Ijowẹrị 1:15 - IWE ỌNỊNỊ

¹⁵ Ẹkụhị ọnị Ẹnẹyịmavara vee sii du ayị hi wa aa gụrị ẹtẹ. Ịhị ọnị Ohomorihi Ochẹtẹẹngụ vee vu wa ẹtẹ vaa daa divi kẹnẹ.

Ijowẹrị 1:15 Referans Kwoze

Ijeremaya 30:7

Ẹnẹyịmavara kà ẹkụhị odivi aa vẹ. Ẹ́ yị nyị ẹkụhị ana vaa wụra juwe anị: Ọ kà ụmẹ ọnị aza anị vaa sị rị ụya ọ vaa vị nị, ama ẹnịnị vaa ha.

Ijowẹrị 2:31

Dị ọyị vene hozi, dị ụhwẹ ee vi anka anya tụ́ ẹbẹẹba. Ịvọpa ẹnẹnị aa sị zụ̀ ka ẹkụhị ọbanyị ọnị Ẹnẹyịmavara vee si du ayị hi aza anị aa gụrị ẹtẹ

Ijowẹrị 2:11

Dị Ẹnẹyịmavara ha iduma dọ ka ịrẹyị yi ọkụrẹkụ anị, dị ẹnịnị wụ́ chire e nị. Ẹkụhị ọnị Ẹnẹyịmavara vaa mẹ̀ ọkarẹyị vaa nyị ẹngụ anị. Ẹnẹ vaa ha?

Ẹtore 6:17

Ệ kà avọọ, agụvị ka ẹkụhị ọbanyị ana aa sịị kụ́ ayị, o si tù; ẹnẹ va zụụ jẹẹ?

Ijemiisi 5:9

Ẹwụ nịnị ẹyịnyara amị, asị ụ rẹ̀ kụ́ ẹngụụ ịrẹka zị nịnị! Re, ọmọkarẹyị ayị ọ sị gụrị eehi.

Ahẹ Ụgama 37:13

Aza edivi ẹ̀ẹ vavọọ mẹ, dị Ẹnẹyịmavara nyị wa unyi kẹnẹ Ộ yẹ ka ọ yị jẹẹ dị a wụ̀ wa va ha.

Ijeremaya 46:10

Ajịnị vị ẹkụhị Ẹnẹyịmavara Ochẹtẹẹngụ, Ananyị avaba ọda. Ajịnị aa họ̀ oponu nị. Ajịnị aa sị ụya rị ọnịvị anị nịnị nị. Aza vị ọnị ọ́ vaa wụ̀ pooro ne tu ịjị oo si du ọ eyi, dị ọ mẹ ka eteesu ò hú ẹnịnị pooro ne tu ka asị ó kuku zụ hu. Ajịnị Ochẹtẹẹngụ aa sị azaa mẹ̀ ịsọvọ eyi ẹbẹẹba ọ̀ sị gụrị Iyuhwuretisi nị.

Ezikẹẹrị 30:3

Ẹkụhị ọnị Ẹnẹyịmavara vaa sị mẹ ịrẹyị ọ sị gụrị ẹtẹ. Ẹkụhị ọnị ịsa ọrụrụ-ọrụrụ vee du, dị ọ vị ẹngụkata yị ẹkụra ọrụrụ-ọrụrụ ọ́ vị̀ nị.

Ijowẹrị 3:14

Ọkọnị aza ẹ̀ẹ na sị gụ hi inozi ọkarẹyị ọnọọ Ịzọọ ọnọọ, ụmẹ ọnị Ẹnẹyịmavara vaa mẹ̀ ọkarẹyị aa gụrị ẹtẹ nị.

Ọbadaya 1:15

Ụmẹ ọnị Ẹnẹyịmavara vaa sị họ̀ oponu ịrẹsụ avaba anẹkụra ẹnẹẹ aa gụrị ẹtẹ. Avaba odivi ọnị Anedomi nịnị mẹ̀ vị ana vaa vẹ ịrẹsụ ẹnịnị.

Ịzẹhwanaya 1:7

Dị ọ ka, ẹnịnị ẹ mẹ hẹẹ ka ẹkụhị ọnị ọnị vaa sị mẹ̀ ọkarẹyị yị wa aa gụrị ẹtẹ. Ọ kà ọnị ô tenyi ẹngụ ka ọnị ọ̀ hụrẹ wa ụvọ, dị ọnịvị ẹnịnị ẹ va hụ wa hụụnị ẹtẹ ẹnịnị.