Ijowẹrị 2:1 - IWE ỌNỊNỊ

¹ Ẹnẹyịmavara kà e hú ọpanyị, di e na owu tụ ẹhẹ ịrẹsụ Ịzayọnị ana vị ataba anị, dị avaba aza ene hi Ijuda e hí angwa! Ẹkụhị ọnị Ẹnẹyịmavara vaa sị mẹ̀ ọkarẹyị aa gụrị ẹtẹ.

Ijowẹrị 2:1 Referans Kwoze

1Ipita 4:7

Ụmẹ ẹnẹ ẹhẹ ọnọnị vaa sị zẹtẹ, ọ sị gụrị ẹtẹ. Agụvị avọọ sị ụvọ za ẹngụ awụ nịnị, dị ụ wa sị eyi pe ẹtẹ, agụvị dị ụ wa zụụ mẹ̀ aduwa nịnị!

Ijowẹrị 2:15

Hú ọpanyị ịrẹsụ ataba Ịzayọnị; dị ẹ sị hị́ aza gụ, dị asị ọzọza rị ịsa agụvị ka ayị ẹnịnị o yi hine.

Ijowẹrị 1:15

Ẹkụhị ọnị Ẹnẹyịmavara vee sii du ayị hi wa aa gụrị ẹtẹ. Ịhị ọnị Ohomorihi Ochẹtẹẹngụ vee vu wa ẹtẹ vaa daa divi kẹnẹ.

Ijowẹrị 3:17

Isirẹrị vaa yẹ ka ọnị Ẹnẹyịmavara ọ vi Ohomorihi ẹnịnị nị. Ọnị ọ ra Ịzayọnị ataba ọnịnị anị nị. Ijerusarẹmị vaa vị ẹkụra ọtụrenyi, enyisi ọ vị ka isoja anẹkụra ọsa nịnị ẹ rị ọ nị.

Ịmarakayị 4:1

Ẹnẹyịmavara Ochẹtẹẹngụ ka, ẹkụhị aa vẹ ọnị aza ana aa sị ẹngụ tụ ẹba ọnịrị enebira odivi va rị ịra anka azịzẹ avọọ. Ịnị ụmẹ ọnọọ, ẹ va rị ịra saka-saka, dị ẹ yị nyị ịzị ẹ da tịtẹ vụrụ-vụrụ.

Ịzẹhwanaya 3:11

Dị Ẹnẹyịmavara kà, ịnị ụmẹ ọnọọ, ụhị ọ yị kụkụ vaa nyị aza anị ana vịdị mẹ̀ akamawụ hi ọnị. Ọ kà ọnị va kụ́ aza ana aa sị ẹngụ tụ́ ẹba kwooze, dị aza ẹ yị kụkụ vaa mẹ̀ akamawụ hi ọnị ịnị ataba ọnịnị anị.

Ịzẹhwanaya 1:14

Ẹkụhị ọnị Ẹnẹyịmavara vaa sị ụya rị wa aa gụrị ẹtẹ. Ẹ yị jẹẹ dị eyi anị ọ nị. Ẹkụhị odivi ọnọọ aa vẹ ọnị ọka ịrẹkụ ọnọrụ nịnị vee nowu ịjị ẹtẹ ọ̀ọ ka za wa.

Ijeremaya 5:22

Ẹnẹyịmavara kà, wẹ yị daba hí angwa anị nịnịị? Ayị anị ẹ yị daba hụrẹ ẹwụ nịnị ịnẹẹ? Ọnị ọ sị aarẹ tẹ ẹhwị ẹtẹ yị oku ka asị ọ zụ jịnẹẹ pooro nị. Enyi ini òkū ọ zụ jị ayị dị aa da gụgụrụgụ ama ẹ yị zụ jịnẹ ẹhwị ẹtẹ ọnọọ.

Ayịsaya 66:2

Ọ kà ọnị ọ mẹ ẹbẹẹba ọnịrị ẹtẹ nị. Avaba ẹhẹ vị anị. Ayị anị o hine tù aza anaā ka ẹngụ ẹnịnị chi, dị ẹ sị ayị tụra ọnị kẹnẹ, di e hí angwa anị ọ̀ọ ka ịrẹyị.

