Ijowẹrị 2:19 - IWE ỌNỊNỊ

¹⁹ Dị ọ tu wa ohi ka ọnị vaa mẹ ka ịsa ịnị aarẹ ẹnịnị o zoza, dị ẹ nyị akụ ọnịrị eche ọwọọwa ne beri angwẹ ana hụ́ wa, dị ọ vọ ẹtẹ hi ẹtẹ. Agụvị avọọ Anẹkụra ana vọ ẹ yị kụkụ vaa sị wa ẹtẹ.

Ijowẹrị 2:19 Referans Kwoze

Ezikẹẹrị 34:29

Ọnị vaa sị ẹtẹ anaa mẹ̀ ịsa ẹtẹẹtẹrẹ yị wa, dị ọnị mẹ ka asị ụngwẹ vana kụkụ kụ ịnị ẹtẹ ẹnịnị. Anẹkụra ana vọ ẹ́ yị ma vana kụ wa isiya.

Ezikẹẹrị 36:15

Ọnị ẹ́ yị ma vana zẹẹ ka ẹwụ ẹtẹ ọnọnị ọ̀ wụ ụhụ ọnị anẹkụra ana vọ aa kụ̀ wụ. Ọnị ẹ́ yị ma vana zẹẹ ka anẹkụra ana vọ nịnị ẹ̀ mẹ̀ ụhị nyị wụ. Ọnị Ẹnẹyịmavara kà, wẹ́ yị ma vana dọ anẹkụra awụ ezi wụ.

Imatiwu 6:33

Ama we vidii sì ka Ohomorihi ọ̀ọ mẹ ịjọva tụra wụ nịnị ịrẹsụ da, dị ụ wa rẹẹ mẹ̀ ịsa ana vọrọ nịnị, ka ọ vaa sị avaba ịsa ana vọ aanịị tụ̀ ọọ yị wụ nịnị.

Ijowẹrị 2:24

Akụ vaa gụ́ nyaanya ịzị e yee tụ́ ọ, dị ụkọ ẹnịnị ee hi kà a ha yị angwẹ ọnịrị eche ịvayịnị.

Ijeremaya 31:12

Ẹnịnị vaa vẹ, dị ẹ jẹ ịrẹsụ dị ẹyaa jị ahẹ boro-boro. E vee hine ayị agụvị ịsọyịza ẹnẹ Ẹnẹyịmavara mẹ yị wa. E vee hine ayị agụvị ịsọyịrị, eche, ọnịrị angwẹ beri ịsụpa ọnị ọ vaa sịị yị wa. Ẹnịnị vị ana vaa yà anka ụbazị ana a da enyi hi avọọ. Ẹnịnị é yi me vene re ayodu.

Ijowẹrị 1:10

Aarẹ vị osusu; dị ẹtẹ aa jị òrèrè agụvị ka e reè du akụ ẹnịnị ha, ọchị ịvayịnị ana aā sị mẹ̀ eche ẹ kụ̀ wụ̀, dị ọchị orivi ana aa sị mẹ̀ angwẹ sị wara nị.

Ihoseya 2:15

Ọ kà ọnị aa sị ụbazị ịvayịnị anị ẹnẹẹ varẹma yọ, dị ọnị vara inozi ana vị aha akanya aha eyọtụra. Ọ vaa sị ẹngụ anị yị ọnị ịzọọ anka ộ mẹ mẹ̀ ịnị ozweyi ọ maa hụrị Ijipiti.

Ezikẹẹrị 39:29

Ọ kà ọnị vaa sị ụhwẹ anịị yị avaba Anisirẹrị nịnị, dị ọnị ẹ́ yị ma vana varẹma ka wa. Ọnị, Ẹnẹyịmavara, Ananyị yị ọ kà avọọ nị.

Ireevi 26:5

Ọ kà ịsa ịnị aarẹ ẹnịnị vaa rụrụ ẹtẹẹtẹrẹ dị ahịka vị ẹnịnị aa kụ waa gụ pooro dị o tù ụmẹ ana aa sịị há igirepi nị. Igirepi ẹnịnị vị ẹnẹ ẹ́ vaa ha pooro nee tu ụmẹ enee sii chire ịsa. Ẹnịnị vị ana vaa rị ịsa dị ịnẹ ha wa, dị ẹ rá ịnị ẹtẹ ẹnịnị dị ẹ́ yị nyị ịsị ẹ mẹ̀ wa.

Ihoseya 2:21

Ộ kà ọnị vaa mẹ̀ ọda yị eguhi dị ọ zụ orihi yị ẹtẹ,

Ihoseya 2:22

dị ẹtẹ mẹ̀ akụ, dị Igirepi ọnịrị orivi tụ́ hi ẹtẹ ịnozi Ijezirẹẹrị.

Iwe Ọhụhị Imosiisi ana aa hị́ Ọyịvatụrọda 11:14

Ẹ̀ẹ vavọọ aa hẹkẹ ẹ, Ọ vaa zụ orihi yị wa ịnị ụmẹ ana vọrọ. Ọ vaa zụ orihi yị wa hụụnị orihi ịpaapa na ngụ orihi ọdịrẹma agụvị dị ẹ nyị ịsọyịrị ọnịrị eche ne beri angwẹ orivi.

Iruutu 1:6

Inawomi vị ana yịị ra ịnị ẹtẹ Imowabi, dị ọ va wụ́ ka Ẹnẹyịmavara ộ tamayị aza anị nị. Ộ sị ịsọyịrị va yị wa. Dị Inawomi ọnịrị ese ezi anị va kwẹẹtẹ ka ẹnị ẹ hụrẹ Imowabi nị.

Ezikẹẹrị 36:29

Ọnị vaa dọ wụ nịnị ha hụụnị avaba ịsa enee du wu nịnị ẹngụ. Ọnị vaa mẹ ọda ka akụ ọ̀ mẹ va gwẹtẹ, agụvị asị ụngwẹ kụkụ vana kụ̀ wụ nịnị.

Ezikẹẹrị 36:30

Ọ kà ọnị vaa mẹ ọchị nịnị ẹẹ tụ ẹtụtụ ẹtẹẹtẹrẹ, dị ọnị mẹ ka ịsị ịnị aarẹ ẹ̀ mẹ va gwẹtẹ, agụvị asị ụngwẹ ana vaa mẹ ụhịị nyị wụ nịnị vana vẹ.

Ịzakaraya 8:12

Ẹnịnị vaa chire ịsa ịnị ẹngwọọrọ. Ọchị ịvayịnị ẹnịnị vaa tụ́ ẹtụtụ, dị ẹtẹ zoza dị ọ mẹ̀ ịsa ẹtẹẹrẹ, Dị orihi aa zụ a mẹ vọrọ. Ẹnẹyịmavara kà ọnị vaa sị ịsa ẹnẹnị mẹ ogu yị aza ana vọ tụ́ ịzọọ.