Ijowẹrị 2:27 - IWE ỌNỊNỊ

²⁷ Ọ kà Isirẹrị vaa yẹ ka ọnị jẹẹ wa ịrẹma. Ọnị ọ vị Ẹnẹyịmavara ana vị Ohomorihi ẹnịnị nị. Ẹ yị nyị ịsa ọsa. Ọza ẹ yị kụkụ vaa sị eyi wụ̀ ẹwụnị aza anị.

Ijowẹrị 2:27 Referans Kwoze

Ịzẹhwanaya 3:17

Ẹnẹyịmavara ana vị Ohomorihi awụ nịnị yà pe wụ. Ụkata anị aa sị wụ nịnị nyị ehuna ọnịvị awụ nịnị nị. Agụvị ka o sì ịrẹyị ẹnịnị, ọ vaa sị ayị awụ nịnị nẹtẹ, O vee hine ayị tu wu nịnị, dị aa jị ahẹ ịnohine.

Ayịsaya 45:5

Ọnị ọ vị Ẹnẹyịmavara nị. Ẹ yị nyị Ohomorihi ọsa ịrẹma anị. Ịsayịrọsị ọ yị daka yẹ ọnị, ọnị vaa sị ụkata ana vọrọ ka ọ nyị yị ọ.

Ijowẹrị 3:17

Isirẹrị vaa yẹ ka ọnị Ẹnẹyịmavara ọ vi Ohomorihi ẹnịnị nị. Ọnị ọ ra Ịzayọnị ataba ọnịnị anị nị. Ijerusarẹmị vaa vị ẹkụra ọtụrenyi, enyisi ọ vị ka isoja anẹkụra ọsa nịnị ẹ rị ọ nị.

Ezikẹẹrị 39:28

Aza anị vaa yẹ́ ịjị ọnọọ ka ọnị ọ vị Ẹnẹyịmavara, Ohomorihi ẹnịnị nị, ka ọnị ộ mẹ̀ ka à za wa ọrịhị ne hi aha ọsa, ama ọnị ọ rẹ raa kụ́ wa gụ booro aanị, dị ọnị kụ́ wa vavẹ ịnị ẹtẹ ẹnịnị ụvọta nị. Ọnị ẹ́ yị hụrẹ ọza ọnyọọnyị ẹnịnị ụvọ tụ ẹkụra ọnịvị ẹnịnị.

Ijowẹrị 2:26

Ụ vaa nyị ịsọyịrị gwẹtẹ, dị ụ rị, dị ịnẹ ha awụ nịnị. Dị ụ waa ga Ohomorihi agụvị ịvọpa ọnị ọ mẹ̀ yị wụ. Ọza ẹ yị kụkụ vaa sị eyi wụ̀ ẹwụnị aza anị.

Ahẹ Ụgama 46:5

Ohomorihi yà ịnị akakana anẹkụra ọnọọ agụvị avọọ ẹ yị nyị ịsị e zụ zizi ọ Ohomorihi vee jintu vaa gụ ọ ụvọ ẹnẹnẹ viri-viri.

Iwe Ọhụhị Imosiisi ana aa hị́ Ọyịvatụrọda 23:14

Agụvị ka Ẹnẹyịmavara Ohomorihi awụ ya avaba aha udi ọnọnị, di e sere wu, dị ọ dọ ha hụụnị ụvọ ọnịvị awụ. Navọ ịzị ụ kụ́ udi aanị ọ vị aha ọnịnị, agụvị dị asị o re ebira odivi ịnị akakana awụ nịnị dị ọ va varẹma wụ nịnị.

Ayịsaya 12:6

Navọ avaba aza ana ra Ịzayọnị ọsị ọngwẹ tụ ẹba jị ahẹ! Ohomorihi ọnịnị Isirẹrị ọọ nyị ụbanyị, ọ yà ịnị akakana aza anị.”

Ẹtore 21:3

Dị mị wụ́ ọngwẹ ọbanyị ọnya hụrẹ ẹbẹẹba vẹ, dị ọ ka, “Re! Irehi Ohomorihi yàrị aza. Ohomorihi yàrị aza. Ohomorihi vaa raa pe wa, dị ẹ vị aza anị. Dị Ohomorihi ọnị ụvọta yà ịda ẹnịnị, dị ọ vị Ohomorihi ẹnịnị.

1Ipita 2:6

Wáa yẹ ka â chẹrẹ ẹ tụ́ ini Iwe Ohomorihi, ọ mẹ kà a ka, Re, Maa nyị ịrẹta ọnya, ịsa obooro ọ vị mị nị. Mâ sị ịrẹta ọnọọ ká irehi ẹtẹ tụ́ Ịzayọnị. Ọza tụra ọza ana àa sị ayị tụra a, ọ́ yị vaa mẹ ụhịị nyị ọ vụrụ-vụrụ.

Ahẹ Ụgama 68:18

Ộ hịrẹ nọ ẹbẹẹba dị ọ kú aza ọnị ọ za éyi ịrẹkụ aa na nị. Ộ dọ ịsa ẹtẹ hụụnị ụvọ aza Aza ana hyakụ kwẹẹtẹ tù ọ vị ọnị za agụvị dị ọ̀ ra ịzọọ. Dị ẹkụkụ aa tụ́ ịsa ẹtẹẹ yọ nị.

2 Anịkọrịntị 6:16

Sị ẹ zụ kụ́ irehi Ohomorihi ọnịrị ori vabẹ? Ẹya vị irehi Ohomorihi ana yára nị, agụvị ka Ohomorihi ộ kà a ka, ọnị vaa ra ịnịnẹ ẹnịnị, dị ọnị aa ngụ ịnị akakana ẹnịnịị zị. Ọnị vaa vị Ohomorihi ẹnịnị, dị ẹnị rẹ vị aza anị.