1 Anịtẹsaronika 5:2

Ẹwụ ụvọta ọ́ọ yẹ ẹtẹẹtẹrẹ ka ẹkụhị ana Ananyị yị vaa sị vaa vẹ vị ana sị mẹẹ anka ẹkụhị oni oyi sịị nọ aha ịrahụ avọọ.

Ọbadaya 1:15

Ụmẹ ọnị Ẹnẹyịmavara vaa sị họ̀ oponu ịrẹsụ avaba anẹkụra ẹnẹẹ aa gụrị ẹtẹ. Avaba odivi ọnị Anedomi nịnị mẹ̀ vị ana vaa vẹ ịrẹsụ ẹnịnị.

Emọsị 3:6

Ọpanyị ịrẹkụ ọ́ọ́ zụ sụ́ ịrẹyị ịnị ẹkụra, di asị ọza hí angwa? Odivi óó zu tu ẹkụra dị asị Ẹnẹyịmavara nyị ụvọ tụ̀ ọ.

Ihoseya 5:8

Ẹnẹyịmavara kà e hu ọpanyị Igibeya. E hu ọpanyị ịrẹkụ Ịrama. E na owu ịrẹkụ Ịbẹtị-aveni. Anịbẹnjamịnị nịnị e si eyi pe ẹtẹ ka ịrẹyị aa vẹ.

Ezikẹẹrị 7:12

Ọ kà ụmẹ ọọ vẹ, ẹkụhị o si tu. Navọ asị aza anaa hị́ ịsa hine ayị ka ọọ mẹ yị ọnị, asị aza anaa ná ịsa du ayị ka ẹ́ yị gụụ yị ọnị, agụvị ka avaba ịsa vị ọnị ọnị vaa sị ọyịkụ-ọyịkụụ vú ẹtẹ.

Ijeremaya 4:5

Ẹnẹyịmavara kà, nọ̀ọ ẹtẹ Ijuda ọnịrị Ijerusarẹmị ka, è hú ịkakanchị ngụ avaba ẹkụra zịịzị, è na owu tụ ẹba dị ẹ̀ kà a ka, à kụ ẹngụ gụ dị aa nọ ịnị ẹkụra ana a jị ọvọ kara.

Ijemiisi 5:8

Ẹwụ nịnị ọ̀ rẹ vavọọ nyị isuuru, dị ụ wa nyị ayị ọnya, agụvị ka Ananyị yị aa vaa vaa vẹ.

Anihwiripi 2:12

Ẹwụ nịnị anda ayị, anka ụ mẹ̀ yịị wụ́ ịrẹyị amị, m mẹ̀ yà ịdị awụ nịnị, wa vavọọ yịị wụ́ ịrẹyị amịị hu avọọ nịnị, m mẹ̀ yị mẹ daka kụkụ yà ịdị awụ nịnị aanị. Sị angwahi Ohomorihi beri ẹgahị, wa sịị mẹ̀ ụkọrọ ana vaa mẹ ka wa há nịnị;

Ịzẹhwanaya 1:16

Ịhị ọnọọ ọpanyị ịrẹkụ kẹnẹ ọnịrị owu ịrẹkụ ọkụrẹkụ nịnị ana nọ ịrẹkụ ẹkụra ana aa jị ọvọ kara, dị a da irehi ọgọdọ-ọgọdọ hi, aza vaa wụ́ ịrẹyị nị.

Emọsị 8:2

Dị ọ họ̀ Emọsị ka ịsị ọ re nị. Dị Emọsị tu ọ ohi ka ọnị o re uji ohihi ini ọhahị ẹtụtụ ẹnẹ vị. Dị Ẹnẹyịmavara kà aanị ẹhẹ Anisirẹrị me va za ịrẹsụ nị. Ọnị ẹ yị kụkụ vaa vagu wa.

