Ijosuwa 7:6 - IWE ỌNỊNỊ

⁶ Ịjị Ijosuwa wu enube ọnọọ, dị ọ ha awuru anị hi ẹngụ, dị ọ ne ẹngụ anị nya ẹtẹ ọvịdị apoti oto pooro na ngụ oruva anị nị. Dị ọdọvịdị Anisirẹrị ẹnịnị ẹnị ra zị ẹngụ beri ọ, dị ẹ kụ́ edudu ku ịrẹsụ ẹnịnị nị.

Ijosuwa 7:6 Referans Kwoze

Oyinyima 37:29

Ịjị Irubẹnị ọnị varẹma nọ ịnị ịkangga ọnọọ ka oni ò ne hee Ijosẹẹhụ, o yi kuku re e ịzọọ. Dị ọza awuru anị, dị ọ na a.

Oyinyima 37:34

Di Ijekọvụ za awuru anị dị ọ na a, dị ọ chire ịta orere, di o jị òrèrè Ijosẹẹhụ mẹ ẹkụhị ọrụrụ-ọrụrụ nị.

Arụwẹ 2:10

Azọkụ-azọkụ Ijerusarẹmị vana chaka chire eteesu hẹẹ-hẹẹ, dị ẹ kụ edudu kụ ịrẹsụ nị. Ịta kẹnẹ-kẹnẹ ẹ rẹ và ku ẹngụ nị. Ezwoorihi ẹnịnị vana kụkụ ka ịrẹsụ hi kọhọ̀-kọhọ̀ hi ẹtẹ.

2 Ịsamụwẹrị 13:31

Di ohinọyị kwẹẹtẹ dị ọ za awuru anị dị ọ na a ana sị zụ̀ ka ayị aa kụ́ ọ, dị ọ hụtụ ini eteesu nị. Dị avaba ezi ahụ anị vavọọ jẹẹ pè e, dị ẹnị rẹ za awuru ẹnịnị dị ẹ na a nị.

Ịrịka 14:6

Ijosuwa ozi Inuni ọnịrị Ịkarẹbị ozi Ijehwụnẹ ya ịnị aza ana a tụ́ ne re ẹtẹ ọnọọ. Ịjị e re ịsa anaa na, ayị ẹnịnị e si du, dị ẹ za awuru ẹnịnị dị ẹ na a nị.

Ẹtore 18:19

Dị ẹ ká ezi và hi ịrẹsụ, di eyee nowu, dị ẹyaa jị òrèrè dị ẹ ka: Kwaa-kwaa! Ho! Ẹkụra ọbanyị ọnọọ ana mẹ ka avaba aza ana nyị ẹpa tụ́ ini òkū ẹ̀ nyị ẹkẹhị agụvị ụbanyị anị, ịnị ụmẹ chẹẹ kẹnẹ ọ maanị vara osusu aanị nịị?

Odeyi 14:14

Ịjị Ịbanabasị ọnịrị Ịpọọrụ wụ́ ịsị aza ẹnẹẹ ee sì ka ẹnị ẹ̀ mẹ, dị ẹ na awuru ẹnịnị, ẹ màa kụ́ ayị, di e zwe na ngụ ịnị akakana aza ẹnẹẹ, di e nowu zẹtẹ ka,

Ijoovu 2:12

Ịjị ẹnịnị re e hụrẹ aha ẹnẹẹnẹ ka ọ sị vara, dị ẹ va orere hi nị. Dị ẹ yaa jị òrèrè booro-booro nị. Dị ẹ na awuru ẹnịnị hi ẹngụ dị ẹ kụ edudu ku ịrẹsụ ẹnịnị, dị ẹ va ẹngụ hi nị.

Ijoovu 1:20

Dị Ijoovu kwẹẹtẹ ịnị ayodu dị ọ ha awuru anị hi ẹngụ, dị ọ kụ ịrẹsụ anị, dị ọ vaku ẹtẹ aa hẹkẹ Ohomorihi nị.

