Ijowẹrị 2:22 - IWE ỌNỊNỊ

²² Asị uye ịnị avị nịnị hụrẹ ayịnẹ agụvị ka avị vaa jẹẹ hụtụ-hụtụ. Ọchị nịnị vaa tụ ẹtụtụ ẹnịnị. Ọchị ihwigi ọnịrị ịvayịnị vaa tụ́ hyọvọ-hyọvọ.

Ijowẹrị 2:22 Referans Kwoze

Ịzakaraya 8:12

Ẹnịnị vaa chire ịsa ịnị ẹngwọọrọ. Ọchị ịvayịnị ẹnịnị vaa tụ́ ẹtụtụ, dị ẹtẹ zoza dị ọ mẹ̀ ịsa ẹtẹẹrẹ, Dị orihi aa zụ a mẹ vọrọ. Ẹnẹyịmavara kà ọnị vaa sị ịsa ẹnẹnị mẹ ogu yị aza ana vọ tụ́ ịzọọ.

Ahẹ Ụgama 65:12

Ẹtẹ ana nyị avị ịzị ịsụpaā rị vị ọnị ịsụpa gwẹtẹ hị́ Avị ene hi ịnị ataba vị ana nyayịnẹ hunẹnẹ.

Ayịsaya 51:3

Ẹnẹyịmavara vaa sị ayị Anisirẹrị nẹtẹ. Ộ vaa mẹ ka ẹtẹ ẹnịnị ana vị ọpapara ò zoza anka ụbazị Edẹnị avọọ. Ayị ẹnịnị vene vee hine, dị ẹ yaa jị ahẹ ọyịza ga Ẹnẹyịmavara.

Ahẹ Ụgama 67:6

Ịsa ịnị aarẹ ệ mẹ ẹtẹẹtẹrẹ. Ohomorihi, ẹwụ ana vị Ohomorihi ayị, wa raà mẹ ka ò zee yị.

1 Anịkọrịntị 3:7

Ọza ene ee chire ịsa, ẹ yị nyị ịsị ọ yà ịnị anị; ọza ana raa ká enyi hi ọọ, ayị rẹ nyị ịsị ọnị yà ịnị anị. Ama Ohomorihi ana aa mẹ ka ịsa ọnọọ ọ̀ọ hụ, ọnị ọ vị ẹtẹẹtẹrẹ nị.

Ịhagayị 2:16

Dị ọ ka, ẹnịnị ẹ̀ẹ nọ ịzị ẹ kụ akụ ikirogirami oohu hị́ dị ahịka ẹhụ ikirogirami ẹẹwụ kẹnẹ e ne tu nị. Ọza ana nyị ẹhụ eche apori ẹvarẹwụ tụ ịnị ụnọkọ avọọ, dị ahịka ẹhụ eche apori oohu kẹnẹ ọ kụkụ vọ nị.

Ijona 4:11

Ọ̀ọ maanị aa zị ẹngụ yị avị ọnọnị, aanịka ẹ yị vọrọ ka ọnị ọ tẹsị Anininivẹ, ẹkụra ọbanyị ọnọọ, ịzịị aza ene hụụnị ịrịka akahị-akahị oze ẹchẹhị tụra oohu raa hị́? Aza ẹnẹnị ẹ yị yẹ ọyịza, yẹ ọhịmị, dị a hyakụ vaa ka ịsụpa ẹnịnị.

Ezikẹẹrị 36:35

Dị avaba aza aa kà a ka ẹtẹ ọnọnị ana vị ụnọmị tịtẹ ịhị ọnọọ, ọ kụkụ ya anka ụbazị Edẹnị aanị nị. Dị ẹ rẹ ka, wéé re ẹkụra ana a gara và ha, dị á kụ wa ẹnya, dị a jị wa eburu và hi ẹtẹ ịhị ọnọọ, ọnị a maanị va ra hi ịnị anị, dị a jị ọvọ kara a aanị nị?

Ezikẹẹrị 36:30

Ọ kà ọnị vaa mẹ ọchị nịnị ẹẹ tụ ẹtụtụ ẹtẹẹtẹrẹ, dị ọnị mẹ ka ịsị ịnị aarẹ ẹ̀ mẹ va gwẹtẹ, agụvị asị ụngwẹ ana vaa mẹ ụhịị nyị wụ nịnị vana vẹ.

Ezikẹẹrị 36:8

Ọchị ene hi ịnị ataba Isirẹrị vị enee nyị avị, dị ẹyaa tụ́ ẹtụtụ yị ẹwụ nịnị aza anị Anisirẹrị. Ẹ́ yị nyị aa jẹẹ dị wa vavẹ eehi nịnị.

Ahẹ Ụgama 36:6

Ọza ọ yị zụ si irenu kà a ta anka ụ mẹ̀ẹ mẹ̀ ịsa ana vọrọ Ẹ yị nyị ụmẹ ọnya oni ụụ̄ sii sima ọkarẹyị mẹ Ẹnẹyịmavara, ewu ee sere ọza ọnịrị ịsụpa nị.

Oyinyima 4:12

A sị ọ dụ hụụnị ẹtẹ ozoza ọnọọ ọ yị kụkụ vaa nyị ịzị ọ vaa ra, vị ọ vanaa doodo ngụ ẹhẹẹ zi pooro nị.”

Ahẹ Ụgama 65:13

Ịsụpa vị ana gụ hi ini ozi avọọ ịsa ịnị aarẹ mẹ̀ rẹ mẹ hi ẹtẹ nị Avaba ịsavị-ịsavị vị ana nyayịnẹ zoza, dị ẹngụ ẹnịnị hunẹnẹ.