Ijowẹrị 3:19 - IWE ỌNỊNỊ

¹⁹ Ẹkụra Ijipiti ọnịrị Edomi vaa tụ́ osusu, dị ẹ jị eburu agụvị ka ẹnịnị ệ kụ ịrẹkụ tu Anijuda, dị ẹ wụ̀ aza va ha kẹnẹ-kẹnẹ nị.

Ijowẹrị 3:19 Referans Kwoze

Ijeremaya 51:35

Jẹẹ avaba Anịzayọnị ẹẹ kà a ka, Ohomorihi ọ̀ họ̀ oponu avaba ụya ana sị rị ẹnị Ịbabịrọnị, jẹẹ avaba Anijerusarẹmị nịnị ẹẹ kà a ka, Ohomorihi ò họ̀ oponu avaba aza ẹnịnị ana a wụ Ịbabịrọnị.

2 Anịtẹsaronika 1:6

Ohomorihi vị anaā mẹ̀ ịsa ana vọrọ: Ọ vaa sị ụyaa rị aza ana aa sị ụyaa rị wụ nịnị.

Ịzakaraya 10:10

Ọnị vaa kụ wa varẹma hụrẹ Ijipiti ọnịrị Asiriya. Ọnị vaa kụ́ vee hi Anigiriyadi ọnịrị Ịrẹbanọnị dị aha ọ yị dọ wa.

Ọbadaya 1:1

 nyị ọnọrụ ọnyara aanị ọnị ịrẹha rị Ọbadaya. Ẹnẹyịmavara Ochẹtẹẹngụ ộ sị ịsa ene vee tu anẹkụra Edomi zụ ọ. Anedomi nịnị ẹ̀ raà wụ́ enube ọnọọ hụụnị ụvọ Ẹnẹyịmavara, dị ọnụtụ anị rẹ raà kà a yị anẹkụra nịnị ana vọ nị. Ẹnẹyịmavara kà anẹkụra ẹnẹẹ è tenyi ẹngụ, dị ẹ gẹ ịrẹkụ tù Anedomi nịnị.

Arụwẹ 4:21

Ẹwụ nịnị Anedomi ọnịrị Anuzi waa jẹ ịrajẹ, dị waa mẹrị nịnị booro aanị. Ama yẹ́ ka ụyọrị awụ nịnị aa vẹ ịsọnsọọnị. U vee hu ụya anka eche dị aa mẹrị wụ, dị ụ tụ ẹngụ awụ ahwaahụ.

Ijeremaya 49:17

Ẹnẹyịmavara kà e vee vú Edomi ẹtẹ divi-divi ana ahịka avaba aza anaa parahu dị e re e nị, ọ vaa za waa zizi, dị angwa ee hí wa.

Ayịsaya 11:15

Ẹnẹyịmavara vaa mẹ ka enyi ini okuha Ijipiti ẹ̀ wụ. Dị ọ rẹ tụ́ ahị ịrịịra kú Okuha Iyuhwireti. Dị ọ ha a hi oze ịhịmba. Aza ẹ yị hyakụ kụkụ aa tụ̀ adava dị ẹ̀ jịnẹ wa.

Ahẹ Ụgama 137:7

Ẹnẹyịmavara, tamayị ebira anị Anedomi mẹ ịhị ịrẹkụ va rị Anijerusarẹmị. Ẹnịnị vi ene ee nowu dị ẹ ka à maanị chaka Ijerusarẹmị za ẹtẹ nẹrẹ-nẹrẹ.

Ayịsaya 11:14

Ẹnịnị kụkụ vaa vaa bẹ dị ẹ baku Anihwirisiti. Di e nyima hụrẹ eyi ọnị ọyịị̄ zị naa ngụ ẹtẹ, dị ẹ vavọọ chaka wa na ngụ eyi ọnị ọyịị̄ zịị hụrẹ. Ẹ rẹ vaa kụ́ ịrẹkụ naa rị Anedomi ọnịrị Animowabi. Dị Anamọnị kụkụ vị ọrịhị ẹnịnị.

Ihabaku 2:17

Avaba ẹngụkata ọnị ọ kụ́ tu aza vee tu ọ. Ọnị ọ sẹ́ iruku Ịrẹbanọnị va ha nị, dị ọ wụ́ uye ịnị iruku ẹnẹẹ va ha. Uye vee chire e angwa. Ẹnịnị ẹ̀ yị vaa nyị ẹngwọọrọ agụvị ẹngụkata oni e ku tu aza, dị ẹ wụ́ aza va ha, dị ẹ rẹ dụ ẹkụra ha.