Ẹsịta 4:1

Imodekaya ọ sị yẹ avaba ịsa ana a mẹ. Ịrẹyị ọnọọ ọ zị ọ ẹngụ pooro, dị ọ za awuru anị dị ọ na a, dị ọ kụ́ atịtọ kú ịrẹsụ nị, di a tụ́ orere booro-booro ngụ ịnị ẹkụra zịịzị nị.

2 Ịsamụwẹrị 12:16

Di Idevidi hụ agụvị ozi ọnọọ dị aa dá ịpẹẹ yi Ohomorihi nị. Idevidi ọ yị rị ịsa, dị ọ ngụ ịnị eehi dị ọ na hụtụ ini eteesu nị.

2 Ịsamụwẹrị 1:12

Dị ẹ jị òrèrè Ịsọọrụ ọnịrị Ijonatani ozi anị pooro nị. Avọọ ẹ mẹ̀ re jị òrèrè agụvị isoja Ẹnẹyịmavara ọnịrị agụvị avaba Anisirẹrị ene sú éyi ịrẹkụ nị. Ẹnịnị ẹ yị rị ịsa hụrẹ ẹnẹnẹ pooro na ngụ oruva.

1 Ịsamụwẹrị 4:12

 nyị Anịbẹnjamịnị ọnya aanị ene zwe hụrẹ eyi ịrẹkụ dị ọ va ngụ Isiro ịhị ọnọọ ịhị ọnọọ. Ó mèe vẹ, awuru anị vị ọnị ọ na, dị ọ ká ezi và hi ịrẹsụ áyị anị mè du pooro.

Ọdọvịdị 21:2

Ịrẹma ọnị ịrẹkụ sị ji kwooze dị Anisirẹrị nịnị nọ Ịbẹtẹrị dị ẹ yaatẹ ọvịdị Ohomorihi na ngụ oruva dị ẹ jị òrèrè ngụ-ngụ-ngụ nị.

Ọdọvịdị 20:26

Ịjọnọọ dị avaba Anisirẹrị ẹnịrị avaba ọkụrẹkụ ẹnịnị va hịrẹ nọ Ịbẹtẹrị nị. Ịjị e tu ịzọọ dị ẹ jị òrèrè ọvịdị Ẹnẹyịmavara nị. Ệ yaa tẹ ịzọọ ẹnịnị ẹyị sị ịsa kanyị irenu na ngụ oruva dị ẹnịnị mẹ̀ ịsọvọ ẹnẹ rịra saka-saka hi Ẹnẹyịmavara nị.

Ọdọvịdị 20:23

Ịjọnọọ dị Anisirẹrị nịnị nọ ịnị irehi Ẹnẹyịmavara dị ẹ jị òrèrè na ngụ oruva ọvịdị Ẹnẹyịmavara nị, dị ẹnịnị họ̀ ọ use ka ẹnị ọ vọrọ ka ẹ kụkụ varẹma ne pe anda ẹnịnị Anịbẹnjamịnị kụ ịrẹkụ? Dị Ẹnẹyịmavara kà ẹ varẹma na nị.

Ịrịka 16:45

ọ hụụ ịnị akakana ẹnịnị agụvị dị ọnị ọ wụ ịtapa-ịtapa. Ama dị Imosiisi ọnịrị Eerọnị tana tụra ẹtẹ dị e va eyi ku ẹtẹ nị.

Ịrịka 16:22

Ama dị ẹnị ẹyịva ẹnẹẹ ka ịrẹsụ hi, dị ẹ mẹ̀ aduwa kà a, Tee! Ohomorihi anaā sịị ụhwẹ yị aza, sị ẹ vị dị a vaa hụvị ọza ịnya kụ ayị hi avaba ịragụ?

Ijosuwa 7:7

Dị Ijosuwa họ̀ Ananyị yị Ẹnẹyịmavara kà sị ẹ vẹ dị ọ kụ ẹnị hụrẹ akẹnẹ irehu Ijodani va ngụ ịzọọ? Sị ẹ vẹ dị ọ navọ ka Anamọrị nịnị ẹẹ wụ ẹnị va ha? Ọ yaanị zoza ka ẹnị e hi akẹnẹ irehu ịzị ẹnẹ vịdị ya.