Ihoseya 8:1

Ẹnẹyịmavara kà Anisirẹrị nịnị e hu ịkakanchị ịrẹkụ ka aza ọnọ, ka ẹnịnị ệ mẹ̀ akamawụ hi ọda anị, dị ẹ sị ahụ jịnẹ oto ọnị ọnịrị wa mẹ̀ tịtẹ, ọnịvị ẹnịnị vee chi hi wa ịrẹsụ anka ọkasịmẹ avọọ.

Ezikẹẹrị 33:3

Ụmẹ ọnị oserẹtẹ ọnọọ òo re ka ọnịvị ẹnịnị aa gụrị ẹtẹ, dị o hú ọpanyị ọ̀ yị kà ọzọza ọnọ.

Ezikẹẹrị 12:23

Ọ kà ọnị ọ̀ kà a yị wa booro aanị ịsị ọnị Ohomorihi Ananyị ụkata hu kere-kere kà ịnị ụhịrẹyị ọnọọ: Ọnị vaa za ụhịrẹyị ọnọọ jẹẹ, dị ọza ẹ́ yi me vene che e ịnị ẹtẹ Isirẹrị. Ama ọnị ộ kà a yị wa ka, ụmẹ o si tu, ọnị avaba ịsị a kà sị nyima aa mẹ.

Ezikẹẹrị 7:10

Ọ kà, ẹwụ nịnị Anisirẹrị ẹkụhị ọnị ụ vaa sị rị ụya nịnị aa vẹ. Ebira jugu-jugu vị ọnị ọzọza kụkụ aa mẹ o me zee e eyi. Ọzọza vị ana kụkụ à sị ẹngụ tụ ẹba ọ mẹ zụ mẹ zụ.

Ịdanịyẹrị 9:20

Ịdanịyẹrị ka, ọnị maà mẹ̀ aduwa dị ọnị aa dọ irenu ịvị anị ọnịrị ịvị aza anị Anisirẹrị nịnị nị. Dị ọnị aa da ịpẹ ka Ẹnẹyịmavara ana vị Ohomorihi anị ọ̀ navọ dị ọ varẹma tenyi irehi Ohomorihi anị dà nị.

Ịdanịyẹrị 9:16

Ẹnẹyịmavara, anka ụ mẹ mẹ̀ ịzẹyịza hi yị ịyẹẹyẹ navọ a sị ụ kụkụ kụ ayị hi Ijerusarẹmị huni aanị. Ẹkụra awụ ọnị ụ yaā sị ẹngụ awụ zụ ọ vị nị. Ama agụvị ebira odivi ohiku ayị nịnị, Ijerusarẹmị ọnọọ ọnịrị aza awụ avaba anẹkụra ana kara a kụkụ a sị mẹ enyinyi aanị nị.

Ịdanịyẹrị 6:26

Ọ kà, ọnị ộ mẹ̀ ẹ ọda ka ịnị avaba anẹkụra ọnị ọnị vị ohinọyị ẹ̀ sị ụbanyị yị Ohomorihi ọnị Ịdanịyẹrị aa hẹkẹ, dị ee hí angwa anị. Agụvị ka, ọnị ọ vị Ohomorihi ana yara pooro nị. Ọnị ọ rẹ vaa mẹ ịjọva pooro nị. Ẹ yị nyị ọza ene ve zụ vú ịjọva anị ọnịrị ụkata anị ẹtẹ.

Ezikẹẹrị 33:6

Ama oserẹtẹ ọnọọ òo re ka ịrẹkụ aa vẹ, dị è yi hu ọpanyị dị ọ sị ka aza ọnọ, dị ọnịvị kụ́ ịrẹkụ vẹ dị ẹ va wụ̀ ọza ọnyọọnyị nị, ọza ọnọọ vị ana wụ agụvị ebira odivi anị. Ama oserẹtẹ ọnọọ vaa kụ́ irenu anị ịrẹsụ iswọọza ọnọọ.

