Ịmaakị 1:11 - IWE ỌNỊNỊ

¹¹ Dị ọngwẹ ọnya hụrẹ ẹbẹẹba vẹ ka, “Ẹwa vị Ozi emi oni mi sì ịrẹyị anị nị, ịnẹ amị ô hine tù wu ẹtẹẹtẹrẹ.”

Ịmaakị 1:11 Referans Kwoze

Ayịsaya 42:1

Ẹnẹyịmavara kà; “Ozi ahụ amị yị, Ẹma sị ụkata yọ nị. Ma sị ọ nyị̀, ayị amị ô hine tù ọ. Ma raà sị ụhwẹ amịị yọ; Ọ vaa mẹ̀ ebira ana vọrọọ hi avaba anẹhẹ.

Ịmaakị 9:7

Dị eguhi ọnya aanị dà và kú wa nị. Dị ọngwẹ ọnya hụụnị eguhi ọnọọ vẹ ka, “Ozi emi oni mi sì ịrẹyị anị yị, waa wụ́ ịrẹyị anị nịnị!”

Imatiwu 3:17

Re, dị ọngwẹ ọnya hụrị ẹbẹẹba vẹ ka, “Ozi emi oni mi sì ịrẹyị anị yị, ịnẹ amị ô hine tù ọ ẹtẹẹtẹrẹ”.

Ahẹ Ụgama 2:7

Dị ọza ọnị ọ sị rị ohinọyị ka, ọnị vaa kà a yị avaba aza ọda ẹnị Ẹnẹyịmavara mẹ. Ẹnẹyịmavara ộ hị́ ohinọyị dị ọ ka Ẹwa vị ozi emi nị, ajịnị mị ma wụ nị.

Anikorasi 1:13

Ohomorihi ộ dọ yị hụụnị ụkata ịrahụ, ọ raà sị yị va ngụ ịzị Ozi anị oni o sì ịrẹyị anị yà aa mẹ ịjọva.

Aniroomi 1:4

Ama ini oze ka Ohomorihi ộ ha a hụụnị isu, ọnọọ ộ sị zụ̀ ka ịdị Ohomorihi ọ hụrẹ vẹ nị, ọnịrị ka Ozi Ohomorihi ọnị ọ sị avaba ụkata yị ọ vị nị.

Ịjọọnụ 3:16

Ohomorihi ộ vavọọ sì ịrẹyị anẹhẹ pooro, ne tù ka ộ sị Ozi anị ikonya gene-gene yị anẹhẹ; ka ọza tụra ọza ana àa sị ayị tụra a, asị o kuku vu ẹtẹ, ama dị ọ̀ zụ yára ị́da Ohomorihi pooro zịna-zịna.

Ịjọọnụ 5:37

“Ada amị ụvọta ana tụ́ mị vẹ ẹhẹ ọnị ọ rẹ dọ ivenu tụ́ ịnị ịrẹyị amị. Wẹẹ̀ yị wụ́ ọngwẹ anị nịnị da, weè yi re re e nịnị, ọ mẹmẹ yà.

Ịjọọnụ 1:34

Ma si oo re, mâ dọ ivenu tụ́ ọọ ka ọnị ọ vị Ozi Ohomorihi nị.”

Iruuku 9:35

Dị ọngwẹ ọnya hụụnị eguhi ọnọọ vẹ ka, “Ozi emi oni mi sì ịrẹyị anị yị, waa wụ́ ịrẹyị anị nịnị!”

Imatiwu 17:5

Ọ màa yịị kà ịrẹyị, re, dị eguhi ọnya aanị ana aa zẹtẹ, wụsẹ dà và kú wa nị. Re, dị ọngwẹ ọnya hụụnị eguhi ọnọọ vẹ ka, “Ozi emi oni mi sì ịrẹyị anị yị, ịnẹ amị ô hine tù ọọ ẹtẹẹtẹrẹ, waa wụ́ ịrẹyị anị nịnị!”

Ịjọọnụ 6:69

Ya sị dọ wụ́, ya rẹ sị yẹ ka ẹwa vị Ọza Ọnịnị Ohomorihi nị.”

Imatiwu 12:18

“Ọnịtụ amị ọnị mị nyị yị. Mée sì ịrẹyị anị, ayị amị ô hine tù ọ. Mị vaa mẹ ka Ụhwẹ Ọnịnị amị ọ̀ dọ avaba ayị anị. Ọ vaa naa nọọ yị anẹhẹ ka mị vaa mẹ̀ ọkarẹyị yị wa.

Ịmaakị 1:10

Íjeesu mẹ̀ yị jịnẹ hụụnị enyi vẹ kẹnẹ, di o re ka ihinẹba aa naa hi ẹtẹ, dị Ụhwẹ Ọnịnị ee chí vẹ anka arivadi avọọ, di o ve kú ọọ nị.

Iruuku 3:22

Dị Ụhwẹ Ọnịnị chí vẹ anka arivadi avọọ, dị ọ và kú ọọ nị. Dị ọngwẹ ọnya hụrẹ ẹbẹẹba vẹ ka, “Ẹwa vị Ozi emi oni mi sì ịrẹyị anị nị, ịnẹ amị ô hine tù wu ẹtẹẹtẹrẹ.”