2 Ịsamụwẹrị 1:11

Di Idevidi ọnịrị aza ene hi ịzọọ pè e za awuru ẹnịnị dị ẹ na a, áyị màa kụ́ wa nị.

2 Ohinọyị 22:11

Ịjị ohinọyị wụ́ ọ mẹ za iwe ọnọọ ịrịka kẹnẹ, dị ọ na awuru anị hi ẹngụ.

2 Ịtọpa 34:19

Ịjị ohinọyị wụ́ ọ mẹ za iwe ọnọọ ịrịka kẹnẹ, dị ọ na awuru anị hi ẹngụ.

Ijoovu 42:6

Ịrẹyị ọnị ọnị vịdị ka ộ sị vara ụhị yị ọnị. Agụvị avọọ ọnị kụ́ atịtọ ọnịrị edudu ku ẹngụ aa pa ẹvagu aanị nị.

Ọdọvịdị 11:35

Ịjị Ịjẹhwịta vavọọ re e kẹnẹ, dị ayị sị du, dị ọ na ẹnya anị hi ẹngụ anị ẹngụ, dị ọ ka, kwee-kwee, ozi emi, ẹngụkata ụ kụ ve tu mị aanị nọ. Mâ sị ọ kà yị Ẹnẹyịmavara kà aa nyị ịsa ẹmị vaa mẹ yị ọ, mẹ yị zụ mẹ ka mẹ yị mẹ̀ ịsa ọnọọ.

2 Ịsamụwẹrị 1:2

dị ahịka eyinẹhẹ oni Idevidi vavọọ vẹ ọ́za ịnya zwe hụrẹ ịnị isoja Ịsọọrụ di o ve tù Idevidi nị. Ọ màa vẹ, awuru anị vị ọnị ọ na, dị ọ ká ezi và hi ịrẹsụ ana si zụ̀ ka ayị anị vị ana nyayịnẹ du nị. O mè ve tù Idevidi dị ọ tana tụra ẹtẹ dị ọ kụ́ ọ nị.

2 Ịsamụwẹrị 13:19

Di Ịtama ka ezi hi ịrẹsụ ana sị zụ̀ ka ayị anị ô du, dị ọ na awuru ọgọdọ anị ọnọọ oni o chire, dị ọ tụ̀ ụvọ kú ịrẹsụ dị aa tụ́ oreree na nị.

Ẹzịra 10:1

Ẹzịra mẹ̀ vavọọ yi ku ẹtẹ aa mẹ̀ aduwa ọvịdị irehi Ohomorihi, dị aa jị òrèrè, dị aa kụ ẹngụ anịị nya ẹtẹ nị. Aa dọ irenu ịvị ẹnẹnị dị ọkọnị Anisirẹrị, anọrụ, anẹẹ, ẹnịrị ezweyi va gụ kara a nị. Aza ẹnẹẹ nyẹmba vị ana raa jị òrèrè ọngwọọngụ.

Inehemaya 9:1

Ịnị ẹkụhị ohurẹwụrẹna ịnị ụhwẹ ịhịmba ịrayị, Anisirẹrị nịnị ệ kụ ẹngụ gụ, dị ẹ za awẹ, dị ẹ kụ edudu ku ịrẹsụ ana sị zụ ka ayị ẹnịnị ô du agụvị ịvị ẹnẹ ẹ mẹ nị.

Ẹsịta 4:3

Di avaba ezi Anisirẹrị ene hi ịnị ẹtẹ ịzị ọda ọnọnị za và ẹngụ hi ẹtẹẹtẹrẹ nị. Di e yi ka ẹnị ẹ yị rị ịsa nị, dị ẹ yaa jị òrèrè ẹtẹẹtẹrẹ nị. Di aza ọrụrụ-ọrụrụ ẹnịnị kụ̀ ẹnya ana sị zụ ka ẹ yaa zị ẹngụ, dị ẹ hụtẹtẹ hi ini eteesu nị.