Biblia Todo Logo
Bib sou entènèt

- Piblisite -




Ijowẹrị 1:8 - IWE ỌNỊNỊ

8 Waa jị òrèrè nịnị anka ozwoorihi anaa ba arụwẹ ọza ana ka ọnị aa nyị ọ ene su avọọ.

Gade chapit la Kopi




Ijowẹrị 1:8
13 Referans Kwoze  

Ịhị ọnọọ Ẹnẹyịmavara Ananyị yị Ochẹtẹngụ Ộ hị́ wụ. Ọ kà wa jị òrèrè, dị wa kụ́ ịrẹsụ awụ, dị wa rẹ sị ịta arụwẹ kú ẹngụ.


Wéé yi yẹ ka ọnyara Ẹnẹyịmavara mẹ̀ ewuri ese wụ nịnị nị? Ộ vavọọ mẹ̀ agụvị dị ezi ewu nịnị ẹ vị aza Ohomorihi. Sị ụvọ za ẹngụ awụ ịnị ịrẹyị ese ọnị ụ nyị hụụnị ozweyi awụ nịnị nị. Asị a nyị aza awụ nịnị ana mẹ̀ wa rị.


Ẹwụ nịnị ọnyẹkẹhị, sị ụtọ pe ẹtẹ nịnị! Tụ́ ụvọ kú ịrẹsụ, dị ụ waa jị òrèrè nịnị agụvị ụya ana aa vẹ ịrẹsụ awụ nịnị.


Ẹnẹyịmavara kà ọnị ve du wa ayị ẹkụhị eche ẹnịnị, dị ẹ va ẹngụ hi. Dị aahẹ ẹnịnị vana vara orere oku. Dị ẹ kụ ẹnya ara hi ẹngụ anị ka ọza ọnị ọzị ikonya ọnị ọ nyị su avọọ.


Ọ kà ẹwụ nịnị vaa hị́ ọnị booro aanị ka, ọnị ọ vị Ada awụ nịnị, dị ọnị sì ịrẹyị awụ nịnị hụụnị ozweyi nị.


Ẹwụ nịnị anẹẹ ene ro ka ẹ yị nyị ịrẹyị aanị, â nyị ka angwa òo hi wu, dị waa dá ẹgahị nịnị, o! Ngwa ịta ọvị awụ nịnị hị́ ẹtẹ dị wa sị ịta orere vụ́ nịnị.


Ọsẹrẹka vị ana hụrẹ ọva anị ụvọ agụvị ka ọ raà sị ayị hụụnị eku ọnị ọnịrị ọva anị hị́ yị ẹngụ.


Avaba oze Ijerusarẹmị aa zị ẹngụ ka ẹ yị ọza ana aa zị ẹnị. Avaba Oze ovwoovu ọbanyị anaā zịị ngụ ẹkụra vi osusu Ẹ yị nyị ọza ana kụkụ a vẹ ịnị irehi Ohomorihi vaa mẹ ahẹkẹ ẹkụhị eche. Ezi ẹnyẹnẹẹ anaā jị ahẹ ịnị irehi Ohomorihi kụkụ e sụ ùnè, dị ohirẹsụ irehi Ohomorihi nịnị eè rimanya nị. Ijerusarẹmị aa ba arụwẹ ọngwọọngụ.


Swiv nou:

Piblisite


Piblisite