Ijowẹrị 3:13 - IWE ỌNỊNỊ

¹³ Ẹnịnị vị ana nyayịnẹ divi yị ẹngụ ẹnịnị; Sẹ́ wa va hi ẹtẹ anka akụ ịnị ụmẹ ịsa ọyịna ịnị aarẹ avọọ. Kwọrọ wa anka aā mẹ̀ kwọrọ igirepi ịnị ụkọ avọọ! Pịrị ọ dị eche anị oo si, dị ụkọ o hi kaa vaa ha.

Ijowẹrị 3:13 Referans Kwoze

Ịmaakị 4:29

Ịjị akụ ọnọọ ọ̀ọ sị vị́, dị ọza ọnọọ wụsẹ sị ụhwọ anị, dị aa mẹ̀ ẹ nị, agụvị ka ụmẹ anaa sịị̄ mẹ̀ ẹ, o si tù.”

Ihoseya 6:11

A vị ẹnịnị Anijuda yọ, ụmẹ ọnị ẹ vaa sị rị ụya tịtẹ ee zi wa. Ama Ẹnẹyịmavara kà ọnị e si ka ọnị ọ sị Anisirẹrị nịnị aza anị kwẹẹtẹ da.

Ayịsaya 63:3

Dị Ẹnẹyịmavara tụ ohi kà a ọnị ọ raà kwọrọ avaba Anẹkụra nịnị anka a mẹẹ̄ kwọrọ igirepi avọọ, dị ẹyị nyị ọza ana vẹ ịnị ọgụvọ anị nị. Ayị ộ kụ ọnị dọ ọnị kwọrọ wa, dị ẹnịnị sì ku avaba achị anị ana a dọ ọ ọtị nị.

Imatiwu 13:39

Ọnịvị ọnọọ ene ne chire ebe ẹnẹẹ ọ vị echu nị. Ụmẹ anaa sịị̄ mẹẹ ọ vị ụmẹ ọdịrẹma ẹhẹ nị. Aza ana vaa mẹ wa ọ vị anggẹẹrị nịnị nị.

Ijeremaya 51:33

Ẹnẹyịmavara Ochẹtẹẹngụ, Ohomorihi Anisirẹrị nịnị ka, ezii Anisirẹrị nịnị vị ana sị mẹẹ anka ịzị eē tụ́ akụ avọọ. A vaa sẹ́ waa vàa hi ẹtẹ ịsọnị-ịsọnị, dị aa kụ ahụ pịrị wa.

Arụwẹ 1:15

Ẹnẹyịmavara ô nyị isoja ayị ana kata hu kere-kere unyi; dị ọ tụ isoja hụrị aha ọsa dị e ve vu ezwọọmụha ayị ẹtẹ nị. Ệ kwọrọ avaba aza ayị và ha anka a mẹẹ kwọrọ asẹ ịnị ụkọ avọọ.

Iwe Ọhụhị Imosiisi ana aa hị́ Ọyịvatụrọda 16:9

Ụ vaa za ọsẹ ịhịmba ịrịka. Ẹkụhị ịpaapa ene e nyima aa sẹ akụ ụ vaa za a ịrịkaa hụrẹ nịnị nị.

Oyinyima 18:20

Dị Ẹnẹyịmavara va kà a yị Abụrahamị dị ọ ka: Ọnị ộ wụ́ aza mèe nowu ka ebira odivi ana anẹkụra Isodọmị ọnịrị Igomora aa mẹ̀ ọ sị banyị ẹnẹmẹhị.

Oyinyima 15:16

Ọ rẹ ka ẹ vaa mẹ ẹhụụ ịrayị akava avọọ dị ẹ vavẹ ịzẹnị, agụvị ka Anamọrị nịnị ệ yị za ebira odivi ẹnịnị ịrẹsụ ne tụ̀ ụmẹ avọọ.

Oyinyima 13:13

Ama Anisodọmị vị aza edivi hangụ-hangụ, dị ẹ nyayịnẹ aa mẹ̀ ebira odivii ene du Ẹnẹyịmavara ayị nị.

Ẹtore 14:14

Máa kana eyi, di mi re eguhi ọvwọọvụ ọnya nị. Dị ọza ịnya aanị ana yà anka ozi ọza avọọ, yaayịtẹ ịrẹsụ eguhi ọnọọ nị. Dị ọ sị ọkẹkẹrẹkụ igooru ọnya aanị kú nị. Dị ọ sị ụhwọ ọnya aanị ana rẹ rị ụvọ nị.

Ẹtore 19:15

Dị ụhwọ ọnya aanị ana rẹ ẹtẹẹtẹrẹ hụụnị irenu anị vẹ nị. Ọnị ọ vaa sị nyị ehuna anẹhẹ nịnị nị. Okutẹ enyusẹ-enyusẹ ọ vaa sị mẹ ịjọvaa tụra wa nị. Ọ vaa sị ahụụ kwọrọ aza ẹhịmịị há anka a mẹ̀ẹ kwọrọ asẹ ịnị ụkọ avọọ. Ọnọọ vị ana jẹẹ yị ọyịkụ Ohomorihi Ochẹtẹngụ.

Ayịsaya 17:5

Ẹ vaa sị mẹẹ anka aarẹ ana a raà sẹ akụ anị, dị ọ tụ osusu anka aarẹ osusu ana raà tọ̀ ịzaha anị ene hi inozi Irehwayimi avọọ nị.