Ijowẹrị 1:14 - IWE ỌNỊNỊ

¹⁴ Hị́ ịragụ gụ Mẹ̀ ẹ ọda ka a za awẹ. Kụ́ azọkụ ọnịrị avaba anijuda nịnị gụ ịnị irehi Ẹnẹyịmavara Ohomorihi ẹnịnị, dị ee sụ́ ùnè hi Ẹnẹyịmavara ẹngụ.

Ijowẹrị 1:14 Referans Kwoze

Ijona 3:8

Dị aza ọnịrị ịsụpa ẹẹ kụ ẹnya ana aā sịị zị ẹngụ. Dị ọzọza oo sụ ùnè hì Ohomorihi ẹngụ. Dị ọzọza ọ vaa hụụnị ebira odivi ọnị ọ vịdị aa mẹ̀ nị.

2 Ịtọpa 20:13

Avaba anọrụ Anijuda ẹnịrị anẹẹ ẹnịnị neberi ezi ẹnịnị vị anaa jẹẹ ịnị irehi Ẹnẹyịmavara ịzọọ.

Ireevi 23:36

Eyinị-eyinị ịnị ẹkụhị ịhịmba ana aa rị eche ọnọnịị vị, ẹnịnị vaa sị mẹ̀ ịsọvọ ana a rị ịraa yị Ẹnẹyịmavara nị. Ịhị ẹ tụ ọ ẹkụhị ịhịnta, ẹnịnị rẹ vaa waraa gụ dị ẹ̀ hẹkẹ ọnị. Ẹnịnị rẹ vaa mẹ̀ ịsọvọ ana aā rị ịra yị Ẹnẹyịmavara ịhị ọnọọ, Ẹkụhị ahẹkẹ ọ́ vị nị, a sị ẹ mẹ̀ ụkọrọ ọnyọọnyị ịhị ọnọọ.

Inehemaya 8:18

Ẹzịra ộ za iwe ọda Ohomorihi ịrịka zụ wa eyinị-eyinị ẹkụhị ịhịmba. Ịhyẹgwịhịnta anị ẹnịnị kụ ẹngụ gụ mẹ̀ aduwa anka ọda Imosiisi mẹ kà a nị.

2 Ohinọyị 10:20

Ijehu ộ mẹ̀ ọda ka à jị ẹkụhị ana a vaa sị hẹkẹ Ịbaarị, ịzẹyịza dị ẹ nọ̀ ọ ẹkụhị ọnọọ nị.

Ẹsịta 4:16

ọ̀ kụ́ avaba Aniju ọnị òo re gụ ẹkụra Isusa. Dị à kà yị wa ka asị ẹ rị ịsa, dị asị e hú enyi pooro na ngụ ẹkụhị ẹẹta. Ọ kà avọọ gẹdẹ-gẹdẹ ọnịrị ezi ahụ anị mẹ̀ rẹ vaa mẹ nị. Ịrẹma ẹsẹnị ọnị ve nee tù ohinọyị. Ọ kà ọnị ọ daka yẹ ka ọda ọ yi vavọọ zẹẹ; ọnị ọ̀ọ daka hụvị avọọ su, ọnị ọọ dọ.

Ijeremaya 36:9

Ịnị ụhwẹ ọhụhị ịrayị ọhụhịịna ọnị Ijehoyakimi rị ohinọyị Ijuda, aza ệ ba awẹ ka ahịka Ẹnẹyịmavara vaa vayị ẹnịnị. Avaba aza ana ra hi Ijerusarẹmị ẹnịrị aza ana hụrị aha irenyi-irenyi ẹtẹ Ijuda vẹ, ẹ ba awẹ ọnọọ nị.

Ijowẹrị 1:2

Batọ ẹwụ nịnị azọkụ; Ẹwụ nịnị ene hi Ijuda ọzọza ọ sị ụtọ pe ẹtẹ. Áá maanị nyị ịrẹyị ana vịdị mẹ̀ da ịnị ụmẹ awụ nịnị, a vị ịnị ụmẹ ohiku awụ nịnị?

Ijona 3:5

Ịjị Anininivẹ nini wụ́ enube ọnọnị, dị ẹ dọ Ohomorihi wụ́, dị ẹ̀ nọ̀ ọ ka ọzọza ọ za awẹ agụvị avọọ nị. Dị ọzọkụ hi ozweyi ẹnịnị kụ ẹnya anaā sịị zụ ka ẹ yaa zị ẹngụ nị.

Ịzẹhwanaya 2:1

Dị Ẹnẹyịmavara kà, ẹnịnị anẹkụra ọnị ụhị ẹ yị mā nyị aanị, ẹ́ẹ́ kụ ẹngụ gụ di ee ro ịnẹ varẹma?

Ijeremaya 14:2

Ọ kà, Anijuda nịnị ẹ sị ẹngụ và hí; anẹkụra ẹnịnị eè su; ẹnịnị hi ịnị eteesu ee sụ ùnè, Anijerusarẹmị nịnị aa jị òrèrè boro-boro ka a vaa gụ ẹnị ụvọ.