Ijowẹrị 3:21 - IWE ỌNỊNỊ

²¹ Ẹnẹyịmavara kà ọnị ya ịrẹsụ ataba Ịzayọnị, ọnị vaa họ̀ oponu ịrẹyị aza anị ana a wụ̀ kẹnẹ-kẹnẹ. Ọnị vaa dọ ịrẹvụ ẹnịnị vụ.

Ijowẹrị 3:21 Referans Kwoze

Ẹtore 21:3

Dị mị wụ́ ọngwẹ ọbanyị ọnya hụrẹ ẹbẹẹba vẹ, dị ọ ka, “Re! Irehi Ohomorihi yàrị aza. Ohomorihi yàrị aza. Ohomorihi vaa raa pe wa, dị ẹ vị aza anị. Dị Ohomorihi ọnị ụvọta yà ịda ẹnịnị, dị ọ vị Ohomorihi ẹnịnị.

Ezikẹẹrị 36:25

Ọnị vee che enyi ana nịị sẹ ẹwụ nịnị ẹngụ, dị ọnị nyee avaba ịdọtị ori awụ nịnị kwooze. Ọnị re vee nyee avaba ịsa ana vọ ene du wu nịnị ẹngụ kwooze.

Ayịsaya 4:4

Ananyị yị vaa nyịna avaba ebira odivi ana yà ịnị ẹhẹ anẹẹ Anịzayọnị. Ọkarẹyị ịrịịra ọnị ọ vaa mẹẹ yị wa ọ vavọọ vaa sị nyịna Anijerusarẹmị hụụnị ịvị aza ẹnẹ sị wụ nị.

Ezikẹẹrị 36:29

Ọnị vaa dọ wụ nịnị ha hụụnị avaba ịsa enee du wu nịnị ẹngụ. Ọnị vaa mẹ ọda ka akụ ọ̀ mẹ va gwẹtẹ, agụvị asị ụngwẹ kụkụ vana kụ̀ wụ nịnị.

Ezikẹẹrị 48:35

Ụgọdọ avaba ọvọ ana a tụra kara Ijerusarẹmị vị okuvọ akahị-akahị oze ịhịịna. Hụrị ọyaanị na, ịrẹha ẹkụra ọbanyị ọnọnị á vanaa hị́ Ẹnẹyịmavara ya ịzẹnị nị.

Ijowẹrị 3:17

Isirẹrị vaa yẹ ka ọnị Ẹnẹyịmavara ọ vi Ohomorihi ẹnịnị nị. Ọnị ọ ra Ịzayọnị ataba ọnịnị anị nị. Ijerusarẹmị vaa vị ẹkụra ọtụrenyi, enyisi ọ vị ka isoja anẹkụra ọsa nịnị ẹ rị ọ nị.

Imatiwu 27:25

Dị avaba ẹnịnị tụ́ ohi, dị ẹ ka, “Naavọ, ịvị isu anị ọ̀ọ yà ịnị ịrẹsụ ayị ọnịrị ịrẹsụ ezi eyi!”

Ijowẹrị 2:27

Ọ kà Isirẹrị vaa yẹ ka ọnị jẹẹ wa ịrẹma. Ọnị ọ vị Ẹnẹyịmavara ana vị Ohomorihi ẹnịnị nị. Ẹ yị nyị ịsa ọsa. Ọza ẹ yị kụkụ vaa sị eyi wụ̀ ẹwụnị aza anị.