Ijowẹrị 1:13 - IWE ỌNỊNỊ

¹³ Ẹwụ nịnị ohirẹsụ irehi Ohomorihi anaā mẹ̀ ịsọvọ ịrẹsụ ụta anị, kụ ẹnya arụwẹ, dị waa jị òrèrè nịnị! Sị avaba ịrahụ ọyịvụrụ zị ẹngụ ịnị irehi Ohomorihi agụvị ka ẹ yị nyị akụ ọnịrị eche ọyị mẹ̀ ịsọvọ ịnị irehi anị.

Ijowẹrị 1:13 Referans Kwoze

Ijeremaya 4:8

Avọọ, va ẹngụ hi nịnị, waa jị òrèrè dị waa ka ẹgọ nịnị, agụvị ka Ẹnẹyịmavara maa kụ ayị hi Anijuda, ẹẹ yị vaa va o.

Ijowẹrị 2:17

Ohirẹsụ irehi Ohomorihi nịnị ana vi ezi ahụ anị, ẹ jẹẹ ịnị akakana ụta ịsọvọ ọnịrị oze irehi Ohomorihi, dị ẹẹ jị òrèrè, dị ẹẹ mẹ̀ aduwa: Dị ẹ da ịpẹ ka Ẹnẹyịmavara ọ vayị aza anị. Asị ọ zẹ ka anẹkụra ọsa nịnị ẹ sị eyi wụ̀ wa, dị ẹẹ nyi wa unyi, di e yee họ̀ use ka ịzị Ohomorihi ẹnịnị ya.

Ezikẹẹrị 7:18

Avaba ẹnịnị vaa và ịta suku-sukuu ku ẹngụ, dị angwahi ta ngụ wa ẹngụ. Ẹnịnị vaa kụ́ avaba ịrẹsụ ẹnịnị anka ọza ana nyị ọmarị avọọ, dị a mẹ̀ ụhị nyị avaba ẹnịnị.

Ijeremaya 9:10

Ẹnẹyịmavara kà ọnị vaa hụvị ataba nịnị ọnịrị ịzị ịsụpa nịnị naa rịị jị òrèrè, agụvị ka ẹ sị wụ. Ọza ẹ yị kụkụ zị avọọ para hu. Ọza ẹ yị kụkụ wụ̀ ịsụpa nịnị owu; inomi nịnị ẹnịrị uye ịnị avị ẹ kụ zwe si hu.

1 Ohinọyị 21:27

Ahabị mẹ̀ maanị wụ́ ịrẹyị ẹnẹnị, dị ọ za ịta anị dị ọ nà a nị. Dị ọ sị ịta kú ẹngụ ọ́za oni oku sú avọọ, dị aa ba awẹ, dị ọ hụtụ tụ́ ịnị atịtọ nị. Di ahịka vị ọ kụkụ aa zi siisii nị.

2 Anịkọrịntị 11:23

Ezi ahụ Ikirisiti ẹ ẹ́ẹ́ va vị nị? Mị vaa kà ụra, ẹ ma hyakụ vị ozi ahụ ozoza huna wa nị. Ẹma mẹ̀ ụkọrọ hu wa nị; ẹma rẹ nọ ịnị ẹngwa hu wa nị. Mâ dọ ịjapa huna wa, ẹmị isu rẹ jị ọ avọ eyi nyee hu nị.

2 Anịkọrịntị 6:4

Ini oze tụra oze, yaa sịị zụ̀ ka ezi ahụ Ohomorihi ị vị̀ nị: Yâ nyị isuuru, yâ sị ẹngụ dọ ụya ọnịrị ẹngụkata irenyi-irenyi ana vọ.

2 Anịkọrịntị 3:6

Ịzẹyịza, Ọnị ọ mẹ ka ya zụụ kà a oto ọwọọwa oni Ohomorihi zẹẹ aza nị. Ịzẹzẹ ọnọọ ọ yị vị ịrẹyị ọda ana a chẹrẹ, ama ịrẹyị Ụhwẹ Ohomorihii yọ nị. Ọda ana a chẹrẹ avọọ vị anaā wụ̀ ọza. Ama Ụhwẹ Ohomorihi vị anaā mẹ ka ọza ọ̀ yàra.

1 Anịkọrịntị 9:13

Ụ wáá ka wẹ yị yẹ ka ọza ana aa mẹ̀ ụkọrọ ini irehi Ohomorihi vị anaā rị ịnị ịsa ana àa sị vẹ ini irehi Ohomorihi nị? Wa rẹ yẹ nịnị ka aza ana a nyị ka ẹ̀ẹ sị ịsa ịsọvọọ mẹ ịsọvọọ yị Ohomorihi vị ana rẹẹ̄ rị ịnị ịsa ịsọvọ ẹnẹẹ.

