Ijosuwa 9:1 - IWE ỌNỊNỊ

¹ Ịnị ụmẹ ọnọọ avaba ohinọyị anẹkụra nịnị ene hi ịrẹsụ ataba ọnịrị iruvo ataba akẹnẹ irehu Ijodani nịnị ệ wụ́ ọ Ijosuwa mẹmẹ aa nyị ehuna. Ẹkụra ẹnẹẹ ẹ vị Anihiti, Anamọrị, Anikenaani, Aniperi, Anihivi ọnịrị Anijebusi.

Ijosuwa 9:1 Referans Kwoze

Ịrịka 34:6

Ẹtaha ẹtẹ ọnọọ eyi ịzị ọyị zị ngụ ẹtẹ ọ vị utenyi Òkū Imeditareniya nị.

Ọyịkụra 3:17

Ọ kà ọnị ọ sị ọ kà ka ẹ yị nyị ịsị ẹẹ̄ mẹ ka, ka ọnị ọ yị kụ́ wa hụụnị ụya ana aa sịị rị wa ịnị ẹtẹ Ijipiti. Ọ kà ọnị aa kụ́ wa nọ ịnị ẹtẹ Ikanaani. Ịzọọ Anihiti ọnịrị Anamọrị ne beri Aniperizi ọnịrị Anihivi beri Anijebusi ra hi aanị nị. Ọ kà ẹtẹ ọnọọ ộ nyị avị ana vọrọ ka ịsụpa ọ̀ rị, avọọ ọ mẹ rẹ zụ mẹ̀ ịsa nị.

Ijosuwa 3:10

Ọ kà ọnị vaa sị wa nyị ẹbẹẹba Anikenaani, Anihiti, Anihivi, Aniperizi, Anigirigasi ọnịrị Anamọrị ne beri Anijebusi. Ịjị ọnị ọ̀ ra dụ anẹkụra ẹnẹẹ jịnẹ yị wa ẹnịnị vaa yẹ ka Ohomorihi ana yara ya pe Ijosuwa.

Ọyịkụra 23:23

Anggẹẹrị amị vaa tụ́ ọvịdị awụ nịnị dị ọ kụ́ wụ nịnị na ngụ ịnị ẹtẹ anị Anamọrị ọnịrị Anihiti ne beri Aniperizi ọnịrị Anikenaani na vaka Anihivi ọnịrị Anijebusi ra hi ịnị anị. Ẹnị vị ẹnị ẹmị vaa dụụ hụụ ịzọọ.

Ijosuwa 24:11

Ụmẹ ọnọọ ẹnịnị jịnẹ okuha Ijodani na ngụ Ijeriko ịzọọ Anijeriko, Anamọrị, Aniperizi, Anikenaani, Anihiti, Anigirigasi Anihivi ọnịrị Anijebusi gẹ ịrẹkụ tu wa nị. Ama dị Ẹnẹyịmavara za ẹnịnị chire wa ụvọ nị.

Ijosuwa 23:4

Dị ọnị raà ga ẹtẹ anẹkụra ene wusu ọnịrị ana yara yị ịrẹsụ-ịrẹsụ Anisirẹrị nịnị hụrị Okuha Ịjọdanị na ngụ Òkū Imeditareniya.

Ijosuwa 22:7

Imosiisi ộ vịdị raà sị ẹtẹ Ịbasanị yị achẹva ezi Ịmanasẹ nịnị; ama achẹva ẹnịnị ana vọ vị ọnị Ijosuwa sị ẹtẹ yị tụ eyi ọnị ọyịị̄ zị naa ngụ ẹtẹ Íjodani. Ịjị Ijosuwa ka ẹẹ nọ eehi ẹnịnị, ộ mẹ̀ aduwa yị wa,

Ijosuwa 22:4

Booro anị, Ẹnẹyịmavara Ohomorihi awụ nịnị ọ raà mẹ ẹngwọọrọ yị anda awụ nịnị anka o mè wo oto yị wa. Agụvị avọọ, varẹma wa nọ eehi awụ nịnị ịnị ẹtẹ ọnị Imosiisi ozi ahụ Ẹnẹyịmavara sị yị wụ nịnị akẹnẹ Ijodani eyi ọsọọ.

