Ijosuwa 9:21 - IWE ỌNỊNỊ

²¹ A navọ wa ẹ ra ama ẹnịnị ẹ vaa si ọkụ, dị ẹ yaa dà enyi yị ẹnị nị. Ọsọnị ọ vị ajuwe ọnị ọdọvịdị ẹnịnị sị yị wa nị.

Ijosuwa 9:21 Referans Kwoze

Iwe Ọhụhị Imosiisi ana aa hị́ Ọyịvatụrọda 29:11

Ezweyi, anẹẹ ọnịrị azọga ana ra vahụra wa. Azọga ẹnẹẹ aa da ọkụ, dị ẹ yaa da enyi yị wa nị.

Ijosuwa 9:27

Hụrẹ ịhị ọnọọ Ijosuwa mẹ wa aza ene si ọkụ, ana da enyi yị Anisirẹrị ọnịrị ụta Ẹnẹyịmavara ịzị ọ nyị ka aa hẹkẹ ọnị.

Ijosuwa 9:23

Agụvị ka ẹnịnị ê vene Anisirẹrị nịnị, Ohomorihi ộ raà jị ịvị yị wa. Ọrịhị Anisirẹrị nịnị ẹ vaa vị pooro, dị ẹ yaa sì ọkụ, dị ẹ yaa da enyi tụ ịnị irehi Ohomorihi anị nị.

Ijosuwa 9:15

Dị Ijosuwa hị́ eku beri Anigibiyọnị ka ẹnị vaa beri wa za ọta dị ẹnị navọ wa ka ẹ ra. Ọdọvịdị Anisirẹrị wo oto ka ẹnị vaa sị́ ụvọ za eku ọnị ẹnịrị wa hị́ yị ẹngụ nị.

Ijosuwa 9:20

Ọdọvịdị Anisirẹrị ka ẹnị ẹẹ bẹdọ navọ ẹ yara agụvị eku ọnị ẹnị hị́. Ẹnị ẹ̀ẹ wụ̀ wa, Ohomorihi aa sị ụya anị rị ẹnị nị.

Ijeremaya 46:22

Anijipiti nịnị ee zwe dị eyee nọ ohi anka ẹ́wụ́ avọọ nị. Ọnịvị ẹnịnị vị ana kụ ịraga rị ụvọ ve tu wa anka aza ana aa má ọchị avọọ.

Iwe Ọhụhị Imosiisi ana aa hị́ Ọyịvatụrọda 29:10

Ajịnị avaba awụ nịnị ọ jẹẹ ọvịdị Ẹnẹyịmavara Ohomorihi ẹnịnị, avaba ẹnịnị azọkụ ọnịrị ọdọvịdị ne beri avaba anọrụ.

Ijosuwa 10:1

 nyị ọnọrụ ọnya aanị ọnị ịrẹha anị rị Adonizedeki. Ọnị ọ vị ohinọyị Ijerusarẹmị ịnị ụmẹ ọnọọ nị. Ộ wụ́ ọ ka Ijosuwa ọ ra rị Eyayị, dị ọ du ẹkụra ọnọọ ha nị. Dị ọ wụ́ ohinọyị ana ya ịzọọ anka ọ mẹ rẹ mẹ Ijeriko nị. Ama dị ọ Anisirẹrị ẹnịrị Anigibiyọnị dọ yị ẹngụ ka ẹnị ra vabẹ ịnị ẹngwọọrọ nị.