Ijowẹrị 2:17 - IWE ỌNỊNỊ

¹⁷ Ohirẹsụ irehi Ohomorihi nịnị ana vi ezi ahụ anị, ẹ jẹẹ ịnị akakana ụta ịsọvọ ọnịrị oze irehi Ohomorihi, dị ẹẹ jị òrèrè, dị ẹẹ mẹ̀ aduwa: Dị ẹ da ịpẹ ka Ẹnẹyịmavara ọ vayị aza anị. Asị ọ zẹ ka anẹkụra ọsa nịnị ẹ sị eyi wụ̀ wa, dị ẹẹ nyi wa unyi, di e yee họ̀ use ka ịzị Ohomorihi ẹnịnị ya.

Ijowẹrị 2:17 Referans Kwoze

Ezikẹẹrị 8:16

Ịzẹyịza dị ọ sị ọnị ngụ ịnị ohweje ịnị Irehi Ohomorihi nị. Ọ̀ sị gụrị enoze aha ọnịnị, ịnị akakana ụtọ ịsọvọ ọnịrị oze ana a zịị paraahu dị aza ẹnị ohurẹẹhị yà ịzọọ nị. Ẹnịnị ệ varẹma ka aha ọnịnị, dị ẹ va eyi ka ịzị ọyịị̄ hụrẹẹ vẹ, dị ẹ ka ịrẹsụ hi aa hẹkẹ ọyị nị.

Ahẹ Ụgama 115:2

Sị ẹ vẹ dị anẹkụra ẹnẹ ẹ̀ yị yẹ wụ ee họ̀ ka ịzị Ohomorihi ayị yà?

Ahẹ Ụgama 79:10

Asị ụ zẹẹ ka anẹkụra ẹhịmị ẹnẹẹ ẹnẹ ẹ̀ yị yẹ wụ ẹ̀ naa kà a ka ịzị Ohomorihi ọnị ị ka yâ nịya. Navọ wa sị zụ̀ anẹkụra ẹnẹẹ ini eyi ayị ka u vee si atọ ịrẹyị aza awụ ẹnị ẹ wụ.

Imatiwu 23:35

Agụvị avọọ ịrẹsụ ẹwụ nịnị anya avaba ọnịrẹyịzẹyịza ana a wụ̀ aa vẹ nị, hụụnị Ebẹrị ọnịzẹyịza ana a wụ̀ na ngụ usu Ịzakaraya, ozi Ibarakaya ọnị ụ wụ ịnị akakana irehi Ohomorihi ọnịrị ụta ịsọvọ nịnị.

Emọsị 7:2

Ịjị akụvarịva raa rị avaba avị za ọchị avaba aha, dị Emọsị da ịpẹ yị Ẹnẹyịmavara kà ọ vagu Anisirẹrị nị. Dị ọ ka asị ọ vu wa ẹtẹ ka ẹnịnị ẹ yị nyọya.

Ijowẹrị 1:9

Ẹ yị nyị ayị̀ ọnịrị eche ana aa sị vẹ ịnị irehi Ẹnẹyịmavara. Dị Ohirẹsụ irehi Ohomorihi nịnị aa zị ẹngụ ka ẹ yị nyị ịsa ịsọvọ yị Ẹnẹyịmavara nị.

Ihoseya 14:2

Ộ kà ẹnịnị ẹ dà ịpẹ, dị ẹ vaka Ẹnẹyịmavara na. Ẹ dà ịpẹ ẹvagu avaba ebira odivi ịvị ẹnịnị, dị ọ dọ wa agụvị dị ẹnịnị ẹ zụ ga a.

1 Ohinọyị 6:3

Ịkatamba ana yà ọvịdị ohweje irehi ọnọọ ộ gọdọ tù ahụ ohurẹẹwụ, dị ahị ka avọọ ọ mẹ̀ yà kara ụgana irehi ọnọọ nị. Ụgana irehi ọnọọ okiri-okiri vị ahụ ẹwụrẹhị.

Ọyịkụra 34:9

Dị ọ ka, “Ananyị mị, aarịhịnị wèe nyị mi iyi navọ wa saasa yị na. Ịzẹyịza aza ẹnẹnị vị anakamawụ, ama navọ wa vagu yị ịnị avaba ebira odivi ọnị yaa mẹ̀ aanị. Navọ wa sị yị mẹ aza awụ.”

