Ijudi 1:8 - IWE ỌNỊNỊ

⁸ Anka aza edivi ịyẹẹyẹ ẹnẹẹ, aza ẹnẹnị ệ kwẹẹtẹ, dị ẹ ka vị́ ẹnị ee re ẹtẹ, di eyee du ẹngụ ẹnịnịị ha nị. Ẹnịnị ẹ́ yị ma jẹẹ pe ọda ọnyọọnyị ana àa mẹ, dị ẹyaa mẹ anggẹẹrị nịnị isiya.

Ijudi 1:8 Referans Kwoze

Anihiburu 13:17

Waa wụ́ ịrẹyị chire ọdọvịdị awụ nịnị, dị ụ wa ká ịrẹsụ hi yị wa nịnị! Wáa yẹ ka ẹnị e sị eyi pe ụhwẹ awụ nịnị nị, agụvị ka ẹnịnị vaa kà enube ụkọrọ ẹnịnị. Waa wụ́ ịrẹyị ẹnịnị, agụvị ayị ẹnịnị è zụ hine ịnị ụkọrọ ẹnịnị. Wẹ̀ yị vavọọ mẹ, ayị ẹnịnị e zụ du, ọnọọ ọ́ yị zụ mẹ ọgụvọ wụ nịnị.

1Ipita 2:17

Sị ụbanyị yị avaba aza. Sì ịrẹyị ọdọwụ anda awụ nịnị. We yii hí angwa Ohomorihi nịnị. Sị ụbanyị yị ohirẹsụ ẹkụra nịnị.

1 Itimoti 1:10

Ọ rẹ mẹ ọda agụvị enebira ịdọtị ọnịrị onireche beri aza anaā dọ ivenu ireche, ọnịrị aza anaā mẹ̀ ịsa ana vọ ana jị ịrẹyị Ohomorihi ana a raà sị zụ̀ wụ nịnị nyee.

Odeyi 23:5

Dị Ịpọọrụ ka, “Ẹwụ nịnị ẹyịnyara amị, mẹyị yẹ ka ohirẹsụ ọbanyị irehi Ohomorihii yọ nị. Iwe Ohomorihi ộ kà a ka: Asị ụ kà ịrẹyị odivi hi ọdọvịdị anda awụ nịnị.”

Ịrẹyị Ọzwọzịsa 10:20

Asị ụ ne were kụ ohinọyị ụhụ tụ ịnị ịnẹ, asị ụ yà aha ọyị sụ awụ kụ ọza ọbanyị ụhụ, agụvị ka avị ọọ nyị ụtọ.

Ọyịkụra 22:28

Wẹ yị nyayịnẹ kụ Ohomorihi ụhụ. Wẹ yị nyayịnẹ kụ ọdọvịdị awụ nịnị ụhụ.

1 Anịkọrịntị 3:17

Ọza ene èe du irehi Ohomorihi ẹngụ, vị Ohomorihi aa wụ̀ ọza ọnọọ nị. Irehi Ohomorihi vị ọnịnị, ẹwụ nịnị ọ vị irehi anị ọnọọ nị.

1 Anịtẹsaronika 4:8

Ọza ana àa sị eyi wụ́ ịrẹyị ọnọnị, ayị vị ọza, ọ sị eyi wụ; Ohomorihi ana sị Ụhwẹ Ọnịnị yị wụ nịnị, ọ́za ọnọọ sị eyi wụ nị.

Odeyi 7:39

“Ada ayị nịnị ẹ yị zẹẹ ka ẹnị ẹ̀ wụ́ ịrẹyị anị, dị ẹ tụ́ ọọ ụvọ hụụ ịdị ẹnịnị, dị ẹ raà sị ayị ẹnịnị varẹma nọ Ijipiti nị.

Odeyi 7:27

Di ene sì ịrẹyị aanị tụ́ ọ ụvọ kwooze, dị ọ ka ẹnẹ sị ọọ mẹ ohinọyị ọnịrị ọmọkarẹyị ẹnịnị?

Iruuku 19:14

“Anẹkụra anị ệ nyị ịhyẹrẹ anị, dị ẹ tụ́ aza saasa a ka ẹ̀ kà a ka eni e yi sì ka ọ̀ vị ohinọyị ẹnịnị nị.

Ụhịrẹyị 30:17

Ozi anaā sịị ada anị ọnịrị ọnyị anị mẹ̀ enyinyi, dị ẹ yị wụ́ ịrẹyị ọnyị anị vị ana vaa vị oku ụ̀ba.

Ụhịrẹyị 30:11

Aa nyị aza ẹnyị anaā kụ̀ ada ẹnịnị ụhụ. Avọọ ẹ mẹ rẹẹ̀ ka chire ọnyị ẹnịnị nị.

Ịrịka 16:3

Dị ẹnịnị vabẹ va eyi ka Imosiisi ọnịrị Eerọnị. Dị ẹ ka Imosiisi ọnịrị Eerọnị è ro ka ẹnị hụụnị aza ana vọ nị. Avaba ẹnịnị Anisirẹrị vị aza Ẹnẹyịmavara, dị ọ rẹ ya pe ẹnị nị. Sị ẹ zụ mẹ ka Imosiisi ọnịrị Eerọnị ẹẹ sị eyi wụ̀ aza ana vọ?

Oyinyima 3:5

Ọ kà agụvị ka Ohomorihi ộ yẹ ka ẹ̀ẹ rị ọ vi eyi ẹnịnị ee hweyi nị, dị ẹ kụkụ yà anka Ohomorihi mẹ̀ yà. Ọ kà dị ẹ sị ịsa ozoza ọnịrị ịsa odivi yẹ.

Iruuku 12:11

Ịhị àa za wụ nịnị nọ ini irehi Ohomorihi, àa vị ini ikootu, àa vị ịdị aza ana nyị ọda, asị u ne ro o nịnị ka u mè vee tụ́ ohi, à vị ka sị ụ vaa kà kẹ!

Iruuku 11:25

Ịjị ọ vẹ, di o ve tù ka a si oo hì, a sị avaba anị tenyi nị.