Ijowẹrị 3:9 - IWE ỌNỊNỊ

⁹ Ẹ nọ̀ọ yị anẹkụra ọzọza; Di e tenyi ẹngụ ịrẹkụ. Ẹ hị́ ọkụrẹkụ nịnị, dị avaba isoja ẹnịnị ẹ gụ aha ọnya dị ẹ kwẹẹtẹ nọ ịrẹkụ.

Ijowẹrị 3:9 Referans Kwoze

Ezikẹẹrị 38:7

Ọ kà ọnị ọ̀ kà a yị ọ ka ò tenyi ẹngụ anị, dị ò kà a yị isoja anị nịnị ka è tenyi ẹngụ tịtẹ.

Ijeremaya 31:10

Ẹwụ nịnị anẹkụra ọ̀ wụ́ ịrẹyị Ẹnẹyịmavara dị wa nọ̀ ọ yị anẹkụra ene hi utenyi ẹnẹẹnẹ. Ẹnẹyịmavara ana gara Anisirẹrị hi rẹ vaa kụ wa gụ dị ee sere wa anka oseratẹmẹ mee sere ịsụpa anị avọọ.

Imika 3:5

Ẹnẹyịmavara kà ọnịsẹ nịnị ẹ sị aza anị vene. Ọza ana sị ịsa yị wa, ẹ́ẹ̄ kà a ka o vee zee yi nị. Ọza ẹnẹ ẹ̀ yị sị ịsa yị na, dị ẹ ka Ohomorihi ọ yị vaa zẹẹ ka ò zee yị wa.

Ijeremaya 50:2

Ọ kà, ọnị ọ̀ na ka enube ọnọnị yị ẹkụra-ẹkụra, ọnị ọ̀ nọ̀ọ enube ọnọnị o. Ọ kà ọnị ọ̀ sị asịyẹ jẹẹ dị ọnị ọ̀ nọ̀ọ enube ọnọnị. Asị ọnị sị tẹ̀ vụrụ-vụrụ. Ịbabịrọnị ọ sị sẹ ẹdụ ọ! Asị ori ẹnịnị ana aā hị́ Imaduki gara ha. Asị ụhị mẹ nyị ori Anibabironi nịnị. Asị ịsị ẹnẹ ẹ́ bẹ vene ịsị irenyi-irenyi hi ẹtẹ chaka va ha.

Ayịsaya 34:1

Ẹwụ nịnị avaba anẹhẹ, vẹ dị wa va wụ́ ịrẹyị nịnị. Avaba ẹhẹ ọnịrị avaba ịsị e hi ịnị anị ẹ̀ batọ dị ẹ̀ wụ́ ịrẹyị.

Ahẹ Ụgama 96:10

Waa kà a yị aza nịnị ka Ẹnẹyịmavara ọ vị ohinọyị nị. Ọ raà sị ẹhẹ jẹẹ nganganga, o yi zụ henyi Àa mẹ̀ ọkarẹyị aza, ọ yị vaa mẹ eyida.

Ijeremaya 6:4

Ẹnịnị vaa kà a ka, è tenyi ẹngụ dị ẹnị ẹ kụ ịrẹkụ ne tu Ijerusarẹmị ọọdụ. Ama dị ẹ ka ụmẹ ọ sị para hu, ẹtẹ ọ sị nyima ee hozi.

Ijeremaya 51:11

Ẹnẹyịmavara ọ na raa hị́ ẹnị ohinọyị Animediya nịnị, agụvị ka ee si ka ọnị ò vu Ịbabịrọnị ẹtẹ. Avọọ Ẹnẹyịmavara mẹmẹ vaa mẹẹ họ̀ oponu irehi anị ọnị ẹnịnị du ha nị. Ọdọvịdị isoja anaa vẹ wa ịrẹkụ ka, ọzọza ọ sị ọpa anị dị ò nee. Ọzọza ọ̀ sị ogonto anị rị ụvọ o.

Ijeremaya 51:27

Mẹ ịsị a vaa sịị yẹ ịrẹkụ o si tu. Hú ọpanyị ịrẹkụ dị ẹkụra-ẹkụra ẹ̀ wụ ọ. Kà a ka ẹkụra-ẹkụra o tenyi ẹngụ ịrẹkụ tu Ịbabịrọnị. Hị́ ohinọyị ẹtẹ Ararati, Imini ọnịrị Asikenazi nịnị ka, ẹnịnị ẹ̀ kwẹẹtẹ tụ ọ. Nyị ọdọvịdị ana vaa kụ wa nọ ịrẹkụ ọnọọ. Ẹnẹyịmavara kà, à kụ vaa kụ wa nọ ịrẹkụ ọnọọ. Ẹnẹyịmavara kà, à kụ umaata gigirigi anka ọkọnị akụvarịvaa avọọ.

Ezikẹẹrị 38:17

Ẹnẹyịmavara Ochẹtẹẹngụ ka, ẹwụ ọnị aa kà ịrẹyị anị hụrị ụmọrụmọ nị. Ụmẹ avọọ ọnị tụ ezi ahụ anị, ọnịsẹ Anisirẹrị nịnị ka ẹ̀ kà a ka, ẹkụhị aa vẹ, ọnị ọnị vaa tụ ọza-ịnya ka ọ̀ kwẹẹtẹ tu Anisirẹrị nịnị nị.

Ịhagayị 2:7

Ọ kà ọnị vee ziizi avaba ẹkụra, dị ọnị kụ́ ogu ẹnịnị ve hi ini irehi anị, di ịzọọ hí yị ogu ẹnẹẹ.

Ịzakaraya 14:2

Ẹnẹyịmavara vaa kụ́ anẹkụra ana vọ vabẹ, dị ẹ gẹ ịrẹkụ tu Ijerusarẹmị. Dị ẹ rị ẹkụra ọnọọ, dị kụ́ avaba ogu ẹnịnị, dị ẹ sị ụkata-ụkata pe ese ẹnịnị sụ̀. Achẹva aza ene hi Ijerusarẹmị vị ana vaa za ọrịhị na ẹkụra ọsa, dị a navọ ẹnị ana vọ hi ịzọọ.

Ịzakaraya 14:3

Ẹnẹyịmavara vaa va eyi ịrẹkụ ka avaba anẹkụra ẹnẹẹ anka ộ vịdị mẹ̀ ẹ avọọ.