1 Anịkọrịntị 4:1

Agụvị avọọ, yẹ nịnị ka ezi ahụ Ikirisiti ị vị nị, oni Ohomorihi raà sị ịrẹyị anị oni iruvo anị nyịnẹ chire yi ụvọ ka ya sị eyi pee.

Ayịsaya 61:6

Aza vaa yẹ wa ka ohirẹsụ irehi Ẹnẹyịmavara ẹ vị nị. Ezi ahụ Ohomorihi ayị. Ẹnịnị ẹ vaa sị ogu anẹkụra nịnị mẹ ẹhẹ nị. Ee mè eyi ka ẹnị ẹ nyị nị.

2 Ịsamụwẹrị 12:16

Di Idevidi hụ agụvị ozi ọnọọ dị aa dá ịpẹẹ yi Ohomorihi nị. Idevidi ọ yị rị ịsa, dị ọ ngụ ịnị eehi dị ọ na hụtụ ini eteesu nị.

Ịrịka 29:6

Ịsọvọ irenyi ẹnẹnị vị ana aa mẹ beri ịsọvọ ụhụụhwẹ ọnịrị ịsọvọ eyinị-eyinị, dị a sị ayị ọnịrị eche tụ́ ọ a mẹ juwe anị. Avaba ịsa ịsọvọ ẹnịnị vị ana aa rị ịra dị agụ anị o hine Ẹnẹyịmavara ẹtẹẹtẹrẹ.

Ẹtore 11:3

Ohomorihi ka Ọnị vaa tụ́ ọnịsẹ anị ẹẹva, dị ẹ sị ịta arụwẹ kú ẹngụ, dị ẹ kà ịsẹ mẹ ẹkụhị akahị tụra ịrẹka ộ tụra ẹbẹẹta ẹnẹẹ (1,260).

Ayịsaya 22:12

Ịhị ọnọọ Ẹnẹyịmavara Ananyị yị Ochẹtẹngụ Ộ hị́ wụ. Ọ kà wa jị òrèrè, dị wa kụ́ ịrẹsụ awụ, dị wa rẹ sị ịta arụwẹ kú ẹngụ.

Ezikẹẹrị 21:12

Ọ kà, ọnị ozi-ọza oo du ayị, dị ọnị aa jị òrèrè agụvị ka aza anị Anisirẹrị nịnị ọnịrị ọdọvịdị ẹnịnị ee ne ụhwọ ọnọnị aanị nị. Va ụvọ ku ịrẹsụ, waa jị òrèrè agụvị ka avaba ẹnịnị a vaa wụ̀ nị.

Ihoseya 9:5

Sị ẹ vaa mẹ ịnị ẹkụhị eche ana a nyị ọnịrị ẹkụhị ana sị rị eche Ẹnẹyịmavara?

Ijowẹrị 2:14

Èe ro ịnẹ, ẹyịyara ọnị ana vị Ohomorihi ẹnịnịị vaa va ahụ vẹ ịrẹma, dị ọnị mẹ̀ ka o zee yị wa, dị akụ ọnịrị eche o zoza, dị ẹ zụ sị akụ ọnịrị eche va mẹ̀ ịsọvọ yị ọnị.

Ịrịka 28:4

A sị atẹmẹ ọnya mẹ̀ ịsọvọ ẹnẹnẹ, dị a sị ọsa mẹ̀ ịsọvọ oruva.

Ịrịka 28:7

Eche vị ana a sị beri ịsọvọ ana a mẹ ụpẹ ẹẹva ịnị ẹkụhị. Eche irita ọnyara a sị mẹ̀ ịsọvọ va hi ịrẹsụ ụta nị.

Ịrịka 28:14

Eche irita ẹẹva a sị beri ụnọ ọnyọọnya mẹ̀ ịsọvọ, dị eche irita ọnya rị ẹjịjị beri ịdẹba ọnyọọnya mẹ̀ ịsọvọ, dị eche irita ọnya beri atẹmẹ ọnyọọnya mẹ̀ ịsọvọ.

Ezikẹẹrị 27:31

Ẹ vaa hụ agụvị awụ nịnị dị ẹ kụ́ ịrẹsụ ẹnịnị hworo-hworo, dị ẹ kụ ịta kẹnẹ-kẹnẹ hi ẹngụ. Ẹnịrị ayodu ọ vaa vị ẹẹẹ maa jị òrèrè nị.

Ijowẹrị 2:12

Ẹnẹyịmavara kà booro aanị, ẹ sị ayị ọnya ro ịnẹ hụụnị ebira odivi ẹnịnị, dị ẹ va ka ọnị vẹ. Ẹnịnị ẹ va ẹngụ hi, dị ẹẹ jị òrèrè, asị ẹẹ rị ịsa.