Ijowẹrị 2:14 - IWE ỌNỊNỊ

¹⁴ Èe ro ịnẹ, ẹyịyara ọnị ana vị Ohomorihi ẹnịnịị vaa va ahụ vẹ ịrẹma, dị ọnị mẹ̀ ka o zee yị wa, dị akụ ọnịrị eche o zoza, dị ẹ zụ sị akụ ọnịrị eche va mẹ̀ ịsọvọ yị ọnị.

Ijowẹrị 2:14 Referans Kwoze

Ijona 3:9

Ẹnịnị ẹ̀ẹ vavọọ mẹ̀, ẹnẹ yẹ̀ ẹyịyara ayị Ohomorihi vaa rọ, dị ọ va hụụnị ọyịkụ anị, di o yi vu ẹnị ẹtẹ.

Ịhagayị 2:19

Ẹnẹyịmavara ộ rẹ kà a ka, ẹnịnị ẹ yị daka nyị ihu ayị, dị ẹ yi nyị ẹtụtụ ịvayịnị ọnịrị, ihwigi beri orivi, ọnị vaa mẹ̀ ka o ze yị wa.

Ijowẹrị 1:13

Ẹwụ nịnị ohirẹsụ irehi Ohomorihi anaā mẹ̀ ịsọvọ ịrẹsụ ụta anị, kụ ẹnya arụwẹ, dị waa jị òrèrè nịnị! Sị avaba ịrahụ ọyịvụrụ zị ẹngụ ịnị irehi Ohomorihi agụvị ka ẹ yị nyị akụ ọnịrị eche ọyị mẹ̀ ịsọvọ ịnị irehi anị.

Ịzẹhwanaya 2:3

Ama aza ana nyị angwahi Ẹnẹyịmavara ene hi ịzọọ, èe ro ịnẹ, dị ẹ saasa ọda anị nị, ẹyịyara Ẹnẹyịmavara vaa vayị ẹnịnị dị ọ dọ wa ha hụụnị ọyịkụ anị.

Ijona 1:6

Ohirẹsụ anụkọrọ ẹpa ọnọọ ô nee tù Ijona ịzọọ, dị ọ hā a kwẹẹtẹ nị. Dị ọ ka, ọ̀ mẹmẹ nyẹngụ maanị aa sụ̀ ara isu? Dị ọ ka ọ kwẹẹtẹ dị ọnị ọ rẹ hị́ ori ịrẹsụ anị ka ọ̀ va gụ ẹnị ụvọ nị. Dị ohirẹsụ ẹpa ọnọọ kà, ẹnẹ yẹ, ẹyịyara ọ vaa vayị ẹnịnị, dị ọ dọ ẹnị ha hụụnị ụvọ opomi ọnọnị.

Emọsị 5:15

Ọ kà ẹnịnị ẹ nyị ịhyẹrẹ odivi, dị ẹ sì ịrẹyị ebira ọyịza dị ẹ mẹ ịzẹyịza ịnị ikootu ẹnịnị. Ẹnẹ yẹ ẹyịyara Ẹnẹyịmavara vaa vagu aza anaa vọ ẹtẹ.

2 Ohinọyị 19:4

Aanị ohinọyị Ásiriya mẹ̀ tụ ọdọvịdị anụkọrọ anị nịnị ka ẹ̀ va kụ́ Ohomorihi ana yara ụhụ nị. Ẹnẹyịmavara, Ohomorihi ọ̀ wụ ụhụ ẹnẹnị, dị ọ̀ sị ụya rị aza ana vavọọ kụ ọ ụhụ. Agụvị avọọ mẹ̀ aduwa hi Ohomorihi yị ẹnị chee ana vọ aanị.

2 Ịsamụwẹrị 12:22

Di Idevidi kà, “Ịjị ozi ọnọọ yà ịzọọ, mẹ yị rị ịsa, mee sụ́ ùnè ka ọza ọ mā yẹ Ẹnẹyịmavara ọ zụ vayị amị, dị ọ naavọ.

Ọyịkụra 32:30

Eyinẹhẹ anị di Imosiisi va hị́ aza ẹnẹẹ dị ọ kà a yị wa dị ọ ka, “Wéē re ka ebira odivi ọbanyị ụ mẹ nịnị aanị nị. Ama maa hịrẹẹ nọ ịnị ataba nee tụ̀ Ẹnẹyịmavara. Aà ka ọnịị mẹ mị zụ mẹ ka ọ̀ vagu wu nịnị ịnị ebira odivi ọnị ụ mẹ̀ nịnị aanị.”

