Ijosuwa 9:10 - IWE ỌNỊNỊ

¹⁰ ọnịrị ohinọyị Anamọrị ẹẹva ana ya akẹnẹ Ijodani eyi ịzị ọyịị̄ hụrẹ vẹ. Avọọ ọ mẹ rẹ mẹ̀ Isihoni ohinọyị Ịhẹsịbọnị ọnịrị Ọgị ohinọyị Ịbasanị ana ra Asịtarọtị.

Ijosuwa 9:10 Referans Kwoze

Ijosuwa 12:4

Ohinọyị ọsa ọ vị Ọgị, ohinọyị Ịbasanị ana ra Asịtarọtị ọnịrị Edireyi. Ọnị ọ vị ọdịrẹma ịnị evere Irehwayimi nị.

Iwe Ọhụhị Imosiisi ana aa hị́ Ọyịvatụrọda 2:30

Ama, Isihoni ẹ yị zẹ ka ẹ parahu. Ẹnẹyịmavara ô mẹ̀ ayị katẹngụ agụvị ẹnị ẹ zụ nyị ẹbẹẹba anị, dị ẹnị ẹ dọ ọ ẹtẹ anị.

Iwe Ọhụhị Imosiisi ana aa hị́ Ọyịvatụrọda 1:4

Dị ịhị ọnọọ ve tu, Ẹnẹyịmavara ộ vịdị raà sị Anisirẹrị nịnị nyị ẹbẹẹba Isihoni, ohinọyị Anamọrị ana ra Ịhẹsịbọnị ọnịrị Ọgị, ohinọyị Ịbasanị ana ra Asịtarọtị ọnịrị Edireyi.

1 Ịtọpa 6:71

Ezi Igerisoni vị ana a gà ẹkụra ẹnẹnị beri ịzị a kụ ịsụpaa rị yị Ovwoovu-ovwoovu: Hụrẹ eyi ọnị ọyịị̄ zịị hụrẹ vẹ Ịmanasẹ, â sị Igoranị ịnị ẹtẹ Ịbasanị, ọnịrị Asịtarọtị yị wa.

Oyinyima 14:5

Ịnị ana tụ́ ọ ịrayị ẹwụrẹna, di Ikedorayoma ana vị ohinọyị ne beri ohinọyị ana vọ ọnị ọnịrịị vabẹ kụ́ ọkụrẹkụ ẹnịnị, dị ẹ na rị Irehwayimi ene hi ịnị ẹtẹ Asiterọtị-Ikanayimi ọnịrị Izuzimi ene hi ịnị ẹtẹ Ihami beri Emimi ene hi Ịsavẹ-Ikiriyatayimi.

Ịrịka 20:14

Dị Anisirẹrị nịnị va hụrị Ikadesi, Imosiisi tụ́ aza ne tụ́ ohinọyị Anedomi ka, ẹnị Anisirẹrị ẹnị ẹnịrị wa vị ezi ẹyịnyara avọọ, ẹ tụ́ ve tụ́ wa nị. Ẹnịnị ẹ yẹ akanya ọnị ẹnị yaa ịnị anị booro aanị.

Ijosuwa 2:9

Dị ọ ka yị wa ka ọnị ọ yẹ ka Ẹnẹyịmavara ọ̀ raa sị ẹtẹ ọnọọ yị wa. Avaba ẹnịnị vị ene hí angwa, dị ivoovo sị ẹnị za.

Ijosuwa 9:9

Dị ẹnịnị maanị pa ịta yị Ijosuwa nị: Ẹ kà aha onoze ẹnị hụrẹ vẹ nị. Ẹnị ệ wụ́ ịrẹyị Ẹnẹyịmavara ana vị Ohomorihi Anisirẹrị nịnị. Ẹ kà ẹnị ệ wụ́ avaba ịsa ọnị Ẹnẹyịmavara mẹ̀ Anijipiti nịnị,

Ijosuwa 9:11

Ẹ ka ọdọvịdị ẹnịnị ẹnịrị anẹkụra ẹnịnị ẹ ka ẹnị ẹ sị ịsọyịrị ọyị zị ụsẹ ve tu wu nịnị. Ẹnịnị ka ẹnị ẹ sị ẹngụ ẹnịnị tụ́ ahụ Anisirẹrị nịnị, dị ẹnịrị wa ẹ̀ hị́ eku yị ẹngụ.

Ijosuwa 13:31

Ẹtẹ ọnọọ ọ za achẹva Igiriyadi beri Asịtarọtị ọnịrị Edireyi ana vị ohyẹtẹ ẹkụra Ọgị ohinọyị Ịbasanị. Avaba ẹtẹ ẹnẹnị vị ana a sị yị achẹva evere Imakiri ozi Ịmanasẹ.

Ijosuwa 2:10

Dị ọ rẹ ka ẹnị ẹ wụ́ Ẹnẹyịmavara mẹmẹ ka ẹtẹ ọ wụ́ yị wa dị ẹ jịnẹ ịnị akakana irehu ovivi ẹ mẹ hụrẹ Ijipiti aa vẹ. Avọọ ẹnị mẹ rẹ wụ́ ịrẹyị ene tu Isihoni ọnịrị ogu ana vị ohinọyị Anamọnị eyi ịzị ọyị zị hụrẹ vẹ, akẹnẹ irehu Ijodani. Avaba aza ẹnịnị vị ene vú ẹtẹ bemi-bemi.