Ijowẹrị 2:11 - IWE ỌNỊNỊ

¹¹ Dị Ẹnẹyịmavara ha iduma dọ ka ịrẹyị yi ọkụrẹkụ anị, dị ẹnịnị wụ́ chire e nị. Ẹkụhị ọnị Ẹnẹyịmavara vaa mẹ̀ ọkarẹyị vaa nyị ẹngụ anị. Ẹnẹ vaa ha?

Ijowẹrị 2:11 Referans Kwoze

Ịmarakayị 3:2

Ẹnẹ vaa zụ jẹẹ ịhị ọ̀ọ vẹ? Ẹnẹ vaa zụ jẹẹ ịhị ọ̀ọ sị ẹngụ zụ? Ọ́ vaa sị mẹẹ anka ọza ana sị ịra rị igooru ka ozoza avọọ nị. Ọ́ rẹ va sị mẹ anka ọza ana sị ụkwọ ana rẹ nyịna ịsa agụvị ọ nị avọọ nị.

Ịnahụmị 1:6

Ẹnẹyịmavara àa kụ́ ayị, ẹnẹ hụ ọ jẹẹ zi ọ? Ẹnẹ zụ ha hụụnị ọyịkụ ọkatẹngụ anị? Ọyịkụ anị vị ana sị mẹ anka ịra anaa rị ọsa avọọ. Dị avaba ịda nịnị sụ̀ atịtọ ọvịdị anị nị.

Ẹtore 18:8

Agụvị avọọ, avaba ụyọrị anị vị ene vee tù ọ ẹkụhị ọnya: ụkụ vaa za a, dị ọ và ẹngụ hi, dị ụngwẹ kụ̀ ọ ẹtẹẹtẹrẹ. A vaa rị ọ ịra agụvị ka Ohomorihi Ananyị yị ana aa mẹ̀ ọkarẹyị anị, ộ nyị ụkata.

Ẹtore 6:17

Ệ kà avọọ, agụvị ka ẹkụhị ọbanyị ana aa sịị kụ́ ayị, o si tù; ẹnẹ va zụụ jẹẹ?

Ijowẹrị 3:16

Ẹnẹyịmavara vee nowu hụrẹ Ịzayọnị, dị ọ ka irutu hụrẹ Ijerusarẹmị, dị ẹbẹẹba ọnịrị ẹtẹ ee ziizi. Ama ọnị vaa dọ aza anị ha, dị ọnị vị ụkata ẹnịnị.

Ijeremaya 30:7

Ẹnẹyịmavara kà ẹkụhị odivi aa vẹ. Ẹ́ yị nyị ẹkụhị ana vaa wụra juwe anị: Ọ kà ụmẹ ọnị aza anị vaa sị rị ụya ọ vaa vị nị, ama ẹnịnị vaa ha.

Ahẹ Ụgama 46:6

Anẹhẹ ee nowu angwa mèe hi wa, ẹkụra nịnị ẹ kụ́ hyẹdụ Ohomorihi mè nowu kú anẹhẹ, ayị ẹnịnị ẹ kụ́ sụ enyi ángwa mè hi wa.

Emọsị 5:20

Ịzẹyịza, ẹkụhị Ẹnẹyịmavara ọnọọ vaa nyị ẹngụ anị. A yi nyị ọza ana vaa ha ịnị ẹnịnị.

Ijowẹrị 1:15

Ẹkụhị ọnị Ẹnẹyịmavara vee sii du ayị hi wa aa gụrị ẹtẹ. Ịhị ọnị Ohomorihi Ochẹtẹẹngụ vee vu wa ẹtẹ vaa daa divi kẹnẹ.

Ijeremaya 50:34

Ama ọza ana vaa dọ waa ha, ọọ kata Ẹnẹyịmavara Ochẹtẹẹngụ ịrẹha anị rị nị. Ọnị ụvọta vaa hụvị ịrẹyị ẹnịnịị kwẹẹtẹ, dị ọ mẹ ka avaba anẹhẹ ẹ̀ nyị ẹngwọọrọ. Ama ọ vaa kụ ẹngụkataa tu Anibabironi nịnị.

Ayịsaya 42:13

Ẹnẹyịmavara ộ jịnẹ tụ ẹhẹ na kụ̀ ịrẹkụ anka isoja avọọ; O tenyi ẹngụ tenyi, dị ee zí ịrẹkụ nị. Ô họ̀ ogeeke, dị ịrekụ sụ ịrẹyị wanyị nị. Ộ sị ụkata anị zụ̀ ọnịvị anị nịnị.

Ayịsaya 13:4

Batọ wáā wụ́ aza màa kụ́ ịrẹka ịnị ataba. Ịrẹka ọnọọ ộ sị zụ̀ ka ẹnịnị ệ rụrụ ẹtẹẹtẹrẹ ana hụrẹ ẹkụra irenyi-irenyi va gụ. Ẹnẹyịmavara Ochẹtẹẹngụ aa hara isojaa gụ.

Ịrịka 24:23

Ẹ yị nyị ọza ana vaa vọ ẹtẹ Ohomorihi aa mẹ̀ ẹ.

