Ijowẹrị 1:2 - IWE ỌNỊNỊ

² Batọ ẹwụ nịnị azọkụ; Ẹwụ nịnị ene hi Ijuda ọzọza ọ sị ụtọ pe ẹtẹ. Áá maanị nyị ịrẹyị ana vịdị mẹ̀ da ịnị ụmẹ awụ nịnị, a vị ịnị ụmẹ ohiku awụ nịnị?

Ijowẹrị 1:2 Referans Kwoze

Ijowẹrị 2:2

Ịhị ọnọọ vee hozi ruma-ruma, dị eguhi oji piri-piri chaka ku ẹtẹ. Dị ọkọnị akụvarịva gara hi ịrẹsụ avaba ataba mọọmọọmọ. Ọza ẹ yị vịdị re ịnahọ̀yị ọnọnị da, dị ọza ẹ yị mẹ vene re irima anị paa ịnị ẹhẹ nị.

Ihoseya 5:1

Batọ, ẹwụ nịnị ohirẹsụ irehi Ohomorihi! Sị ụtọ pe ẹtẹ ẹwụ nịnị Anisirẹrị, batọ ẹwụ nịnị anovwoovu ohinọyị! A vọrọ ka wa sị ịzẹyịza mẹ̀ ọkarẹyị nịnị. Agụvị avọọ ọkarẹyị aa vẹ ịrẹsụ awụ nịnị! Ẹnịnị ê vene aza naa hẹkẹ ori ene hi ịnị ataba Imizipa ọnịrị Ịtabọ

Ijeremaya 30:7

Ẹnẹyịmavara kà ẹkụhị odivi aa vẹ. Ẹ́ yị nyị ẹkụhị ana vaa wụra juwe anị: Ọ kà ụmẹ ọnị aza anị vaa sị rị ụya ọ vaa vị nị, ama ẹnịnị vaa ha.

Ijoovu 8:8

Ibiridadi kà a Ijoovu o ne họ̀ use ịrẹyị hụụnị ụvọ azọkụ, dị ọ kọsẹ ịrẹyọyẹ.

Imatiwu 24:21

Agụvị ka ịhị ọnọọ ụya ene vee chí hi ẹtẹ, ẹ̀ yị vịdị vavọọ nyị ụya da, Óhomorihi mẹ̀ hụrẹ mẹ ẹhẹ pooro ve tù ọyaanị. A mā rẹ vana vavọọ nyị ị́rẹma anị.

Imatiwu 13:9

Ọza ana àa nyị ụtọ ọyịsị wụ́ ịrẹyị, ọ̀ sị ụtọ pe ẹtẹ!”

Imika 3:9

Ẹwụ nịnị ọdọvịdị anovwoovu Ijekọvụ ò batọ. Mị ka ẹwụ ọdọvịdị Anisirẹrị ene è yi mē sì ịzẹyịza è batọ dị ẹ̀ wụ́ ịrẹyị amị.

Imika 3:1

Ẹnẹyịmavara kà we batọ nịnị ẹwụ nịnị ọdọvịdị anovwoovu Ijekọvụ. Ọ kà ọnị ka ẹwụ nịnị ọdọvịdị Anisirẹrị è batọ di wa wụ́ ịrẹyị. Ẹwụ nịnị a vọrọ ka ọ̀ yẹ ịsa ana vọrọ nị.

Imika 1:2

Batọ nịnị o, avaba ẹwụ nịnị anẹhẹ; avaba ẹwụ nịnị ene hi ẹhẹ ò batọ dị ọ̀ wụ́ ịrẹyị. Ẹnẹyịmavara Ohomorihi vaa dọ ivenu ịsa ọn ị ụ mẹ̀. Batọ! Ọ vaa ka ịrẹyị hụrị ini eehi anị ịnị ihinẹba.

Emọsị 5:1

Ẹnẹyịmavara, ô hị́ Anisirẹrị, dị ọ ka e batọ ahẹ ọnị ọnị aa sị zị ẹngụ yi wa.

Emọsị 4:1

Ẹnẹyịmavara kà Anẹẹ Anịsamarịya ana dẹngụ anka ụnọ Anịbasanị avọọ e batọ ịrẹyị anị. Ẹnịnị aa mẹ̀ ẹvaya yị onosiye nịnị, di ẹ yaa chamayị yi onuruwa nịnị nị. Eche kẹnẹ ẹ ka ọva ẹnịnị ẹẹ kụ yi ẹnị hu nị.

