Ijowẹrị 2:26 - IWE ỌNỊNỊ

²⁶ Ụ vaa nyị ịsọyịrị gwẹtẹ, dị ụ rị, dị ịnẹ ha awụ nịnị. Dị ụ waa ga Ohomorihi agụvị ịvọpa ọnị ọ mẹ̀ yị wụ. Ọza ẹ yị kụkụ vaa sị eyi wụ̀ ẹwụnị aza anị.

Ijowẹrị 2:26 Referans Kwoze

Aniroomi 10:11

Agụvị ka â chẹrẹẹ tụ́ ini Iwe Ohomorihi ka, “Ọza tụra ọza ana àa sị ayị tụraa, ụhị ọyị vaa nyị ọọ.”

Ahẹ Ụgama 22:26

Onosiye nịnị vaa rị ịsa dị ịnẹ ha wa; avaba aza ana àa ká Ẹnẹyịmavara vẹ, vị ana vaa gama a. Vi o vee zee yị wa pooro nị.

Aniroomi 5:5

Yàa nyị ọyịtureyi, ụhị ọ yị vaa nyị yị, agụvị ka Ohomorihi ộ mẹ̀ ka ya yẹ, o meme sì ịrẹyị ayị ini oze Ụhwẹ Ohomorihi ọnị ọ sị tụ ịnị ayị ayị.

Iwe Ọhụhị Imosiisi ana aa hị́ Ọyịvatụrọda 12:7

Agada Ẹnẹyịmavara Ohomorihi awụ nịnị ịzọọ, ẹwụrị ovwoovu awụ vaa rị ịsa ọnị ụ sị ụvọta awụ nịnị mẹ, dị ụ waa jị ịrajẹ

Ayịsaya 49:23

Ohinọyị anẹkụra nịnị ịzị a ya pa ezi ẹnẹẹ vaa va ku ẹtẹ yị wụ, dị ẹ tẹsị awụ anka ọrịhị mẹẹ̄ tẹsị adarehi anị avọọ. Isirẹrị vaa yẹ ka ọnị ọ vị Ẹnẹyịmavara nị. Aza ana àa sị ayị tụra a, ọ yị vaa va ịrẹma anị.

Ayịsaya 45:17

Ama Ẹnẹyịmavara ọ raà dọ Anisirẹrị nịnị ha, ẹ vaa nyị ehuna pooro zịna-zịna nị. Ụhị ẹ yị vaa nyị wa.

Ireevi 26:5

Ọ kà ịsa ịnị aarẹ ẹnịnị vaa rụrụ ẹtẹẹtẹrẹ dị ahịka vị ẹnịnị aa kụ waa gụ pooro dị o tù ụmẹ ana aa sịị há igirepi nị. Igirepi ẹnịnị vị ẹnẹ ẹ́ vaa ha pooro nee tu ụmẹ enee sii chire ịsa. Ẹnịnị vị ana vaa rị ịsa dị ịnẹ ha wa, dị ẹ rá ịnị ẹtẹ ẹnịnị dị ẹ́ yị nyị ịsị ẹ mẹ̀ wa.

1 Ịjọọnụ 2:28

Ẹwụ nịnị ezi emi, mị ka ẹwụrị Ijeesu ọ̀ rị vabẹ nịnị, agụvị ịhị ọ̀ọ vavẹ, ya nyị ọtụtụrụma, asị ụhị dụ yị varẹma hụụ ịdị anị, ọ̀ọ vẹ.

Aniroomi 9:33

 vịdị vavọọ chẹrẹẹ tụ́ ini Iwe Ohomorihi ka, “Re! Mâ sị ịrẹta ọnya tịtẹ Ịzayọnị; ịrẹta ọnị ọzaā tụ́ ahụ ịnị anị ọ vị nị; ịrẹta anaā mẹ ka ọza ọ̀ hyẹdụ ọ rẹ vị nị. Ama ọza ana àa sị ayị tụraa, ụhị ọyị vaa nyị ọọ.”

Ayịsaya 54:4

À sị u hí angwa, agụvị ka ọza ẹ́ ma vana mẹ̀ ụhị nyị wụ. Àsị u hụrẹ ayịnẹ, agụvị ka ụhị ẹ́ ma vana nyị wụ. U vee hí ayị ụhị ana nyị wụ ịjị ọnị ụ vị ozweyi. Wẹ́ ma vana tamayị ụhị ana nyị wụ ịjị ọnị ụ vị ọnịịnya anka osoku avọọ.

Ayịsaya 25:1

Ẹnẹyịmavara, ẹwa vị Ohomorihi amị nọ; Mị vaa sị ụbanyịị yị wụ ẹtẹẹtẹrẹ. Wâ dà nyị ịzẹyịza kẹnẹ. Wa raà mẹ̀ ịsa ohyozirenu ẹbanyị-ẹbanyị; ọnị ụ ka ụ vaa mẹ̀ hụrẹ ụmọrụmọ, avọọ ụ mẹ̀ yị va mẹ̀ ẹ nị.

