Ijowẹrị 3:14 - IWE ỌNỊNỊ

¹⁴ Ọkọnị aza ẹ̀ẹ na sị gụ hi inozi ọkarẹyị ọnọọ Ịzọọ ọnọọ, ụmẹ ọnị Ẹnẹyịmavara vaa mẹ̀ ọkarẹyị aa gụrị ẹtẹ nị.

Ijowẹrị 3:14 Referans Kwoze

Anihwiripi 3:2

Sị eyi pe ẹngụ awụ nịnị agụvị aza edivi ana aa mẹ̀ ebira anka irezi avọọ. Ẹ́nịnị maà mẹ̀ ụkọrọ Ohomorihi, ẹ ka ẹ̀ yị vị ọza dà ẹngụ anị, eyi ọ yị yà.

Ijowẹrị 3:2

Ọnị vaa kụ́ avaba anẹkụra nịnị gụ́ ịnozi Ijehosahwati ịzị ọnị vaa họ̀ oponu. Ọnị vaa sị ụya rị wa agụvị ịsị ẹ mẹ̀ aza anị. Ệ dụ aza anị Anisirẹrị ne hi ẹkụra ọsa, dị ẹ ga ẹtẹ ẹnịnị hị́ ẹngụ ụvọ nị.

2Ipita 3:7

Ẹbẹẹba ọnịrị ẹhẹ ana yà booro aanị, ịrẹyị Ohomorihi ó re si tenyi ọ tịtẹ ka ọnị ọ̀ va sị ịra vú ọ ẹtẹ nị. Ô tenyi ọ tịtẹ ne tù ẹkụhị ọnị ọ vaa mẹ̀ ọkarẹyị yị aza edivi, di ò vú wa ẹtẹ.

Ijowẹrị 2:1

Ẹnẹyịmavara kà e hú ọpanyị, di e na owu tụ ẹhẹ ịrẹsụ Ịzayọnị ana vị ataba anị, dị avaba aza ene hi Ijuda e hí angwa! Ẹkụhị ọnị Ẹnẹyịmavara vaa sị mẹ̀ ọkarẹyị aa gụrị ẹtẹ.

Ijowẹrị 1:15

Ẹkụhị ọnị Ẹnẹyịmavara vee sii du ayị hi wa aa gụrị ẹtẹ. Ịhị ọnị Ohomorihi Ochẹtẹẹngụ vee vu wa ẹtẹ vaa daa divi kẹnẹ.

Ahẹ Ụgama 37:13

Aza edivi ẹ̀ẹ vavọọ mẹ, dị Ẹnẹyịmavara nyị wa unyi kẹnẹ Ộ yẹ ka ọ yị jẹẹ dị a wụ̀ wa va ha.

Ayịsaya 13:4

Batọ wáā wụ́ aza màa kụ́ ịrẹka ịnị ataba. Ịrẹka ọnọọ ộ sị zụ̀ ka ẹnịnị ệ rụrụ ẹtẹẹtẹrẹ ana hụrẹ ẹkụra irenyi-irenyi va gụ. Ẹnẹyịmavara Ochẹtẹẹngụ aa hara isojaa gụ.

Ayịsaya 22:1

Ịrẹyị ene vee tù aza ana ra hi ini osusuu ịzị Ohomorihi yàa mẹ ka aza anị è re ẹtẹ yị. U mè re nịnị? Si u ne hi ịrẹsụ irehi aa jẹ ịrajẹ anị nịnị?

Ijowẹrị 2:11

Dị Ẹnẹyịmavara ha iduma dọ ka ịrẹyị yi ọkụrẹkụ anị, dị ẹnịnị wụ́ chire e nị. Ẹkụhị ọnị Ẹnẹyịmavara vaa mẹ̀ ọkarẹyị vaa nyị ẹngụ anị. Ẹnẹ vaa ha?

Ijowẹrị 3:12

Avaba anẹkụra e tenyi ẹngụ, dị ẹ na gẹ inozi Ijehosahwati ịzị Ẹnẹyịmavara vaa yaatẹ ịrẹsụ ode anị, dị aa mẹ̀ ọkarẹyị yị avaba anẹkụra nịnị.

Ịzẹhwanaya 1:14

Ẹkụhị ọnị Ẹnẹyịmavara vaa sị ụya rị wa aa gụrị ẹtẹ. Ẹ yị jẹẹ dị eyi anị ọ nị. Ẹkụhị odivi ọnọọ aa vẹ ọnị ọka ịrẹkụ ọnọrụ nịnị vee nowu ịjị ẹtẹ ọ̀ọ ka za wa.