Ijeremaya 16:10

Ọ kà Ijeremaya ọ̀ọ maanị kà avaba ịrẹyị ọnọnị yị wa, ẹnịnị vaa họ̀ use ka sị ẹ vẹ dị ọnị ka ọnị maanị aa sị ụyaa ọngwọọngụụ rị ẹnị aanị? Ẹnịnị vaa họ̀ ka sị ẹ vị ebira odivi ẹnẹ ẹnị rị ịvị anị kẹ? Sị ẹ vị ebira odivi ẹnẹ ẹnị mẹ hi Ẹnẹyịmavara Ohomorihi ẹnịnị?

Ijeremaya 16:7

Ẹ́ yị vaa nyị ọza ana vaa mẹ̀ ịsa ana yị ọsa avịka a ká enyi na yị aza ọ̀yị sị wa ayị nẹtẹ ka aza ẹngụ ẹnịnị ô sú. Ọza ana ada anị avị ọnyị anị ọọ hyakụ sú, e yi vee re ọza pe e zị ẹngụ.

Ayịsaya 66:5

Batọ ịrẹyị Ẹnẹyịmavara ẹwụ nịnị ene hí angwa anị: Aza awụ nịnị ana nyị ịhyẹrẹ awụ di e yi wụ tịtẹ agụvị anị vaa sị wụ nịnị mẹ enyi ini. Dị ẹ ka, Ẹnẹyịmavara ọ́ sị ụkata anị zụ dị ẹnị e re kẹ. Ama ẹnị a vaa mẹ̀ ụhị nyị nị.

Ayịsaya 2:12

Ẹnẹyịmavara ọ nyị avaba ụkata nị. Ọ raà jị ẹkụhị ọnya tịtẹ. Ịhị ọnọọ ọ vaa za avaba aza ene ee wu ịka zị dị ọ kà wa chi, dị ọ mẹ̀ ụhị nyị wa.

Ahẹ Ụgama 119:120

Angwa awụ vi ene ee hí mị, dị ẹngụ amị aa dá ẹgahị agụvị ọkarẹyị ọnị ụụ̄ mẹ.

Ahẹ Ụgama 87:1

Ẹnẹyịmavara vị ana dà ẹkụra anị tụ́ ịrẹsụ ataba ọnịnị anị.

Ịrịka 10:3

Ee hu ịkakanchị ẹyịva ẹnẹẹ kẹnẹ, dị aza ẹ wara gụ enoze ajẹngụ Ẹnẹyịmavara.

Ịzakaraya 8:3

Ịsị Ẹnẹyịmavara Ochẹtẹẹngụ kà yị: Ọ kà ọnị vaa vavẹ Ịzayọnị, dị ọnị ra Ijerusarẹmị. A vaa hị́ Ijerusarẹmị ẹkụra ọnịrẹyịzẹyịza, dị a hị́ ataba Ẹnẹyịmavara Ochẹtẹẹngụ ataba ọnịnị

1 Ịtọpa 15:28

Avọọ avaba Anisirẹrị nịnị mẹmẹ na sị apoti oto Ẹnẹyịmavara, dị eyee nowu ẹ maa jẹ ịrajẹ. Ẹnịnị ee hú ọpanyị ịdẹba, ọnịrị ịkakanchị, dị ẹyaa kụ ịchachaa nya ẹngụ, dị é re yee hú igita irenyi-irenyi nị.

1 Anịkọrịntị 14:8

Ọpanyị àaa sụ́, dị ọza ẹ̀ yị yẹ ịsa aa kà nị, ene vee tenyi ẹngụ ịrẹkụ?

Ẹtore 6:17

Ệ kà avọọ, agụvị ka ẹkụhị ọbanyị ana aa sịị kụ́ ayị, o si tù; ẹnẹ va zụụ jẹẹ?

Ọyịkụra 10:14

Dị ẹ ká hi avaba Ijipiti dị ẹ chaka kú avaba aha ịnị ẹtẹ ọnọọ kẹnẹ nị. Â yị vịdị vavọọ nyị otomiroku akụvarịva da. A ma rẹ vana vavọọ nyị.