Imika 7:10

Ọnịvị ayị ò re e dị ahịka ụhị ọ kụkụ nyị wa nị. Aza ọnyị vị ene ee họ̀ use ka ịzị ayị ka Ohomorihi ayị ộ yà Ị ka eyee họ̀ use ka ịzị Ẹnẹyịmavara vị ana yà kẹ? Eyi ayị ẹ vaa hyẹdụ dị aa kụ́ ahụụ hi wa zẹtẹ nị Ị ka ẹnịnị vaa hyẹdụ dị ahịka vị ẹ vara eteesu nị.

Emọsị 7:5

Dị Emosi dá ịpẹ yị Ẹnẹyịmavara ọga isoja ka ọ navọ asị ọ vavọọ mẹ dee. E yị va ahụ vẹ ịrẹma, ẹnaa ha ịnị ẹnị ẹnẹ nyọya aanị.

Ezikẹẹrị 20:9

Ama ọnị ẹ yị rẹ va vavọọ mẹ, ọnị yaanị raa sị ẹngụ anị sìsi ẹtẹ ọnị ọọ vavọọ mẹ, agụvị ka eyi avaba aza ẹnẹ ẹnịrị Anisirẹrị nịnị rá vabẹ ọnị kà a yị wa ka ọnị vaa kụ waa hụrị ẹtẹ Ijipiti nị.

Ayịsaya 37:20

Ọ kà, Ẹnẹyịmavara, Ohomorihi ẹnịnị ọ̀ dọ ẹnị ha booro aanị hụụnị ụvọ Anasiriya nịnị; agụvị dị avaba anẹkụra ene hi ẹhẹ ẹ̀ yẹ ẹwụ ịnyara, Ẹnẹyịmavara ọ vị Ohomorihi nị.

Ahẹ Ụgama 89:51

Ẹnẹyịmavara mâ vavọọ sị ẹngụ dọ avaba ụhụ ọnị ọnịvị awụ aa kụ̀ mị. Avaba ahụ ọnị ọza ọnị ụ nyị òo hu vị ẹnị ẹ vaa sị kụ̀ ọ ụhụ.

Ahẹ Ụgama 89:41

Avaba aza ana aa parahu kụkụ aa kụ́ ịsa ene hi ịnị anị, dị anokokooro anị ẹnị ee nyị ọ unyi nị.

Ahẹ Ụgama 79:4

Anokokooro ayị ana ra kara yị vị ana kụkụ aa sị yịị mẹ̀ isiya, di e yee nyị yi unyi.

Ahẹ Ụgama 74:10

Ohomorihi, aanị ka aanị ọnịvị awụ mẹ̀ vaa sị wụụ mẹ enyinyi pooro nị? Aanị ọnịrẹyị awụ mẹ̀ vaa kịị ká wụ isiya pooro nịị?

Ahẹ Ụgama 42:10

Ọnịvị amị aa kụ̀ mị ụhụ ana ahịka ộ kata mị ẹngụ ẹnẹmẹhị Dị ẹ yaa kà a mị eyinị-eyinị ka mba, ịzị mị ka Ohomorihi amị ọ́ọ́ yà?

2 Ịtọpa 8:12

Isoromọnị ộ mẹ̀ ịsọvọ ọrụrụ-ọrụrụ ọnị ọ rị ịra ịrẹsụ ụta yị Ẹnẹyịmavara ọvịdị irehi Ohomorihi.

Iwe Ọhụhị Imosiisi ana aa hị́ Ọyịvatụrọda 32:27

Ama ọnị ẹ yị vaa zẹ ka ọnịvị ẹnịnị e wo oto ka ẹnị e reè huna wa; agụvị ka ọnị ụvọta ộ vavọọ sị wa siisi ẹtẹ nị.

Imatiwu 27:43

Ộ sị ayị tụra Ohomorihi; Ohomorihi òo sì ọọ, ọ̀ dọ ọ tụ́ booro aanị kẹ! Ộ kà a ka Ozi Ohomorihi ọ́nị vị nị.”

Ịmarakayị 1:9

Ama Ẹnẹyịmavara Ochẹtẹẹngụ ka, ịrẹma ẹnị ẹnịnị ohirẹsụ irehi Ohomorihi maanị aa mẹ, dị ẹyaa yị da ịpẹ baaba ka ọnị ọ vayị ẹnịnị, éé ro ka ọnị ve tu wa ohi?