Ezikẹẹrị 39:22

Anisirẹrị nịnị vaa yẹ́ hụrị ụmẹ avọọ ka ọnị ọ vị Ẹnẹyịmavara, Ohomorihi ẹnịnị nị.

Ayịsaya 53:6

Avaba ayị vị ene nyeeyi anka atẹmẹ avọọ. Ọzọza ọ sị vàtụ oze anị, dị Ẹnẹyịmavara kune ẹnya akụvị ọnị mẹ tụra a nị.

Ayịsaya 45:18

Ẹnẹyịmavara ịnya kẹnẹ ọ vị Ohomorihi nị! Ọnị ọ tụ ẹbẹẹba ọnịrị ẹhẹ ịzị ọ kụ aza hi ka ẹ ra, asị ọ vị osusu. Ọ kà ọnị Ẹnẹyịmavara ọ vị Ohomorihi, ẹ yị nyị Ohomorihi ọsa.

Ayịsaya 44:8

Asị ayị hụrẹ wụ ịnẹ, Asị u hí angwa. Aanị ka mẹ yị vịdị sị ọ kà a wụ nịnị hụrẹ ụmọrụmọ, ịsị ẹ vaa mẹ? Ẹwụ nịnị ọ vị onivenu amị nị. Áá nyị Ohomorihi ọsa? Eyiye! Ẹ yị nyị ịda ọsa-ẹyị nyị ọsa.

Ayịsaya 45:6

Ọnị va vavọọ vaa mẹ agụvị dị avaba aza aha tụra aha ẹ yẹ ka ọnị ọ vị Ẹnẹyịmavara, ẹ yị nyị Ohomorihi ọsa.

Ayịsaya 49:23

Ohinọyị anẹkụra nịnị ịzị a ya pa ezi ẹnẹẹ vaa va ku ẹtẹ yị wụ, dị ẹ tẹsị awụ anka ọrịhị mẹẹ̄ tẹsị adarehi anị avọọ. Isirẹrị vaa yẹ ka ọnị ọ vị Ẹnẹyịmavara nị. Aza ana àa sị ayị tụra a, ọ yị vaa va ịrẹma anị.

Ezikẹẹrị 37:6

Ọnị vaa mẹ ka wa nyị ọzị ọnịrị uye nịnị. Ọnị vaa sị ụpaa kú wu nịnị ẹngụ, dị ọnị sị ụhwẹẹ yị wụ nịnị, dị ụ kụkụ yara nịnị. Ụ vaa yẹ nịnị ka ọnị ọ vị Ẹnẹyịmavara nị.

Ijowẹrị 3:21

Ẹnẹyịmavara kà ọnị ya ịrẹsụ ataba Ịzayọnị, ọnị vaa họ̀ oponu ịrẹyị aza anị ana a wụ̀ kẹnẹ-kẹnẹ. Ọnị vaa dọ ịrẹvụ ẹnịnị vụ.

Ịzẹhwanaya 3:11

Dị Ẹnẹyịmavara kà, ịnị ụmẹ ọnọọ, ụhị ọ yị kụkụ vaa nyị aza anị ana vịdị mẹ̀ akamawụ hi ọnị. Ọ kà ọnị va kụ́ aza ana aa sị ẹngụ tụ́ ẹba kwooze, dị aza ẹ yị kụkụ vaa mẹ̀ akamawụ hi ọnị ịnị ataba ọnịnị anị.

Ịrịka 11:29

Ama dị Imosiisi tụ ọ ohi ka ọ́ọ́ waa kụ ịhị agụvị anị aanị nị? Dị ọ ka ọnị o si ka avaba aza ẹ nyị ụkata dị ẹ ka ịsẹ.

Ịrịka 23:21

Ọnị ẹ yị re odivi a vị akanya ini ẹhẹ ẹnịnị. Ẹnẹyịmavara Ohomorihi ya pe wa; ọnị ọ vị ohinọyị ẹnịnị nị.

Ụhịrẹyị 1:23

Sị ụtọ pe ohuvọ ọnị maa tụ wụ nịnị. Maa sị ịrẹyọyẹ pá wụ, dị wa yẹ ịrẹyị.

Ayịsaya 44:3

Ịzị enyi yaa kụ̀, mị vaa sị enyi wụ nịnị, dị mị mẹ ka okuha oo sì ịnị ẹtẹ ana wụ. Mị vaa mẹ ize yi ezi ewu nịnị.

Ayịsaya 46:9

Tamayị ịsa ọnị mị mẹ nịnị ịyẹẹyẹ, agụvị ka Ẹma vị Ohomorihi nị, ị́rẹma amị ẹ yị nyị ọza ẹnẹsa.

Ezikẹẹrị 39:29

Ọ kà ọnị vaa sị ụhwẹ anịị yị avaba Anisirẹrị nịnị, dị ọnị ẹ́ yị ma vana varẹma ka wa. Ọnị, Ẹnẹyịmavara, Ananyị yị ọ kà avọọ nị.

Ịzakaraya 2:9

Ẹnẹyịmavara Ochẹtẹẹngụ kà ọnị ụvọta vaa kwẹẹtẹ tù wa, dị ọrịhị ẹnịnị ẹnị rẹ sị ụkata-ụkata kụ́ wa ẹnya. Ịjọnọọ ẹnịnị vaa yẹ ka Ẹnẹyịmavara Ochẹtẹẹngụ ọ tụ́ ọnị ụtụ nị.