Ịzakaraya 9:17

Ẹ vaa da zoza kẹnẹ! Ọpa ezweyi ẹnịnị vaa hụ anka ịzọọ anka akụ ịnị aarẹ, a vị ẹtụtụ igirepi ịnị ụbazị ịvayịnị avọọ nị.

Ịzakaraya 9:15

Ẹnẹyịmavara Ochẹtẹẹngụ vee sere aza anị, di e vu ọnịvị ẹnịnị ẹtẹ. Ẹnịnị vee nowu eyi ịrẹkụ anka aza ene hu eche avọọ. Ẹ vaa dọ ọnịvị ẹnịnị anya vaa ha, di e sii anka anya ịsa ịsọvọ ana a và hí ịrẹsụ ụta hụụnị ẹnya avọọ.

Ịzẹhwanaya 3:11

Dị Ẹnẹyịmavara kà, ịnị ụmẹ ọnọọ, ụhị ọ yị kụkụ vaa nyị aza anị ana vịdị mẹ̀ akamawụ hi ọnị. Ọ kà ọnị va kụ́ aza ana aa sị ẹngụ tụ́ ẹba kwooze, dị aza ẹ yị kụkụ vaa mẹ̀ akamawụ hi ọnị ịnị ataba ọnịnị anị.

Ayịsaya 29:22

Ẹnẹyịmavara ana dọ Abụrahamị tụ́ ộ kà a yị Anisirẹrị, ọ ka ụhị ọ yị kụkụ vaa nyị wa. Ọ rẹ ka eyirẹsụ ẹnịnị vaa nịya.

Oyinyima 33:11

Agụvị avọọ aarịhịnị ọ dọ ịsị ọnị sị vẹ. Dị ọ rẹ ka Ohomorihi vị ana nyayịnẹ mẹ̀ ẹ yị ọnị, ịsị ọnị nyị vị ana hụ ọnị.” Avọọ ọ mẹ̀ da ịpẹ yị Iisọ, dị ọ va zẹẹ ka ọnị ọ̀ dọ ọ nị.

1 Itimoti 6:17

Aza ana vị ọzọbanyị ịnị ẹhẹ ọnọnị, hú wa ụvọ ka asị ẹ na mẹ eyi! Kàa ka asị ẹ na sị eyi tụra ụbanyị ana ahịka ọ mā za jẹẹ! Ama kà a ka ẹ̀ sị ayị tụra Ohomorihi anaā mẹ ẹyịza! Ọnị ọọ̄ sị avaba ịsaa yị ka ya sịị mẹ inohine.

Ayịsaya 55:2

Sị ẹ vẹ di ú wee du ẹkẹhị awụ nịnịị ha tụ ịnị ịsa ẹnẹ ẹ̀ yị vaa ha ọza ịnẹ? Sị ẹ vẹ dị ụ́ waa mẹ̀ ụkọrọ, dị ụ́ wàa kụ̀ ẹkẹhịị ha nịnị, dị ụngwẹ aa yịị kụ̀ wụ nịnị? Sị ụtọ pe mi nịnị, dị ụ waa rị ịsa ene zoza nịnị. Ụ vaa rị ịsa ọyịza-ọyịza nịnị dị ayị awụ nịnị ee hine.

Ahẹ Isoromọnị 5:1

Ma raà ngụ ịnị ụbazị amị, ose mi anaā sịị ayị amịị hine. Maa kụ avị irenyi-irenyi ana a sịị̄ mẹ̀ ịsaa hine ọnịrị ịmaya amị gụ. Maa rị ẹhụ amị ọnịrị ụpaha anị. Mee hú eche ọnịrị ịrẹva ụnọ amị. Ẹwụ nịnị ọnị mị sì ịrẹyị anị, rị ịsa, di wee hú nịnị; waa mẹrị nịnị kẹnẹ.

Ụhịrẹyị 13:25

Ọnịzẹyịzaā nyị ẹhụ ịsa ana hụ ọ rị ama aza ọhịmị vị ọnị ụngwẹ kụ pooro.

Ahẹ Ụgama 116:7

Ma nyẹngụ hi ụhwẹ zẹtẹ booro aanị, agụvị ka Ẹnẹyịmavara ọ raà mẹ̀ ịsa ene zoza mị.

Ahẹ Ụgama 103:5

Ịsa ozoza oni mee sì vị ọnị ọ kụ́ mị dị ọ hụ̄ mị, dị mị kụkụ yà anka ozweyi avọọ, dị mị rẹ nyị ụkata anka ukokoro nị.

Ahẹ Ụgama 72:18

Ẹnẹyịmavara, ana vị Ohomorihi Anisirẹrị, yâ kụ́ wụ avọ. Ẹwụ nya kẹnẹ ọ maanị mẹ ịrẹyị ẹbanyị-ẹbanyị nị.