Inehemaya 9:36

Booro anị, ya kụkụ sị vara ọrịhị ịnị ẹtẹ ana nyị ịsa ọrọgọdọ ọnị ụ sị yị ada ayị nịnị.

Ijowẹrị 1:13

Ẹwụ nịnị ohirẹsụ irehi Ohomorihi anaā mẹ̀ ịsọvọ ịrẹsụ ụta anị, kụ ẹnya arụwẹ, dị waa jị òrèrè nịnị! Sị avaba ịrahụ ọyịvụrụ zị ẹngụ ịnị irehi Ohomorihi agụvị ka ẹ yị nyị akụ ọnịrị eche ọyị mẹ̀ ịsọvọ ịnị irehi anị.

Ahẹ Ụgama 42:3

Ẹmịrị orere ọ vị pooro eyinị-eyinị nị, mẹ yị zụ rị ịsa ọnịvị amị ka mba, ịzị mị ka Ohomorihi amị ộ yà?

2 Ịtọpa 7:20

dị ọnị kụ́ wa hụụnị ẹtẹ ọnị ọnị vịdị sị yị wa, dị ọnị kara ụvọ hụụnị irehi anị ọnị ọnị sị tụ́ irenyi ka aa hẹkẹ ọnị ịzọọ. Avaba aza vị ana vaa sị wa mẹ̀ isiya, dị ẹ yaa si eyi wụ́ wa.

1 Ohinọyị 9:7

yẹ ka Anisirẹrị vị ọnị maa kụ́ hụụnị ẹtẹ ọnị mị si yị wa. Irehi ọnọnị ọnị mị sị yị ẹngụ amị aanị vị ọnị maa tụ́ ụvọ kwooze hụụnị ọvịdị amị. Avaba aza vị ana vana sị ịrẹyị Anisirẹrị che ụhị ịrẹyị di e re yee nyị ọ unyi.

Iwe Ọhụhị Imosiisi ana aa hị́ Ọyịvatụrọda 28:37

Anẹkụra ana vọ èe re ịsị ẹ mẹ wụ nịnị, ọ vaa za waa zizi ẹtẹẹtẹrẹ. Ẹnịnị vị ana vaa kụ́ wụ isiya, di e yee nyị wu nini unyi.

Ịrịka 25:6

Ịnị ụmẹ ọnọọ gẹdẹ-gẹdẹ, ọnọrụ ịnya ịnị ẹnịnị na sị ọnyẹnẹẹ Animidiya va ngụ ịzọọ eyi Imosiisi ọnịrị avaba ịragụ Anisirẹrị. Ụmẹ ọnọọ avaba aza vị ene hi ọvịdị ajẹngụ Ẹnẹyịmavara aa jị òrèrè.

Ayịsaya 22:12

Ịhị ọnọọ Ẹnẹyịmavara Ananyị yị Ochẹtẹngụ Ộ hị́ wụ. Ọ kà wa jị òrèrè, dị wa kụ́ ịrẹsụ awụ, dị wa rẹ sị ịta arụwẹ kú ẹngụ.

Ijosuwa 7:9

Ịjị Anikenaani nịnị ọnịrị anẹkụra ana vọ ẹẹ wụ́ ịsị e tu ẹnị, dị ẹ vẹ ẹnị ịrẹkụ dị ẹ wụ́ ẹnị va ha. Ẹnẹyịmavara mẹẹ vaa mẹ̀ ụhị ọnọọ?

Ahẹ Ụgama 42:4

Mâ tamayị ka yàa maanị aa nọ ini irehi Ohomorihi ẹmaa dọ ọvịdị nị Yàa vavọọ aa na dị yaa jẹ, dị yaa jị ahẹ, di ree nowuu kụ́ Ohomorihi avọ Ịjị màa maanị aa tamayị ị mẹ̀ vịdị vavọọ mẹ, dị ayị amị rẹ kụ́ du.

Ahẹ Ụgama 42:11

Ẹ yị hyakụ vọrọ ka ma maanị và ẹngụ hi di mee du ayị Maa sị ayị amịị tụra Ohomorihi Mâ yẹ ka mị rẹ vanaa kụ́ ọ avọ Ọnị ọ vị Ohomorihi amị ana aā dọ mịị tụ́ nị.