Ijowẹrị 2:18 - IWE ỌNỊNỊ

¹⁸ Ịjọnọọ Ẹnẹyịmavara vaa sị zụ ka ọnị ọ tẹsị ẹkụra anị; dị ọ vayị aza anị.

Ijowẹrị 2:18 Referans Kwoze

Ịzakaraya 8:2

Ọ kà, ọnị nyayịnẹ aa kụ ụhị Ịzayọnị nị. Ọnị vị ana nyayịnẹ ee su yị ọ.

Ịzakaraya 1:14

Dị anggẹẹrị ene pe Ịzakaraya kà ịrẹyị aanị kà ọ nọ́ ka Ẹnẹyịmavara Ochẹtẹẹngụ aa kụ́ ụhị Ijerusarẹmị ọnịrị Ịzayọnị.

Ahẹ Ụgama 103:13

Anka ada ozi mẹ̀ẹ vayị ozi anị avọọ, avọọ Ẹnẹyịmavara mẹ̀ẹ vayị ọza ene hí angwa anị nị.

Ijemiisi 5:11

Yâ yẹ ka ẹnịnị ệ jẹ ịrajẹ, agụvị ka ệ jẹẹ geri-geri ne tù ọdịrẹma. Wa rẹ wụ́ nịnị, Ijoovu mẹmẹ jẹẹ geri-geri ne tù ọdịrẹma. Wê re ịsị Ohomorihi Ananyị yị sì ka ọnị ọ̀ mẹ, ka ộ vayị anị ẹtẹẹtẹrẹ.

Arụwẹ 3:22

Ẹnẹyịmavara vị enee sì ịrẹyị ọza pooro, dị ẹ yị zá ụvọ jẹẹ, ayamva anị ẹ mā nyị ẹzẹtẹ.

Ayịsaya 63:15

Ẹnẹyịmavara navọ wa va eyi chi vẹ hụrẹ ẹbẹẹba, aha ọnịnị ọnịrị ụbanyị awụ, dị wee re ịsa ana aa na.

Ayịsaya 63:9

hụụnị avaba ụya ẹnịnị nị. Ẹnẹyịmavara ụvọta ọ dọ wa ha, ẹ yị vị anggẹẹrị. Ộ dọ wa ha agụvị oyisì ọnịrị ayamva anị, ộ vịdị tẹsị ẹnịnị hụrị ẹtẹẹtẹ.

Iruuku 15:20

“Ịzẹyịza, dị ọ kwẹẹtẹ, dị aa ká ada anịị na nị. Ọ màa vẹ ẹ́nẹẹnẹ, dị ada anị re e, dị aa vayị anị nị. Dị ada anị zwe na gẹrị ọ, dị ọ hàrà a ku ayị nị.

Ijeremaya 31:20

Ẹnẹyịmavara kà, ẹwụ nịnị Anisirẹrị ẹ vị ozi ịpaapa anị nị. Ẹwụ nịnị ọnị sì ịrẹyị anị hu nị. Ọnị ọ̀ọ daka aa yịị kụ ayịị hi u nịnị ọnị ee yii rò ịrẹyị awụ nịnị. Ọ kà, ịrẹyị awụ nịnị ẹ́ yị hụụnị ayị anị, ọnị vaa vayị awụ nịnị.

Ayịsaya 60:10

Ẹnẹyịmavara ộ kà yị Ijerusarẹmị ka, anẹkụra ọsa nini vee tenyi ọvọ ẹnịnị dà. Ohinọyị ẹnịnị vaa hẹkẹ wa. Ọnị ộ sị ụya rị wa ayị mẹ kụ ọ. Ama booro aanị, ọnị vaa nyị ayamva yị wa, agụvị ka ọnị ô re wa eyi.

Ayịsaya 42:13

Ẹnẹyịmavara ộ jịnẹ tụ ẹhẹ na kụ̀ ịrẹkụ anka isoja avọọ; O tenyi ẹngụ tenyi, dị ee zí ịrẹkụ nị. Ô họ̀ ogeeke, dị ịrekụ sụ ịrẹyị wanyị nị. Ộ sị ụkata anị zụ̀ ọnịvị anị nịnị.

Ahẹ Ụgama 103:17

Ama Ẹnẹyịmavara vi eneē sì ịrẹyị aza eneē hí angwa anị pooro zịna-zịna. Ịsa ana vọrọ ọọ̄ mẹ yị ezi ẹnịnị ịrẹma-ịrẹma nị.

Ọdọvịdị 10:16

Ịjị ẹ maanị raa da ịpẹ, dị ezi Anisirẹrị nịnị va avaba ori ẹnịnị ha, dị ẹ kụkụ a hẹkẹ Ẹnẹyịmavara nị. Ụyọrị ezi Anisirẹrị ọ zị Ẹnẹyịmavara ẹngụ ẹtẹẹtẹrẹ.

Iwe Ọhụhị Imosiisi ana aa hị́ Ọyịvatụrọda 32:43

Ẹwụ nịnị anẹhẹ wee beri Anisirẹrị aza anị jẹ ịrajẹ agụvị ka ọnị vaa sị ụya rị anaa wụ̀ wa. Ọnị e si ọnịvị atọ, dị ọnị jị eyi ve hụụnị ịvị aza anị.

Iwe Ọhụhị Imosiisi ana aa hị́ Ọyịvatụrọda 32:36

Ẹnẹyịmavara vaa dọ aza anị ha ụmẹ ọnị òo re ka ụkata ẹnịnị ọ̀ọ ta. Ọ vaa vayị aza ana hẹkẹ ẹ, òo re ẹ mẹmẹ tụ̀ ọkụmị. Ẹ yị nyị ọza ana vaa vọ, ọ vị ọrịhị a vị ọza obooro.

Iwe Ọhụhị Imosiisi ana aa hị́ Ọyịvatụrọda 32:16

Ori ọnị ẹ yaa hẹkẹ vị ana mẹ Ẹnẹyịmavara kụ ụhị, di ebira odivi ẹnịnị ee du Ohomorihi ayị nị.

Ayịsaya 37:32

Aza vaa vọọ hi Ijerusarẹmị ọnịrị ataba Ịzayọnị, agụvị ka Ẹnẹyịmavara ọ sị ẹngụ tenyi ka ọnị vaa maanịị mẹ̀ ẹ.

2 Ohinọyị 19:31

Aza vavọọ hi Ijerusarẹmị ọnịrị ataba Ịzayọnị, agụvị ka Ẹnẹyịmavara ọ sị ẹngụ tenyi ka ọnị vaa maanịị mẹ̀ ẹ.