Ahẹ Ụgama 37:19

Ịjị ụmẹ ọ̀ọ katẹngụ, ẹnịnị ẹ yị vaa rị ụya. Ụngwẹ ọ̀ọ daka hi ẹtẹ ẹnịnị emi vee re ịsaa rị dị ịnẹ há wa.

Ahẹ Ụgama 13:6

Mị vaa jị ahẹ gono Ẹnẹyịmavara agụvị ka ịsa ozoza aa mẹẹ mị nị.

Inehemaya 9:25

Ẹnịnị ệ dọ ẹkụra ọrụrụ-ọrụrụ ana a jị ọvọ kara, ẹtẹ ozoza-ozoza ẹnịnị, avaba irehi ẹnịnị ọnịrị avaba ogu ene hi ini irehi ẹnẹẹ, iruku enyi nini, ụbazị ịvayịnị nịnị ọnịrị ọchị orivi neberi ọchị anaā tụ ẹtụtụ nịnị. Avaba ịsa ene ze wa eyi kẹnẹ ẹ yaa rị, dị ẹ ta banyị kẹkẹrẹkẹ nị. Ẹnịnị vị anaa mẹrị ịsa ọyịza-ọyịza ọnị ụ mẹ yị wa.

Iwe Ọhụhị Imosiisi ana aa hị́ Ọyịvatụrọda 12:18

Ọvịdị Ẹnẹyịmavara Ohomorihi awụ nịnị ụ vaa yaa rị ẹngụ ịsa ẹnẹnị ịzị Ẹnẹyịmavara Ohomorihi awụ nịnị vaa nyị nị. Ẹwụrị ezi ọnọrụ awụ ọnịrị anẹẹ, beri ọrịhị awụ anọrụ ọnịrị anẹẹ, ọnịrị Anireevi nịnị ana ra ẹkụra awụ nịnị e dudu vaa rị ịsa ẹnẹnị nị. Dị ụ yà ọvịdị Ẹnẹyịmavara Ohomorihi awụ nịnị aa jẹ ịrajẹ tụ́ ịrẹsụ avaba ịsa ọnị ụ mẹ nịnị.

Iwe Ọhụhị Imosiisi ana aa hị́ Ọyịvatụrọda 12:12

Ụ vaa yà ọvịdị Ẹnẹyịmavara Ohomorihi awụ nịnị, dị ụ waa jẹ ịrajẹ. Ẹwụrị ezi ọnọrụ awụ nịnị ọnịrị anẹẹ. Ẹwụrị ọrịhị awụ nịnị anọrụ ọnịrị anẹẹ, beri Anireevi ana ra ẹkụra awụ nịnị; tamayị nịnị ka Anireevi nịnị ẹ yị nyị ẹtẹ yị ẹngụ ẹnịnị ụvọta.

Iwe Ọhụhị Imosiisi ana aa hị́ Ọyịvatụrọda 8:10

“Ụ vaa rị ịsa, dị ịnẹ ha wụ, dị waa kụ Ẹnẹyịmavara Ohomorihi awụ avọ ka ọ sị ẹtẹ ozoza yị wụ nị.

Ireevi 26:26

Ẹnẹyịmavara kà ọnị vee gù wa oze ịsọyịrị ẹnịnị, dị ọnyẹnẹẹ ẹẹwụ aa mẹ̀ ịsa ịnị arasị ọnya. Dị a kụkụ aa gà ịsọyịrị swẹ-swẹ tụ wa ụvọ. Ẹnịnị ẹ̀ẹ rị ọ, ịnẹ ẹ́ yị vaa há wa.

Imika 6:14

Ụ vaa vị ịsa, ama ịnẹ ọ yị vaa há wụ nịnị wàa daka rị ịsa ịrẹka awụ vị ana va tù osusu. Wàa kụ́ ịsa gụ, dị ahịka vị ọ ta hi ụvọ kẹnẹ nị. Ịsị wàa nyị dị ahịka ịrẹkụ o ve du ọ ha nị.

Iwe Ọhụhị Imosiisi ana aa hị́ Ọyịvatụrọda 11:15

Ẹtẹ vee nyị avị yị ịsụpa ẹnịnị. Ẹnịnị vaa rị ịsa, dị ịnẹ ha wa.

Ahẹ Ụgama 67:5

Ohomorihi, navọ ahịka vị avaba aza va aa kụ́ wụ avọ nị. Mị ka à kà ka avaba aza ẹ̀ẹ kụ́ wụ avọ.

Ireevi 25:19

Ọ kà, ẹtẹ ọnọọ vaa mẹ̀ ịsaa yị wa, dị ẹyaa rị dị ịnẹ aa ha wa. Ẹ vaa rá ịzọọ, dị ẹ́ yị nyị ịsị ẹ mẹ̀ wa.