Ijowẹrị 1:18 - IWE ỌNỊNỊ

¹⁸ Agụvị ẹtẹ ọyịwụ̀ di imaaru nịnị ee na owu ayodu nị. Ẹ yị nyị avị ana vọrọ ka ẹ rị. Dị atẹmẹ nịnị aa rị ụya nị.

Ijowẹrị 1:18 Referans Kwoze

Ihoseya 4:3

Ẹtẹ ẹnịnị ọ sị tụ́ osusu agụvị ka aza ọnịrị uye ne beri inomi ọnịrị ivovo ịnị oku ne beri avaba ịsa ana nyị ụhwẹ e yee vú ẹtẹ.

Ijeremaya 12:4

Ọ kà, ịzị ẹkụra ẹnịnị vaa maanị wụ naa za, dị avaba avị ịnị aarẹ kụ wụ? Ịsụpa ẹnịrị inomi nịnị ee su vaa ha agụvị ebira odivi ana aza ene hi ịnị ẹkụra aa mẹ. Aza anaa kà a ka Ohomorihi e yi re ịsị ẹnị aa mẹ.

Aniroomi 8:22

Yâ yẹ ka vi ve tù ọyaanị, avaba ịsa oni Ohomorihi tụ́, vị ene ee tì, dị ẹ yà ịnị ẹngụkata anka ọnẹẹ ana aa barẹẹ avọọ.

Ijowẹrị 1:20

Uye ịnị avị nịnị vị ee na owu hị́ Ẹnẹyịmavara ẹngụ agụvị ka avaba orosi ẹ sị wụ́ za eteesu. Ọrịra o reè hi ụnọmị hụyẹ-hụyẹ hụrẹ ẹtẹ.

1 Ohinọyị 18:5

Dị Ahabị kà a yị Ọbadaya dị ọ ka, “Nọ ịnị avaba ẹtẹ ọnọnị, avaba ịzị enyi ẹtẹ hị́ ọnịrị ịnị avaba orosi, ịsavọọ ye re avị dị asị umaata ọnịrị ịkẹrịkẹtẹ ẹnẹnị sú, dị asị ịsụpa ana vọ ẹnị re sú.”

1 Ohinọyị 8:5

Isoromọnị ọnịrị avaba ịragụ Anisirẹrị ana wara gụ pè e ọvịdị apoti ọnọọ ệ kụ́ atẹmẹ ọnịrị imaaru otomiroku mẹ̀ ịsọvọ. Uye ịsọvọ ẹnẹẹ ệ rụrụ pooro ana ahịka ọza ọ yị zụ za a ịrịka.

Emọsị 1:2

Ọ kà: “Ẹnẹyịmavara ộ na owu hụrị ataba Ịzayọnị; ọngwẹ anị ọ katuru hụrẹ Ijerusarẹmị. Dị avị ọnị ịsụpaā rị wara za ẹtẹ, dị avị ene hi ịrẹsụ ataba Ịkamẹrị ee vi nị.”

Ihabaku 3:17

Ọ daka vị ka ọchị uhwigi nịnị ẹ yị jị ododo, dị ẹ yị nyị ẹtụtụ ịnị ọchị ịvayịnị nị; ọchị orivi nịnị ẹ yị daka tụ́, dị ẹ yị nyị ịsọyịrị ịnị aarẹ nị, dị ịsụpa sù ha, dị ịga vị osusu nị,

Ịhagayị 1:10

Agụvị avọọ ệ yị nyị orihi, dị ịsa ịnị aarẹ ọ̀ va mẹ̀ nị.