Ijowẹrị 2:31

Dị ọyị vene hozi, dị ụhwẹ ee vi anka anya tụ́ ẹbẹẹba. Ịvọpa ẹnẹnị aa sị zụ̀ ka ẹkụhị ọbanyị ọnị Ẹnẹyịmavara vee si du ayị hi aza anị aa gụrị ẹtẹ

Ijeremaya 25:30

Ẹnẹyịmavara kà asị a nyị ka Ijeremaya ẹ́ yị kà avaba ịrẹyị ọnị ọnị kà yọ o. Ọ kà ọ̀ kà a yị avaba aza ẹnẹnị ka, Ẹnẹyịmavara vaa ya ẹbẹẹba dị ọ nowu dị ọ rị ịnyanya hụrị ẹbẹẹba kere-kere, o vee nowu ku aza, dị ọ nowu anka ọza anaa dụ uye avọọ. Avaba ọza vaa wụ̀ ọ ọngwẹ.

Emọsị 5:18

Oogwoo ẹwụ nịnị ana va ụva ka ịhị Ẹnẹyịmavara aa va si zụ̀ ka ọnị ọhụna avaba Anẹhẹ nị. Sị u sị o hí ka ẹkụhị Ẹnẹyịmavara ọnọọ ọ vị nịnị? Wáá yẹ ka ẹkụhị ọnọọ vị ẹkụhị ayodu. A yi vi ẹkụhị ịrajẹ ọ vị.

Emọsị 1:2

Ọ kà: “Ẹnẹyịmavara ộ na owu hụrị ataba Ịzayọnị; ọngwẹ anị ọ katuru hụrẹ Ijerusarẹmị. Dị avị ọnị ịsụpaā rị wara za ẹtẹ, dị avị ene hi ịrẹsụ ataba Ịkamẹrị ee vi nị.”

Ijowẹrị 2:25

Ẹnẹyịmavara kà ọnị vaa va ịsa ana mẹ wa ihi ịnị ụmẹ ọnị akụvarịva sị rị ịsa ịnị aarẹ ẹnịnị ịrẹma yị wa.

Ezikẹẹrị 22:14

Ọ kà ịjị ọnị ọ̀ọ tana ụvọ za wụ nịnị, wéé ro ka, ụ kụkụ yị vaa nyị ọtụtụrụma jẹẹ nịnị? Wéé ro ka, ụ yị vaa nyị ụkataa jẹẹ nịnị? Ẹnẹyịmavara kà ọnị mẹ kà a aanị, avọọ ọnị mẹ vaa mẹẹ nị.

Ayịsaya 7:18

Ịhị ụmẹ ọnọọ òo si tù, Ẹnẹyịmavara vee hú ohi hị́ Anijipiti dị ẹ hara vẹ anka ịsị avọọ, dị ọ rẹ hị́ Anasiriya dị ẹnị kọmị vẹ anka ẹhụ avọọ.

1 Anịtẹsaronika 4:16

Ananyị yị vaa mẹ̀ ọda, dị ohirẹsụ anggẹẹrị nịnị nowu, dị ọpanyị Ohomorihi rẹ sụ́ ịrẹyị, dị Ananyị yị ọnị ụvọta chí hụrẹ ẹbẹẹba aa vẹ. Aza ana sị ayị tụra Ijeesu dị e ve sú, ẹ vịdị vaa haa hụụnị isu nị.

Ijowẹrị 1:6

Otomiroku akụvarịva e reè du ẹtẹ. Ẹnịnị ẹẹ rụrụ, dị ẹ nyị ụkata ẹnẹmẹhị nị. Anyị ẹnịnị ẹ nyị ụkata dị ẹ rẹ anka anyị idu avọọ nị.

Ijowẹrị 2:1

Ẹnẹyịmavara kà e hú ọpanyị, di e na owu tụ ẹhẹ ịrẹsụ Ịzayọnị ana vị ataba anị, dị avaba aza ene hi Ijuda e hí angwa! Ẹkụhị ọnị Ẹnẹyịmavara vaa sị mẹ̀ ọkarẹyị aa gụrị ẹtẹ.

Ijowẹrị 2:2

Ịhị ọnọọ vee hozi ruma-ruma, dị eguhi oji piri-piri chaka ku ẹtẹ. Dị ọkọnị akụvarịva gara hi ịrẹsụ avaba ataba mọọmọọmọ. Ọza ẹ yị vịdị re ịnahọ̀yị ọnọnị da, dị ọza ẹ yị mẹ vene re irima anị paa ịnị ẹhẹ nị.

Ijowẹrị 3:14

Ọkọnị aza ẹ̀ẹ na sị gụ hi inozi ọkarẹyị ọnọọ Ịzọọ ọnọọ, ụmẹ ọnị Ẹnẹyịmavara vaa mẹ̀ ọkarẹyị aa gụrị ẹtẹ nị.

Ọbadaya 1:15

Ụmẹ ọnị Ẹnẹyịmavara vaa sị họ̀ oponu ịrẹsụ avaba anẹkụra ẹnẹẹ aa gụrị ẹtẹ. Avaba odivi ọnị Anedomi nịnị mẹ̀ vị ana vaa vẹ ịrẹsụ ẹnịnị.

Ahẹ Ụgama 18:14

Ịjị o ne ọpa anị, dị ịnyanya rị vee-vee ọ kụ́ ọnịvị anị gara hi, ẹnịnị ệ và tụ́ echi.

Ahẹ Ụgama 68:18

Ộ hịrẹ nọ ẹbẹẹba dị ọ kú aza ọnị ọ za éyi ịrẹkụ aa na nị. Ộ dọ ịsa ẹtẹ hụụnị ụvọ aza Aza ana hyakụ kwẹẹtẹ tù ọ vị ọnị za agụvị dị ọ̀ ra ịzọọ. Dị ẹkụkụ aa tụ́ ịsa ẹtẹẹ yọ nị.