Ijowẹrị 3:18 - IWE ỌNỊNỊ

¹⁸ Ịnị ụmẹ ọnọọ ụbazị ịvayịnị ene hi ịrẹsụ ataba vaa mẹ̀ ẹtẹẹtẹrẹ, dị eche ịvayịnị gwẹẹtẹ hi ẹtẹ. Ịsụpa nịnị vee re avị rị ịrẹsụ ataba, dị ịrẹva ẹnịnị nyị enyi hyọkọ-hyọkọ. Avaba okuha ene hi Ijuda vaa ha irenu, di enyi ee sii hụụnị ịnị irehi Ohomorihi na ngụ inozi Ákesiya.

Ijowẹrị 3:18 Referans Kwoze

Ịzakaraya 14:8

Ịhị ọnọọ ẹnyị vee si hụrẹ Ijerusarẹmị, dị achẹva anị aa nọ Irehu Anọ, dị ọsa aa nọ Irehu Imeditareniya Avọọ o me vee si ịnị ị̀rẹ̀sụ̀ ọnịrị ọhahị pooro nị.

Ayịsaya 35:6

Oswahụ nịnị vaa kwẹẹtẹ di e yee ji iriga anka ẹdọ avọọ, di ogurenu nịnị ee nowu ẹ màa jẹ ịrajẹ. Orosi nini vaa ha irenu ịnị ụnọmị ọpaapara di enyi ee si.

Ayịsaya 30:25

Wâ yẹ irehi oni isoja ana vị ọnịvị awụ nịnị dà ẹnị ẹ tẹ̀ hi ịnị anị. Ẹkụhị ọnya aa vẹ ẹnị ịrẹkụ vaa rị irehi ọnọọ. A vaa wụ̀ aza ịhị ọnọọ ẹtẹẹtẹrẹ. Ịhị ọnọọ, enyi vị ana vaa tụ̀ụ hụrẹ iruvo avaba atabaa vẹ.

Ịrịka 25:1

Ụmẹ ọnị Anisirẹrị nịnị sị ya Isitimi, dị anọrụ ẹnịnị nyima ee pe anyẹnẹẹ Animowabi nịnị sụ̀ nị.

Ahẹ Ụgama 46:4

 nyị okuha ọnya aanị, enyi anị vị ana aā mẹ ka aza ene hi ịnị ẹkụra Ohomorihi ẹ̀ẹ jẹ Ẹkụra ọnọọ vị oni Ohomorihi sị yị ẹngụ anị, dị ahịka ịzọọ ọ ra nị.

Ijoovu 29:6

Dị ịrẹva imaaru ọnịrị ẹvụ anị aa va hyọrọ-hyọrọ, dị ọchị orivi anị ene hi ini ataba aa mẹ ẹtẹẹrẹ nị.

Ọyịkụra 3:8

Ọ kà ọnị o reè chi vẹ ka ọnị ọ vaa dọ waa ha hụụnị ụvọ Anijipiti nịnị. Ọ kà ọnị aa kụ́ waa hụụnị ẹtẹ ọnọọ dị ọnị ọ̀ kụ́ wa nọ ịnị ẹtẹ Ikanaani. Ẹtẹ Ikanaani ô zoza ẹtẹẹtẹrẹ. Ộ nyị avị ana vọrọ ka ịsụpa ẹ̀ rị, avọọ ọ mẹ̀ rẹ zụ mẹ̀ ịsa nị. Aza ana vịdị ra hi Ikanaani ẹ vị Anihiti, Anamọrị, Aniperizi ọnịrị Anihivi ne beri Anijebusi.

Imika 6:5

Aza amị, wẹ yị tamayị ịrẹyị Ịbarakị ohinọyị Imowabi ana sị vụrị ka e chi hi wu nịnị. Ama dị Ịbaraamị ozi Ịbẹyọ mẹ̀ aduwa ọyịza yị wụ nịnị. Tamayị ụ mẹmẹ zị ụsẹ hụrẹ Isitimi na ngụ Igirigari, Ọnị ẹmị Ẹnẹyịmavara mẹ̀ avaba ịsa ọnị mị zụ mẹ dị wa yẹ ụkọrọ ẹdọha ọbanyị-ọbanyị ana sị ịzẹyịza amị zụ.”

Ayịsaya 44:3

Ịzị enyi yaa kụ̀, mị vaa sị enyi wụ nịnị, dị mị mẹ ka okuha oo sì ịnị ẹtẹ ana wụ. Mị vaa mẹ ize yi ezi ewu nịnị.

Ayịsaya 45:8

Ẹnẹyịmavara kà ọnị vaa tụ ehuna hụrị ẹbẹẹba chi vẹ, dị ẹtẹ ọ dọ ọ. Ẹdọha ọnịrị ịzẹyịza vaa kwẹẹtẹ. Ẹnẹyịmavara kà ọnị vaa mẹ avaba ịsa ẹnẹnị ẹ mẹ.

Ayịsaya 55:1

Ẹnẹyịmavara kà, avaba ẹwụ nịnị oni onyi aa kụ̀, wa vẹ nịnị. Enyi yị! Ẹwụ nịnị ẹnẹ ẹ̀ yị nyị ẹkẹhị, wa vẹ. Vá hị́ apaapa dị ụ wa rị ọ. Vá hị́ eche ọnịrị ịrẹva ụnọ ọọhẹ nịnị.

Ayịsaya 66:11

Vee hine ayị ka aa ka tụ ọvịdị anka ozi ene hu ịrẹva ọnyị anị.

Ijeremaya 31:12

Ẹnịnị vaa vẹ, dị ẹ jẹ ịrẹsụ dị ẹyaa jị ahẹ boro-boro. E vee hine ayị agụvị ịsọyịza ẹnẹ Ẹnẹyịmavara mẹ yị wa. E vee hine ayị agụvị ịsọyịrị, eche, ọnịrị angwẹ beri ịsụpa ọnị ọ vaa sịị yị wa. Ẹnịnị vị ana vaa yà anka ụbazị ana a da enyi hi avọọ. Ẹnịnị é yi me vene re ayodu.