Ijowẹrị 2:9 - IWE ỌNỊNỊ

⁹ Dị e zwe duu na ngụ ẹkụra dị ẹ yaa zị ụsẹ ịrẹsụ ọvọ; dị ẹ yaa hịrẹ ịrẹsụ irehi, dị ẹ yaa ngụ ozokete anka oyi avọọ nị.

Ijowẹrị 2:9 Referans Kwoze

Ijeremaya 9:21

Iswọọza ọ ra ngụ tu yị zị oze ịnị ozokete, ọ sị ngụ ịnị eehi ohinọyị nịnị. Ọ sị ezweyi wụ̀ ha utoze, ọ sị ezwọọmụha nịnị wụ̀ ha ịnị orere.

Ịjọọnụ 10:1

Ijeesu ka, “Ịzẹyịza m maa kà a wụ nị, ọza ẹnẹ ẹ̀ yị zị oze obooro ngụ irehi ịzị aā kụ́ atẹmẹ hi, dị ọ na zị oze ọsa hịrẹ ngụ eehi nị, oyi obooro ọ́za ọnọọ vị nị.

Ọyịkụra 10:6

Dị ẹ rẹ ka ọ ka akụvarịva ẹnẹẹ vaa ká hi irehi anị ọnịrị irehi anụkọrọ anị ne beri irehi avaba Anijipiti. Dị ẹnịnị rẹ ka ọ ka ẹngụ ịrẹyị ọnọnị ada Anijipiti nịnị ne chire ohiku ẹnịnị ê yi re e da ẹ mẹ̀ hụrẹ ra ịnị ẹkụra ọnọnị pooro ve tù ajịnị. Di Imosiisi varẹma tụ́ hụụ ịda Ihwarawo nị.

Ijowẹrị 2:8

Ọza ẹnyị ẹ yị dọ ọsa oro. Ẹ yị nyị ẹnya ịrẹkụ ana a kụ tú wa ana zụ za wa jẹẹ.

Ọyịkụra 10:14

Dị ẹ ká hi avaba Ijipiti dị ẹ chaka kú avaba aha ịnị ẹtẹ ọnọọ kẹnẹ nị. Â yị vịdị vavọọ nyị otomiroku akụvarịva da. A ma rẹ vana vavọọ nyị.