Ijowẹrị 2:30 - IWE ỌNỊNỊ

³⁰ Ẹnẹyịmavara kà ọnị vaa mẹ̀ ịsa ene vee hị́ ọza irenu tụ́ ẹbẹẹba ọnịrị ịrẹsụ ẹtẹ. Ọza vee re anya ọnịrị ịra ne beri areyi ana aa da dụụmẹ.

Ijowẹrị 2:30 Referans Kwoze

Iruuku 21:11

Ẹtẹ vee henyi jigi-jigi aha ọrụrụ-ọrụrụ, ụngwẹ vaa kụ̀, ụkụ vee hi ẹtẹ. Apọtẹrẹwa irenyi-irenyi anaā sịị angwaa hí ọza, vaa jịnẹẹ hi ẹbẹẹba.

Imatiwu 24:29

“Ịjị ụmẹ ụyọrị ẹnẹnị ọ̀ọ ta kẹnẹ, ọyị vee hozi, ụhwẹ ọ yị kụkụ vaa vwẹtẹ, dị ụzọmị nịnị jị hụụnị ihinẹba, dị ụkata ẹbẹẹba re henyi.

Ọdọvịdị 20:40

Ama ẹkụra mẹ̀ nyima aa rị ịra, dị ịra za wụrụgụdụ dị areyi aa da dụụmẹ nị. Ịjị Anịbẹnjamịnị kana eyi nọ ịrẹma, di e re ka avaba ẹkụra ẹnịnị aa rị ịra, di areyi anị va hịrẹ ngụ ịnị ihinẹba.

Ẹtore 18:9

Ohinọyị anẹhẹ nịnị ene pe e sẹ̀ ịrẹka, di e re dudu aa rị ẹhẹ, vị aa jị òrèrè anị, di eyee nowu agụvị anị, Ịjị èe re areyi anị màa dà, ọ màa rị ịra.

Oyinyima 19:28

Dị ọ kana eyi nọ oze Isodọmị ọnịrị Igomora ne beri avaba ini ozi ọnọọ nị, di o re ka areyi anị ee simaa vaa hịrẹ pọpọrọpọ anka areyi ọrịra avọọ nị.

Ẹtore 18:18

E mè re, areyi anị màa dà, ọ màa rị ịra, dị ẹ ka: Ẹ yị nyị ẹkụra ene tù ẹngụ ẹkụra ọbanyị ọnọnị.

Ahẹ Isoromọnị 3:6

Sị ẹ́ hụụnị ụnọmị aa hịrẹẹ vẹ anka areyi ọbanyị anaa dá avọọ kẹ? Avaba ẹngụ anị aa dagụ kwẹ̀ẹ̀ yị eturare ana aā hị́ ihwirankisesi ọnịrị ịmaya ana á hị́ hụụnị ụvọ osohu nịnị avọọ

Ọdọvịdị 20:38

Isoja Anisirẹrị ana yị ẹhẹ aa kụ ịrẹkụ ọnịrị ẹnị ana tẹ̀ chire avị kara ẹkụra ệ gẹ eyi ka ịjị ee re ka ẹkụra ọ sị sụ ịra, dị areyi a daa hịrẹẹ nọ ẹbẹẹba nị;

Ijosuwa 8:20

Ịjị anọrụ Eyayị kana eyi varẹma, dị e re areyi kungu ẹbẹẹba ẹkụra ẹnịnị maa rị ịra nị.

Ẹtore 8:7

Anggẹẹrị ịpaapa ô hú ọpanyị anị. Dị ata ihinẹba ọnịrị ịra và hura anya aa zụ̀ụ hi ịnị ẹhẹ nị. Dị achẹta ẹhẹ rị ịra, dị achẹta avaba ọchị rị ịra, dị avaba ohwoohu rẹ rị ịra nị.

Ijeremaya 4:28

Ọ kà, avaba anẹhẹ vaa va ẹngụụ hi, dị ẹbẹẹba hozi, agụvị ka ọnị Ẹnẹyịmavara ọ sị ịrẹyị ka, ọnị ẹ yị vaa vara a. Ịsị ọnị ka ọnị aa mẹ, ọnị ẹ yị vaa và ịnị anị.

Ịzakaraya 14:6

Ẹkụhị ịhị ọnọọ ẹ yị vaa nyị ọyị, ahị ẹ yị vaa za, ẹ yị nyị etohozi.