Ijowẹrị 1:7 - IWE ỌNỊNỊ

⁷ Ẹnịnị e reè du avaba aarẹ ịvayịnị ẹnịnị ha. Ẹ raà rị avaba ọchị ihwigi. Dị ẹ hụ̀ uguha ọchị ẹnẹẹ va haa nị, dị avọ́ ọchị ẹnẹẹ wụ̀, dị ẹ kụkụ aa vwẹtẹ nị.

Ijowẹrị 1:7 Referans Kwoze

Emọsị 4:9

Ẹnẹyịmavara kà, ọnị tụ́ ahị ịrịra ka ọ wụ ịsa ịnị aarẹ ẹnịnị. Dị akụvarịva rị avaba ịsa ene hi ịnị ụbazị ịvayịnị ọnịrị orivi ne beri ihwigi ẹnịnị. Avaba ẹnẹnị ọ yị hụ ọ tura wa ka pe Ẹnẹyịmavara.

Ayịsaya 5:6

Di o kuku du ẹtẹ ọnọọ ha, dị ọ navọ ọchị ịvayịnị anị dị o yi tenyi ọ, dị ọ yị rẹ kụkụ bàrà hi ọ. Di ikeyi ọnịrị avị edivi-edivi kuku hi hi ọ. Ọ yị rẹẹ kụkụ vaa zẹẹ ka orihi ọ̀ zụ tụ́ ọ.

Ijowẹrị 1:12

Ọchị ịvayịnị ọnịrị ọchị ihwigi ệ raà wụ̀. Avaba ọchị anaā tụ́ ẹtụtụ ẹ kụ̀ wụ̀: Ipomegiraneti, adevino ọnịrị apụrụ. Agụvị avọọ dị ayị aza kú du chuku-chuku nị.

Ihabaku 3:17

Ọ daka vị ka ọchị uhwigi nịnị ẹ yị jị ododo, dị ẹ yị nyị ẹtụtụ ịnị ọchị ịvayịnị nị; ọchị orivi nịnị ẹ yị daka tụ́, dị ẹ yị nyị ịsọyịrị ịnị aarẹ nị, dị ịsụpa sù ha, dị ịga vị osusu nị,

Ihoseya 2:12

Ẹnẹyịmavara kà ọnị vee du ụbazị ịvayịnị ọnịrị ọchị ihwigi ọnị onyeehi anị sị si ọ ụta ịbẹhị anị ha. Ọ́ kà ọnị vaa vara ịzọọ iruku, dị uye ini avị aa rị ịsa ene hi ịnị anị.

Ijeremaya 8:13

Ẹnẹyịmavara kà, ọnị vaa dọ wa ịsị ịnị aarẹ ẹnịnị. Ẹ yị vaa nyị ẹtụtụ ịnị ọchị ịvayịnị ẹnịnị. Ọchị ihwigi ẹnịnị ẹ yị rẹ vaa nyị ẹtụtụ. A vaa dọ wa avaba ịsị ọnị vịdị sị yị wa.

Ayịsaya 24:7

Ẹtụtụ ọchị ịvayịnị ana a sịị̄ mẹ eche e kụ́ sụ và ha. Ọza o yi kuku re eche. Avaba aza ana vịdị aa mẹrị zị vi ene kuku ee sụ ùnè.

Ahẹ Ụgama 105:33

Ọchị ịvayịnị ọnịrị ihwigi vị ana apaana ihinẹba du ha neberi ọchị ana vọ ene hi ịnị ẹkụra ẹnịnị.

Ọyịkụra 10:15

Di e kú eteesu pipipi, dị ẹtẹ kuku ee mine kẹnẹ nị. Dị ẹ za avaba ịsa ana ata orihi navọ tịtẹ, dị ẹ rị wa nị. Avaba ịsị ẹ chị hi ịnị aarẹ ọnịrị ẹtụtụ ene hi ịnị ọchị vị ẹnẹ rị za ẹtẹ, kụkụ nyị ịsị aa hị́ avị ohwoohu ikonya ịnị avaba ẹtẹ Ijipiti.

Ọyịkụra 10:14

Dị ẹ ká hi avaba Ijipiti dị ẹ chaka kú avaba aha ịnị ẹtẹ ọnọọ kẹnẹ nị. Â yị vịdị vavọọ nyị otomiroku akụvarịva da. A ma rẹ vana vavọọ nyị.

Ayịsaya 32:12

Tụ̀ ụvọ kú ịrẹsụ di wee sụ ùnè nịnị agụvị ka a kụ́ aarẹ ozoza-ozoza ọnịrị ụbazị du và ha.

Ịmarakayị 3:11

Dị ọ ka ọnị ẹ yị vaa zẹ ka akụvarịva e du ịsa ịnị aarẹ ẹnịnị ha. Ọnị ẹ va zẹ ka ẹtụtụ ịvayịnị ẹnịnị ẹ wọrọ ẹbazị.