Ẹ̀ẹ vavọọ aa hẹkẹ ẹ, Ọ vaa zụ orihi yị wa ịnị ụmẹ ana vọrọ. Ọ vaa zụ orihi yị wa hụụnị orihi ịpaapa na ngụ orihi ọdịrẹma agụvị dị ẹ nyị ịsọyịrị ọnịrị eche ne beri angwẹ orivi.
di o hira a hi ịnị ahị, dị ahị kụ ọ ne hu, di opomi gara a hi ozi. Ịjọnọọ ayị ẹnịnị vee hine agụvị ka ọnị ọ vị Ohomorihi ẹnịnị nị. Ẹnịnị vaa ga ọnị, Ẹnẹyịmavara Ohomorihi ọnịnị Anisirẹrị.
Ẹnẹyịmavara aa sị ụkataa mị nị ọnị ọ rẹ ẹ̀ yị zẹẹ ka à nyị ịsị ẹ ka nyị mị nị Mâ sị ayị tụra a, ọ raà gụ mị ụvọ mị kụkụ aa jẹ, mee kú iriga mị vaa jị ahẹ kụ́ ọ avọ.
Ẹnẹyịmavara vaa na oze irehi ọnị ọ kụ ịsa hi ẹbẹẹba, dị ọ zụ̀ orihii yị wụ nịnị, ọ vaa mẹ ka ò ze yị wụ nịnị ịnị avaba ụkọrọ ọnị ụ waa mẹ nịnị, dị ụ wa zụụ sị ịsaa rèré anẹkụra ọrụrụ-ọrụrụ nịnị, ama wẹ yị vaa dọ ọza ọnyọọnyị ịsaa rèré nịnị.
Ẹnẹyịmavara kà we yị ma daba ka a nịnị ka waa sị ụbanyị yị ọnị nịnị, ọnị anaa zụ̀ orihi yị wụ nịnị ịnị avaba ụmẹ, dị ọnị aa mẹ ka ịsị ịnị aarẹ awụ nịnị ọọ mẹ.
Ayị amị vị ana nyayịnẹ hine ịnị Ẹnẹyịmavara Ohomorihi amị. Ọ raà sị ẹdọha yị mị anka a mẹẹ kụ ẹnya hi ọza ẹngụ avọọ. Awuru ịzẹyịza ene e chire mi vị ana hụ mị enyi Mị sị mẹẹ anka ọnọrụ ene chi awuuru ana nyị ọnẹẹ avọọ nị. Mị sị mẹẹ anka ọnẹẹ ana a za oze ana kụ ọmọ hi ẹngụ avọọ nị.
Ẹwụ nịnị ana aa mẹ̀ ebira ana vọrọ waā jẹ agụvị ịsa ẹnẹ Ẹnẹyịmavara aa mẹ Avaba ẹwụ nịnị ana aa mẹ̀ ebira ana vọrọ ini eyi Ohomorihi mị ka waa jẹ dị waa jị ahẹ nịnị.
Aza ene hi Ịzayọnị ẹẹ jẹ, dị aza ene hi Ijerusarẹmị ee nowu ịrajẹ. Ree, ohinọyị awụ nịnị aa vẹ ịda awụ nịnị. Ọ nyị ịzẹyịza ọnịrị ẹdọha. Ọza hẹẹ ọ vị nị, ọ́ọ tụra ịkẹrịkẹtẹ, ozi ịkẹrịkẹtẹ araka ọ tura nị.
Ọnị ọ̀ rẹ za orihi jẹẹ ka asị ọ zụ ọ̀ọ mẹ sị vị ụhwẹ ẹẹta dị ịsa ịnị aarẹ ọ mẹ nị. Ọnị ọ zụ orihi aha ẹngụ dị ọ yị tu aha ọsa. Dị ọnị zụ orihi hì ịnị aarẹ ẹ̀nyị, dị ọnị ẹ yị zụ orihi ịnị aarẹ aha ọsa;
navọ kwogwo we batọ hụrẹ ẹbẹẹba, dị wa vagu ezi ahụ awụ ana vị aza awụ Anisirẹrị. Navọ wa sị oze awụ ene zoza zụ̀ wa dị ẹ̀ va tụra a. Navọ dị wa zụ̀ orihi tụ́ ịnị ẹtẹ awụ ọnị ụ sị yị aza awụ ka ọ̀ vị ẹtẹ ẹnịnị.
Ọnị vaa mẹ ka ò zé yị wa, dị ẹnịnị rá kara ataba anị. Ọnị vaa zụ orihi yị wa chụụchụ ụmẹ tụra ụmẹ ọnị ee yee sị ọ. Orihi ọnọọ vị ana vaa mẹ ka ò zé yị wa.