Emọsị 3:1

Ẹnẹyịmavara ọ hị́ Anisirẹrị ka e batọ ịrẹyị ọnị ọnị vaa ka yị wa. Ịrẹyị ọnọọ ọ za avaba ẹnịnị ọnị ọ kụ̀ hụrị ẹtẹ Ijipiti vẹ.

Ijowẹrị 1:14

Hị́ ịragụ gụ Mẹ̀ ẹ ọda ka a za awẹ. Kụ́ azọkụ ọnịrị avaba anijuda nịnị gụ ịnị irehi Ẹnẹyịmavara Ohomorihi ẹnịnị, dị ee sụ́ ùnè hi Ẹnẹyịmavara ẹngụ.

Ihoseya 4:1

Ẹwụ Anisirẹrị batọ wa wụ́ ịrẹyị Ẹnẹyịmavara nịnị. Ộ kà ẹwụ nịnị ana ra ịnị ẹtẹ ọnọnị ọ nyị ịrẹyị anị. Ẹ yị nyị ọza awụ nịnị ana mẹ̀ ịzẹyịza, a vị sì ịrẹyị anị. Ẹ yị nyị ọza ana tẹsị anị.

Ịdanịyẹrị 12:1

Ụmẹ aa vẹ anaa vaa nyị ẹngụkata ana ahịka ẹ yị vịdị vavọọ nyị da á mẹ hụrẹ nyị ẹkụra anaā hị́ Isirẹrị. Ụmẹ ọnọọ Ịmayịkẹẹrị ana vị anggẹẹrị ana sị eyi pe Anisirẹrị nịnị vaa kwẹẹtẹ. Ịjị ụmẹ ọnọọ òo tu, Ohomorihi vaa dọ avaba Anisirẹrị ọnị ịrẹha ẹnịnị hi ịnị iwe anịị ha.

Ijeremaya 5:21

Ẹwụ nịnị ọnụra ẹnẹẹ yị yẹ ịrẹyị aanị ẹ̀ wụ o, waa nyị eyi nịnị ama we yi si re ẹtẹ nịnị, waa nyị ụtọ nịnị ama wẹ yị sị wụ́ ịrẹyị nịnị.

Ayịsaya 34:1

Ẹwụ nịnị avaba anẹhẹ, vẹ dị wa va wụ́ ịrẹyị nịnị. Avaba ẹhẹ ọnịrị avaba ịsị e hi ịnị anị ẹ̀ batọ dị ẹ̀ wụ́ ịrẹyị.

Ayịsaya 7:17

“Ama ẹwụ Ahazi, Ẹnẹyịmavara vaa sị ụyaa rị ẹwụrị aza awụ ne beri ovwoovu ada awụ. Aza ẹ yị vịdị vavọọ rị ụya hụrẹ ụmẹ oni Ehwireemi sị hụrẹ ha hụrẹ ẹngụ Ijuda. Aa sị ohinọyị Anasiriyaa vẹ.”

Ahẹ Ụgama 49:1

Ẹwụ nịnị anẹhẹ, ọzọbanyị ọnịrị onosiye navọ wa sị ụtọ pè ịrẹyị ọnị maa vaa kà aanị.

Ijoovu 21:7

Sị ẹ vị dị Ohomorihi zẹ ka aza edivi ẹ yara, dị ẹhẹ mẹ yị wa, di e ku orubo?

Ijoovu 15:10

Azọkụ ene nyị ẹwa ana vịra huu ada Ijoovu ẹ kọ ẹnị ịrẹyọyẹ nị.

Ijoovu 12:12

Ịrẹyọyẹ wàa ya ịnị orubo nị

Ẹtore 2:7

Ọza ana àa nyị ụtọ, ọ̀ sị ụtọ pe ịsa ọnị ụhwẹ Ohomorihi aa kà a yị anịragụ Ohomorihi! Ọza ana àa nyị ehuna, mị vaa sị ọdaa yọ ka ọ̀ rị ẹtụtụ ọchị ana aā mẹ ka ọza ọ̀ yàra pooro zịna-zịna, ana yà ịnị Aha Ọyịza ịdị Ohomorihi.