Ezikẹẹrị 30:3

Ẹkụhị ọnị Ẹnẹyịmavara vaa sị mẹ ịrẹyị ọ sị gụrị ẹtẹ. Ẹkụhị ọnị ịsa ọrụrụ-ọrụrụ vee du, dị ọ vị ẹngụkata yị ẹkụra ọrụrụ-ọrụrụ ọ́ vị̀ nị.

Ijowẹrị 2:11

Dị Ẹnẹyịmavara ha iduma dọ ka ịrẹyị yi ọkụrẹkụ anị, dị ẹnịnị wụ́ chire e nị. Ẹkụhị ọnị Ẹnẹyịmavara vaa mẹ̀ ọkarẹyị vaa nyị ẹngụ anị. Ẹnẹ vaa ha?

Ijowẹrị 2:31

Dị ọyị vene hozi, dị ụhwẹ ee vi anka anya tụ́ ẹbẹẹba. Ịvọpa ẹnẹnị aa sị zụ̀ ka ẹkụhị ọbanyị ọnị Ẹnẹyịmavara vee si du ayị hi aza anị aa gụrị ẹtẹ

Ijowẹrị 3:14

Ọkọnị aza ẹ̀ẹ na sị gụ hi inozi ọkarẹyị ọnọọ Ịzọọ ọnọọ, ụmẹ ọnị Ẹnẹyịmavara vaa mẹ̀ ọkarẹyị aa gụrị ẹtẹ nị.

Emọsị 5:18

Oogwoo ẹwụ nịnị ana va ụva ka ịhị Ẹnẹyịmavara aa va si zụ̀ ka ọnị ọhụna avaba Anẹhẹ nị. Sị u sị o hí ka ẹkụhị Ẹnẹyịmavara ọnọọ ọ vị nịnị? Wáá yẹ ka ẹkụhị ọnọọ vị ẹkụhị ayodu. A yi vi ẹkụhị ịrajẹ ọ vị.

Ịzakaraya 14:1

Ẹkụhị ọnị Ẹnẹyịmavara vaa sị mẹ̀ ọkarẹyị aa gụrị ẹtẹ. Ịhị ọnọọ dị anẹkụra ọsa vaa kụ́ ogu Ijerusarẹmị, dị ẹ ga hi ẹngụ ụvọ eyi ẹnịnị.

Ịrịka 10:2

ọ sị enyusẹ ana a hị́ isiriva tu ịkakanchị ẹẹva, dị aa sị hị́ aza gụ ọnịrị a sị tama aza ayị ka e ne ajẹngụ ẹnịnị dị ẹ kụ̀rà.

Ayịsaya 13:6

Tụ́ ụvọ kú ịrẹsụ wee nowu ka ẹkụhị ẹnẹ Ẹnẹyịmavara Ochẹtẹẹngụ vaa sị wụ̀ azaa ha o si tù.

Ayịsaya 13:9

Ẹkụhị Ẹnẹyịmavara aa vẹ. Ẹkụhị ọnị ọ vaa sị kụ́ ayịị hi aza. Ẹkụhị odivi ịhị ọnọọ vaa vị nị. Ịhị ọnọọ Ohomorihi vaa wụ̀ ọnịvị nịnị vaa ha, dị ọ tụ́ ẹtẹ ọnọọ osusu.

Ezikẹẹrị 21:12

Ọ kà, ọnị ozi-ọza oo du ayị, dị ọnị aa jị òrèrè agụvị ka aza anị Anisirẹrị nịnị ọnịrị ọdọvịdị ẹnịnị ee ne ụhwọ ọnọnị aanị nị. Va ụvọ ku ịrẹsụ, waa jị òrèrè agụvị ka avaba ẹnịnị a vaa wụ̀ nị.

Ịzẹhwanaya 1:7

Dị ọ ka, ẹnịnị ẹ mẹ hẹẹ ka ẹkụhị ọnị ọnị vaa sị mẹ̀ ọkarẹyị yị wa aa gụrị ẹtẹ. Ọ kà ọnị ô tenyi ẹngụ ka ọnị ọ̀ hụrẹ wa ụvọ, dị ọnịvị ẹnịnị ẹ va hụ wa hụụnị ẹtẹ ẹnịnị.