2 Itimoti 2:25

Ọ̀ọ sị ayohunẹnẹẹ pe aza ana aa kụ̀ụ hịrẹẹ juwe, ịsavọọ Ohomorihi ọ̀ na mẹ ka è re oze ro ịnẹ varẹma, dị ẹ̀ va yẹ ịzẹyịza.

Ijowẹrị 1:16

Áá vị eyi ayị ịsa ịnị aarẹ ayị vu hi ẹtẹ dị ẹ yị nyị ịrajẹ ọnịrị ayohine ịnị irehi Ẹnẹyịmavara?

Ijowẹrị 1:9

Ẹ yị nyị ayị̀ ọnịrị eche ana aa sị vẹ ịnị irehi Ẹnẹyịmavara. Dị Ohirẹsụ irehi Ohomorihi nịnị aa zị ẹngụ ka ẹ yị nyị ịsa ịsọvọ yị Ẹnẹyịmavara nị.

Ayịsaya 65:8

Ẹnẹyịmavara kà, “ọza e yi me du igirepi ozoza ha, vị a sịị̄ mẹ eche ene zoza nị. Ẹ̀ me yi re vee vu aza amị ẹtẹ. Avọọ gẹdẹ-gẹdẹ, mị vaa hụ agụvị ezi ahụ amịị dọ waa ha.

1 Ịsamụwẹrị 6:5

Ọga ori ẹnẹẹ rẹ ka Anihwirisiti nị ẹ vavọọ tụ́ igooru anka ịtahụ ana tụra wa, dị ẹ̀ rẹ vavọọ sị igooru tụ́ usu ene du aarẹ ẹnịnị ha, dị ẹ̀ sị na sị ụbanyị yị Ohomorihi Anisirẹrị. Ọga ori ẹnịnị ẹnẹẹ ka Anihwirisiti nị ẹ̀ vavọọ mẹ, ịsavọọ dị Ohomorihi ọ̀ za ụvọọ jẹẹ dị asị ọ kụkụ rẹ pa ịva yị ẹnịrị ori ẹnịnị ne beri ẹtẹ ẹnịnị.

Ijosuwa 14:12

Dị ọ ka Ijosuwa ọ sị ẹtẹ ịrẹsụ ataba ọnị Ẹnẹyịmavara kà ọ vị anị yị ọnị, Ẹnẹyịmavara vaa gụ ọnị ụvọ dị ọ dọ aza ene hi ịzọọ ẹtẹ anka o me wo oto yị ọnị. Dị ọ ka aa vị eyi Ijosuwa aza ana vọ e juwe ajịmasị ana ra hi ịnị ẹkụra ẹbanyị-ẹbanyị ana jị ọvọ kara.

Ijeremaya 26:3

Ẹnẹyịmavara kà ẹyịyara, ẹnịnị vaa wụ́, dị ẹẹ và hụụnị ebira odivi ẹnịnị. Ẹnịnị èe ro ịnẹ varẹma, ọnị vaa vàa hụụnị ẹngụ ọnị ọnị tenyi ka ọnị ee vu wa ẹtẹ agụvị ebira odivi ẹnịnị.

Ijeremaya 18:8

Aza ẹnẹẹ ẹ̀ẹ va hụụnị ịsị odivi ẹnịnị, ọnị rẹ vaa và a hụụnị ịsị ọnị ka ọnị vaa mẹ wa.

Ijeremaya 26:13

Ọ kà, aa nyị ka wa vara ẹhẹ ọnị waa ra nịnị ọnịrị ịsa ọnị waa mẹ nịnị, dị waa saasa ịrẹyị Ẹnẹyịmavara Ohomorihi awụ nịnị. Wàa vavọọ mẹ nịnị, ẹ́ yị kuku vee vu u nịnị ẹtẹ anka ọ mẹ kà a.

2 Ịsamụwẹrị 16:12

Ẹyịyara Ẹnẹyịmavara òo re ụya ọnị maa rị aanị, ọ vaa sị ịsa ozoza sị mị atọ ụhụ ana aa kụ̀ mị aanị.”