Ijosuwa 15:12

Ụtọ Òkū Imeditareniya ọnọnị ọ vị ẹhwị ẹtẹ eyi ọnị ọyịị̄ zị naa ngụ ẹtẹ nị. Ẹhwị ẹtẹ ẹnẹnị Anijuda nịnị ra hi nị. Ẹhwị ẹtẹ ẹnẹnị Anijuda nịnị ra hi nị.

Ijosuwa 13:5

ẹtẹ Anigebari; avaba ẹtẹ Ịrẹbanọnị na ngụ eyi ịzị ọyịị̄ zịị vẹ hụrẹ Ịbaarị-Igadi ana ya eyi ụvẹtẹ ataba Ihamọnị na ngụ oze Ihamati.

Ijosuwa 11:17

Hụrị ịnị ataba Iharaki na ngụ Ịsẹyị huu ne tu Ịbaarị-Igadi inozi Ịrẹbanọnị ụvẹtẹ ataba Ihamọnị. Ijosuwa ộ za ohinọyị ẹnịnị dị ọ wụ̀ wa ha nị.

Ijosuwa 10:23

Ịzẹyịza, dị isoja ẹnẹẹ kụ ohinọyị Ijerusarẹmị, Ihebirọnị, Ijarimuti, Irakisi, ọnịrị Egirọnị tụ ẹhẹ nị.

Ijosuwa 5:1

Ịjị avaba ohinọyị Anamọrị nịnị ana ya eyi ịzị ọyị zị na ngụ ẹtẹ ọnịrị ohinọyị Anikenaani nịnị ana ra utenyi Imeditareniya wụ́ ịvọpa ana mẹ dị ivovo za wa nị. Dị ayị ẹnịnị ẹ yị vị gẹ Anisirẹrị nịnị ịrẹkụ nị.

Ijosuwa 3:17

Dị aza ana za apoti oto Ẹnẹyịmavara jẹẹ ịnị akana irehu Ijodani pooro dị avaba Anisirẹrị jịnẹ ẹ ta nị.

Ijosuwa 1:15

pooro dị Ẹnẹyịmavara ọ̀ sị ụhwọtụ yị wa, ọnị mẹ mẹmẹ yị ẹwụ nịnị. Dị ẹnị ẹ rẹ dọ ẹtẹ ẹnịnị ọnị Ẹnẹyịmavara ana vi Ohomorihi ẹnịnị aa sị yị wa. Ọ kà ịjọnọọ dị ẹ̀ va vavẹ ịnị ẹtẹ ana a raà dọ yị wa, dị ọ kụkụ vị ẹẹnịnị. Ọ kà ẹtẹ ọnọọ Imosiisi ọnụtụ Ẹnẹyịmavara sị yị wa tụ́ akẹnẹ Okuha Ịjọdanị oze ọnị ọyịị̄ zịị hụrẹ nị.

Ijosuwa 1:4

Ộ kà ẹtẹ ọnị ọnị vaa sị yọ ọ kwẹẹtẹ hụụ ịnị ụnọmị va hịrẹ na ngụ Ịrẹbanọnị, hụrị Ịrẹbanọnị na ngụ irehu ọbanyị ọnịrị irehu Iyuhwuretisi ne beri avaba ẹtẹ Anihiti ọnịrị ẹtẹ ana na ngụ oku ọbanyị ana aā hị́ Imeditareniya.

Iwe Ọhụhị Imosiisi ana aa hị́ Ọyịvatụrọda 7:1

“Imosiisi ka, Ẹnẹyịmavara Ohomorihi ẹnịnị vaa sị wa na ngụ ịnị ẹtẹ ana vaa vị ẹnịnị. Ọ vaa dụ anẹkụra ọrụrụ-ọrụrụ ana ra ịzọọ jịnẹ kwooze yị wa. Eyi ẹnịnị ọ vaa dụ Anẹkụra ẹbanyị-ẹbanyị ana nyị ụkata huna wa ịhịmba. Anẹkụra ẹnẹẹ ẹ vị Anihiti, Anigirigasi, Anamọrị, Anikenaani, Aniperizi, ọnịrị Anihivi ne beri Anijebusi.

