Ijowẹrị 2:10 - IWE ỌNỊNỊ

¹⁰ Dị ẹtẹ ọnịrị ẹbẹẹba ee ziizi; dị ọyị ọnịrị ụhwẹ ẹ yị re oze sị ẹtẹ hweyi, dị ụzọmị nịnị ẹ yị kụkụ zẹtẹ nị.

Ijowẹrị 2:10 Referans Kwoze

Imatiwu 24:29

“Ịjị ụmẹ ụyọrị ẹnẹnị ọ̀ọ ta kẹnẹ, ọyị vee hozi, ụhwẹ ọ yị kụkụ vaa vwẹtẹ, dị ụzọmị nịnị jị hụụnị ihinẹba, dị ụkata ẹbẹẹba re henyi.

Ayịsaya 13:10

Avaba ụzọmị ene hi ẹbẹẹba ẹ yị kụkụ vaa zẹtẹ. Ọ yị ana hụrẹ vi ene vee hozi, dị ụhwẹ ọ yị zẹtẹ.

Ahẹ Ụgama 18:7

Ịjị Ẹnẹyịmavara nyima aa kụ́ ayị, ẹtẹ vi ene ee henyi jigi-jigi dị ataba nịnị ee zizi di e yee hu iruvo nị.

Odeyi 2:20

Ọyị vee hozi, dị ụhwẹ ee ví anka anya avọọ, dị ẹkụhị ọnọọ ò ve tù oni Ohomorihi Ananyị yị vaa sị vaa mẹ̀ ịsa ọbanyị ọnị ọza vee re.

Ẹtore 6:12

Di mi re re, ọ mẹ̀ hụ̀ ịsa ọhụhịnọnyị ana a sị vá iwe ọnọọ nị. Dị ẹtẹ henyi jigi-jigi, dị ọyị kuku ee mine anka ịta ojooji avọọ nị. Dị ụhwẹ ọnị ee ví pooo anka anya avọọ nị.

Ijeremaya 4:23

Ijeremaya ka ọnị ô ré ẹtẹ, ẹtẹ vana tịtẹ juguu kẹnẹ, dị ọ rẹ vị osusu nị. Ọnị ô ré ẹbẹẹba, ẹ yị kụkụ nyị ẹtohweyi.

Ẹtore 8:12

Dị anggẹẹrị ọhụna oni re hú ọpanyị anị nị, dị a sị ịsa nya achẹta ọyị ọnịrị achẹta ụhwẹ ne beri achẹta ụzọmị nịnị, dị achẹta ẹtohweyi ẹnịnị sị hozi nị. Achẹta ụmẹ ọọdụ ọnịrị achẹta ịrahụ ẹnị ẹ yị rẹ kụkụ nyị ẹtohweyi.

Ịnahụmị 1:5

Ẹnẹyịmavara òọ kana eyi kẹnẹ, dị ataba nịnị ee ziizi; dị otutu nịnị nā anka ụsụ ana gụrị ịra avọọ. Dị ẹtẹ ziizi, dị ivoovo za avaba aza ene hi ịrẹsụ ẹtẹ.

Ijowẹrị 2:31

Dị ọyị vene hozi, dị ụhwẹ ee vi anka anya tụ́ ẹbẹẹba. Ịvọpa ẹnẹnị aa sị zụ̀ ka ẹkụhị ọbanyị ọnị Ẹnẹyịmavara vee si du ayị hi aza anị aa gụrị ẹtẹ

Ayịsaya 34:4

Ọyị, ụhwẹ ọnịrị ụzọmị nịnị vaa sùu vaa hi ẹtẹ, dị a maanị kara ẹbẹẹba anka a mẹ̀ẹ kara ụvẹnẹ avọọ. Ụzọmị vi ana vaa sùu hi ẹtẹ anka avị ọchị ịvayịnị ọnịrị avị ọchị ihwigi ana kụ́ wụ avọọ.

Ahẹ Ụgama 114:7

Ẹwụ nịnị anẹhẹ, wàa maanị re Ẹnẹyịmavara ana vị Ohomorihi oni Ijekọvụ aa hẹkẹ, waā banyị nịnị.

Imatiwu 27:51

Dị achị ọratụpọ anaa sị che irehi Ohomorihi, há hi ẹẹva hụrẹ ẹbẹẹba na ngụ ụvẹtẹ waara nị. Dị ẹtẹ henyi, dị ịrẹta nịnị há hi ẹẹva nị.

Emọsị 5:8

Ẹnẹyịmavara ọnị ọ mẹ̀ ụzọmị nịnị nị. Ọnị ọ mẹ oserụhwẹ ọnịrị ụhwaazị nị, ọnị ọọ̄ vara etohozi eyọnị, dị ẹtohweyi vara ịrahụ nị. Ọnị o tụra enyi hụụnị oku vaa hịrẹ, dị ọ zwọ ọ orihi chi vẹ hi ẹtẹ nị.

Ijowẹrị 2:2

Ịhị ọnọọ vee hozi ruma-ruma, dị eguhi oji piri-piri chaka ku ẹtẹ. Dị ọkọnị akụvarịva gara hi ịrẹsụ avaba ataba mọọmọọmọ. Ọza ẹ yị vịdị re ịnahọ̀yị ọnọnị da, dị ọza ẹ yị mẹ vene re irima anị paa ịnị ẹhẹ nị.

Ẹtore 20:11

Mée re aga ohinọyị ọnya aanị. Ọ́ọ banyị ẹtẹẹtẹrẹ, dị ọ vị ọvwọọvụ nị. Dị ọza ịnya yaayịtẹ ịnị anị nị. Dị ẹtẹ ọnịrị ẹbẹẹba ee zwee hụrẹ ọvịdị anị, dị ọza ò yi kuku re wa nị.

Ẹtore 9:2

Dị ọ na oze ọbọbọ ọnọọ, dị areyi dà va jịnẹ hụụnị anị anka areyi ọrịra ọbanyị avọọ nị. Dị areyi ana dà jịnẹ hụụnị ọbọbọ ọnọọ mine ọyị ọnịrị eguhi tịtẹ kẹnẹ nị.

Ayịsaya 5:30

Ịhị ẹkụhị ọnọọ òo si tù, avọọ e mè vee nowu ịnị avaba Isirẹrị anka òkū ana sụrẹyị avọọ nị. Ọza ọ̀ọ kana eyi ịnị ẹtẹ ọnọọ, ịsị o vee re kẹnẹ ọ vị etohozi ọnịrị ẹngụkata nị. Eguhi vị ana vaa mẹ ka avaba ẹtẹ ò hozi.

Ijowẹrị 3:4

Dị Ẹnẹyịmavara họ̀ Anitaya ọnịrị Anisidoni ne beri Anihwirisiti ka sị ẹ vẹ dị ẹ vavọọ aa mẹ̀ ebira hi ọnị? Vị ẹnịnị wéé vi ene si ọnị atọ nị? Àa vị avọọ yị ọọ nị, ọnị vaa vee sị wa atọ obobooro ọnọọ.