ọyịhwọzenyi yị wa nị.

Ịjọọnụ 1:28

Avaba ịsa ẹnẹnị vị ana mẹ ẹkụra Ịbẹtanị, ana yà akẹnẹ Okuha Ịjọdanị ịzị Ịjọọnụ yà aa mẹ ọyịhwenyii yị aza.

Imatiwu 4:25

Dị ọkọnị aza wara hụrẹ ẹkụra ẹnẹnị vẹ, dị ẹ yaa dụ ọọ ịrẹma nị: Igariri ọnịrị Idekapori beri Ijerusarẹmị ne beri Ijudiya ọnịrị akẹnẹ Ijodani.

Ụhịrẹyị 28:13

Ẹ yị ve zoza yị ọza anaa jị oku ku ịvị anị, ama ọza anaa dọ irenu ịvị anị dị ọ va hụụnị anị, vị ọnị Ẹnẹyịmavaraā vayị anị.

Ahẹ Ụgama 32:5

Di mi ve nyima dị maa kụ́ irenu amị nị ka mâ rị ịvị mẹ yị kụkụ dà ịvị amị ọnyọọnyị tẹ Ẹnẹyịmavara, mị ka maa dọ irenuu wụ ka mâ rị ịvị M mẹ̀ vavọọ dọ irenu, dị ụ vagu mị ịnị ịvị ọnị mị rị nị.

Ijosuwa 7:19

Dị Ijosuwa kà a, “Ozi emi, ka ịzẹyịza ịzẹnị ọvịdị Ẹnẹyịmavara ana vị Ohomorihi Anisirẹrị nịnị. Ka irenu awụ kà a mị booro anị ịsị ụ mẹ̀. Asị ụ da a gu.”

Ịmaakị 1:4

Ịjọọnụ ọhwọzenyi ọ vavẹ, ộ nọ ịnị ụnọmị, dị aa kà ịrẹyị Ohomorihi yị aza nị, dị ọ ka, “Ro ịnẹ varẹma hụụnị ebira odivi awụ nịnị, dị ma mẹ̀ ọyịhwọzenyi yị wụ nịnị, dị Ohomorihi ọ̀ vagu wu ịnị ịvị awụ nịnị!”

Ịmaakị 1:6

Ịjọọnụ ô chire awuru anaa sị ẹyị ịnyaakụmị hí ịta anị. Dị ọ rẹ sị ịtụmpaha mẹ ụbaja ọnị ọ sị sụ́ ọtẹ nị. Akụvarịva ọnịrị ẹhụ ọ vị ịsọyịrị anị nị.

Ịjọọnụ 5:35

Ịjọọnụ vị ana sị mẹẹ anka ozotupa ana aa zẹtẹ chanyị-chanyị. Ịnị ụmẹ chee, wâ vịdị nyị inohine tụ́ ini ẹtohweyi anị nịnị.

Ijemiisi 5:16

Agụvị avọọ, dọ irenu ịvị awụ yị ẹngụ nịnị, dị ụ wa rẹ mẹ̀ aduwaa yị ẹngụ nịnị, agụvị Ohomorihi ọ̀ mẹ wụ nịnị ụkụ. Aduwa ọnịrẹyịzẹyịza ọ zụ mẹ ka ịsa ẹbanyị-ẹbanyị ẹ̀ mẹ.