Iwe Ọhụhị Imosiisi ana aa hị́ Ọyịvatụrọda 4:49

Ẹtẹ ana ya eyi ọnị ọyịị̄ zịị vẹ okuha Ijodani huuu na ngụ eyi ụvẹtẹ oku anọ-anọ ọnịrị eyi ọnị ọyịị̄ zịị vẹ akẹtẹ Ataba Ipisiga vị ana rẹ ya ịnị ẹtẹ ọnọọ.

Iwe Ọhụhị Imosiisi ana aa hị́ Ọyịvatụrọda 3:25

Ọ kà Ohomorihi ọ navọ ọnị ọ jịnẹ nọ akẹnẹ irehu Ijodani ne re ẹtẹ ozoza ene hi ịrẹsụ Ịrẹbanọnị ẹnẹnị.

Ọyịkụra 34:11

avọọ sị ụvọ za ịrẹyị ọnị maa kà a wụ ajịnị aanị. Anẹkụra ẹnẹnị vị ọnị mị vaa dụụ kwooze wụ nịnị. Anamọrị, Anikenaani, Anihiti, Aniperizi, Anihivi ọnịrị Anijebusi.

Ọyịkụra 23:31

Ẹhwị ẹtẹ awụ nịnị vaa nyima hụrẹ Oku ịkẹ-ịkẹ na ngụ Oku Anihwirisiti nị Ẹwụ nịnị ọ vavọọ vaa nyị ọ hụụnị ụnọmị na ngụ ini Oku nị. Mị vaa navọ ka aza ana vịdị ra hi ịnị ẹtẹ ọnọọ wa dụ wa kwooze nịnị.

Ịrịka 13:29

Anamarẹkị nịnị vị ana ra Ịnẹgẹvị, dị Anihiti nịnị ọnịrị Anijebusi nịnị ne beri Anamọrị nịnị vị ana ra ịrẹsụ ataba. Anikenaani vị ana ra utenyi Òkū Imeditareniya ọnịrị ụtụtọ irehi Ijodani.

Ijosuwa 6:27

Avọọ Ẹnẹyịmavara mẹ ya pe Ijosuwa dị ọ ngụrẹyị tụ avaba ẹkụra nị.

Ijosuwa 9:7

Ama dị anọrụ Anisirẹrị họ̀ wa ka sị ẹ vẹ dị ẹnịrị wa aa hị́ eku yị ẹngụ? Ẹyịyara ẹnịnị ẹ ra gụrị ẹtẹ.

Iwe Ọhụhị Imosiisi ana aa hị́ Ọyịvatụrọda 1:7

Dị ọ ka ẹnịnị ẹ kara ajẹngụ ẹnịnị, dị ẹẹ nọ ẹkụra Anamọrị ene hi ịrẹsụ ataba. Ẹ ngụ ẹkụra ene hi inozi, ọnịrị ịrẹsụ ataba ne beri iruvo ataba ne tu Ịnẹgẹvị ọnịrị avaba ẹkụra eni hi utenyi ana vị ẹtẹ Anikenaani. E avọọ va hịrẹ na ngụ Ịrẹbanọnị dị ẹ̀ hi ịzọọ na ngụ irehu Iyuhwuretisi.

2 Ịsamụwẹrị 24:7

Ẹnịnị ẹ rẹ na ngụ Ịtaya ịzị a dà irehi aha ọyịtẹ̀ tụ́. Avọọ ẹ mẹ̀ rẹ na ngụ ịnị avaba ẹkụra Anihiti ọnịrị Anikenaani nị. Ẹ mẹ̀ jịnẹ hụụ ịzọọ, dị ẹ nọ eyi ụvẹtẹ ịnị ẹtẹ Ijuda ana aā hị́ Ịbẹẹsẹba nị.